شي جينپيڭ تىنىق مۇحيتتاعى ديپلوماتيالىق قارىم - قاتىناس ورناتقان ارال ەلدەرى باسشىلارىمەن كەزدەستى
2018.11.19 16:29 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى پورت مورسبيدەن بەرگەن حابارى (تىلشىلەر لو جۇن، ميۋ شياۋجۋان). مەملەكەت ءتوراعاسى شي جينپيڭ 11 - ايدىڭ 16 - كۇنى پورت مورسبيدە تىنىق مۇحيتتاعى ديپلوماتيالىق قارىم - قاتىناس ورناتقان ارال ەلدەرى باسشىلارىمەن جەكە - جەكە كەزدەسىپ، ولارمەن ەكى جاقتى قارىم - قاتىناس جانە ناقتى سەلبەستىك جونىندە كوزقاراس اۋىستىردى.
ميكرونەزيا فەدەراتسياسىنىڭ زۇڭتۇڭى كريستيانمەن كەزدەسكەن كەزدە، شي جينپيڭ مىنالاردى اتاپ كورسەتتى: جۇڭگو جاق ميكرونەزيا جاقتىڭ ءبىر جۇڭگو پرينسيبىندە بەرىك تۇرعاندىعىن القايدى، دۇرىس ۇجدان - مۇددە كوزقاراسىن جانە شىنايى دا ەتەنە ۇستانىمدى ۇزدىكسىز ۇستانىپ، ميكرونەزيا جاقپەن ىنتىماقتاستىقتى، سەلبەستىكتى كۇشەيتۋدى قالايدى. ەكى جاقتىڭ جاقىندا قول قويىسقان «ءبىر بەلدەۋ، ءبىر جولدى» بىرگە قۇرۋ سەلبەستىك كەلىسىمىن ويداعىداي تياناقتاندىرىپ، ساۋدا، قارجى قوسۋ، اۋىل شارۋاشىلىعى، بالىق شارۋاشىلىعى، نەگىزدىك قۇرىلعى قۇرىلىسى سياقتى سالالارداعى سەلبەستىكتى ىلگەرىلەتىپ، 2019 - جىلعى جۇڭگو - تىنىق مۇحيتتاعى ارال ەلدەرى ساياحات جىلى جەلىلەس قيمىلدارىن تىڭعىلىقتى وتكىزۋىن ءۇمىت ەتەمىن. جۇڭگو جاق تۇستىك ەلدەر سەلبەستىگى اياسىندا ميكرونەزيا جاقتىڭ كليمات وزگەرىسىنە توتەپ بەرۋىنە ۇزدىكسىز قولداۋ كورسەتۋدى جانە كومەكتەسۋدى قالايدى.
كريستيان مىنالاردى ءبىلدىردى: ميكرونەزيا جۇڭگومەن قارىم - قاتىناسىنا ءمان بەرەدى، جۇڭگونىڭ باستان - اياق ۇلكەندى - كىشىلى ەلدەرگە تۇگەلدەي تەڭ قاراۋدان جازباعاندىعىنا بەلسەندى باعا بەرەدى، ميكرونەزيا حالقى جۇڭگونىڭ ۇزاق ۋاقىتتان بەرگى قىمباتتى كومەگىنە العىس ايتادى. «ءبىر بەلدەۋ، ءبىر جول» باستاماسى وسى ءوڭىردىڭ دامۋى جونىنەن توتەنشە ماڭىزدى. ميكرونەزيا جاق جۇڭگومەن ەكونوميكا - ساۋدا، ساياحات سياقتى جاقتارداعى سەلبەستىكتى كەڭەيتۋدى، كليمات وزگەرىسىنە توتەپ بەرۋ سياقتى ماسەلەلەردە قارىم - قاتىناستى جانە سايكەستىكتى كۇشەيتۋدى قالايدى.
ساموانىڭ زۇڭليى تۇيلايپامەن كەزدەسكەن كەزدە، شي جينپيڭ مىنالاردى اتاپ كورسەتتى: قازىر جۇڭگو - ساموا قارىم - قاتىناسى جاڭا دامۋ ورايىنا ءدوپ كەلدى. ەكى جاق وسكەلەڭ ساياسي سەنىمدىلىكتى ساقتاپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەرىندە ءوزارا قولداۋ كورسەتىپ، «ءبىر بەلدەۋ، ءبىر جول» اياسىندا ءار سالاداعى سەلبەستىكتى كەڭەيتۋ، گۋمانيتارلىق اۋىس - ءتۇيىستى كەڭەيتۋ كەرەك. جۇڭگو جاق ساموانىڭ 2019 - جىلى تىنىق مۇحيت سپورت جينالىسىن وتكىزۋىنە قولداۋ كورسەتىپ، ساموا جاقتىڭ كليمات وزگەرىسىنە توتەپ بەرۋ قابىلەتىن جوعارىلاتۋىن ۇزدىكسىز دەمەيدى.
تۇيلايپا مىنالاردى ءبىلدىردى: ساموا 1975 - جىلى جۇڭگومەن ديپلوماتيالىق قارىم - قاتىناس ورناتقاننان بەرى باستان - اياق ءبىر جۇڭگو ساياساتىن باتىل ۇستاندى. ساموا جۇڭگونىڭ نەگىزدىك قۇرىلعى قۇرىلىسى سياقتى سالالاردا قولداۋ كورسەتكەندىگىنە العىس ايتادى، بۇل قولداۋلار ساموانىڭ دامۋدى جۇزەگە اسىرۋىنا، ەڭ دامىماعان ەل ورنىنان ارىلۋىنا ماڭىزدى ۇلەستەر قوستى. ساموا «ءبىر بەلدەۋ، ءبىر جول» اياسىندا جۇڭگومەن قاتىستى ءتۇيىندى سەلبەستىك نىساندارىن ىلگەرىلەتۋدى قالايدى.
ۆانۋاتۋدىڭ زۇڭليى سالۋايمەن كەزدەسكەن كەزدە، شي جينپيڭ مىنالاردى باسا دارىپتەدى: جۇڭگو - ۆانۋاتۋ قارىم - قاتىناسى تاريحتاعى ەڭ جاقسى مەزگىلدە تۇر. جۇڭگو جاق ۆانۋاتۋدىڭ مەملەكەت قۇرىلىسىنا جانە باياندى دامۋىنا قولداۋ كورسەتە بەرەدى، جۇڭگونىڭ قۋاتتى كاسىپورىندارىن ۆانۋاتۋعا كەلىپ قارجى قوسىپ، كاسىپتى گۇلدەندىرۋگە شابىتتاندىرىپ، «ءبىر بەلدەۋ، ءبىر جولدى» بىرگە قۇرۋ اياسىندا ساۋدا جانە قارجى قوسۋ، نەگىزدىك قۇرىلعى قۇرىلىسى، قاتىناس، حابارلاسۋ، مادەنيەت، وقۋ - اعارتۋ، دەنساۋلىق ساقتاۋ سياقتى سالالارداعى سەلبەستىكتى كۇشەيتۋدى قالايدى. ەكى جاق كوپ جاقتى مەحانيزمدەگى سايكەستىكتى جانە سەلبەستىكتى كۇشەيتۋ كەرەك.
سالۋاي مىنالاردى ءبىلدىردى: ۆانۋاتۋ - جۇڭگو قارىم - قاتىناسى تاريحتاعى ەڭ جوعارى دەڭگەيدە تۇر. ۆانۋاتۋ جۇڭگونىڭ رەفورما، دامۋ جەتىستىكتەرىنە سۇيىنەدى، جۇڭگو جاقتىڭ ۇزاق ۋاقىتتان بەرى كورسەتكەن كومەگىنە العىس ايتادى. ۆانۋاتۋ مەن جۇڭگونىڭ ءار سالاداعى ناقتى سەلبەستىكتەرىنىڭ اياق الىسى تاماشا، ۆانۋاتۋدىڭ ءوزىن دامىتۋىنا كومەكشى كۇش ازىرلەدى. ۆانۋاتۋ جاق ءبىر جۇڭگو ساياساتىنا تاباندى بولادى، «ءبىر بەلدەۋ، ءبىر جول» باستاماسىن القايدى جانە وعان بەلسەندىلىكپەن قاتىناسادى، جۇڭگونىڭ ەلەۋلى حالىقارالىق جانە وڭىرلىك ماسەلەلەردەگى دارىپتەمەسىن قولدايدى.
كۋككا ارالدارىنىڭ زۇڭليى پۋنامەن كەزدەسكەندە، شي جينپيڭ مىنالاردى اتاپ كورسەتتى: جۇڭگو مەن كۋككا ارالدارى ديپلوماتيالىق قارىم - قاتىناس ورناتقان 21 جىلدان بەرى باستان - اياق شىنايى دوستىققا، ءوزارا قۇرمەتتەۋگە، تەڭ قاراۋعا تاباندى بولىپ، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىردى. جۇڭگو جاق كەڭەسۋ، بىرگە قۇرۋ، ورتاق يگىلىككە كەنەلۋ پرينسيبى نەگىزىندە ەكى جاق «ءبىر بەلدەۋ، ءبىر جولدى» بىرگە قۇرۋ سەلبەستىك كەلىسىمىنە قول قويۋدى وراي ەتىپ، ەكونوميكا - ساۋدا، ساياحات، گۋمانيتارلىق، جەرگىلىكتى ورىندار سياقتى سالالارداعى اۋىس - ءتۇيىستى، سەلبەستىكتى كۇشەيتىپ، ەكى ەل حالقىنىڭ دوستىعىن بەكەمدەۋدى قالايدى.
پۋنا مىنالاردى ءبىلدىردى: كۋككا ارالدارى جۇڭگومەن ءوزارا قۇرمەت ەتۋ، ىشكى ىسىنە كيلىكپەۋ، تەرەزەسى تەڭ بولۋ نەگىزىندە ورناتقان تاماشا قارىم - قاتىناسىن ماقتانىش ەتەدى. كۋككا ارالدارى جاق ءبىر جۇڭگو پرينسيبىندە تاباندى بولادى، جۇڭگونىڭ كۋككا ارالدارىنىڭ نەگىزدىك قۇرىلعى قۇرىلىسى سياقتى سالالاردا قولداۋ كورسەتكەندىگىنە العىس ايتادى. كۋككا ارالدارى مەن جۇڭگو قول قويىسقان «ءبىر بەلدەۋ، ءبىر جولدى» بىرگە قۇرۋ كەلىسىمى ەكى جاقتىڭ سەلبەستىگىنە كەڭ ءورىس اشتى.
تونگانىڭ باس ءۋازىرى پوحيۆامەن كەزدەسكەن كەزدە، شي جينپيڭ مىنالاردى اتاپ كورسەتتى: بيىل جۇڭگو مەن تونگانىڭ ديپلوماتيالىق قارىم - قاتىناس ورناتقاندىعىنىڭ 20 جىلدىعى. 20 جىلدان بەرى، ەكى ەلدىڭ ءوزارا تيىمدىلىك جەتكىزگەن سەلبەستىگى سۇبەلى جەتىستىكتەرگە قول جەتكىزدى. جۇڭگو جاق تونگا جاقتىڭ ءبىر جۇڭگو ساياساتىن بەرىك ۇستانعاندىعىن القايدى، تونگا جاقتىڭ «ءبىر بەلدەۋ، ءبىر جولدى» بىرگە قۇرۋعا بەلسەندىلىكپەن ات سالىسۋىن قارسى الادى. ەكى جاقتىڭ سەلبەستىكتىڭ كومەسكى كۇشىن ىشكەرىلەي اشىپ، ساۋدا، قارجى قوسۋ، نەگىزدىك قۇرىلعى قۇرىلىسى سياقتى سالالارداعى سەلبەستىكتى زورايتۋىن، گۋمانيتارلىق، جەرگىلىكتى ورىندار اۋىس - ءتۇيىسىن كەڭەيتۋىن ءۇمىت ەتەمىن.
پوحيۆا مىنالاردى ءبىلدىردى: تونگا جۇڭگونىڭ باستان - اياق تونگانى تەرەزەسى تەڭ سەرىگى رەتىندە كورگەندىگىنە جوعارى باعا بەرەدى، جۇڭگو جاقتىڭ قىمباتتى كومەگىنە، اسىرەسە، جۋىردا «حىپيڭ فاڭجوۋ» اتتى مەديتسينالىق كەمەسىنىڭ تونگاعا كەلگەندىگىنە العىس ايتادى. تونگا جاق ءبىر جۇڭگو ساياساتىنا تاباندى بولادى، تۇڭعىش كەزەكتى جۇڭگو حالىقارالىق يمپورت كورمەسىنىڭ ءساتتى وتكىزىلگەندىگىن قۇتتىقتايدى، جۇڭگونىڭ دامۋداعى كورەگەندىگى مەن كەلەشەگىنە سۇيىنەدى، «ءبىر بەلدەۋ، ءبىر جول» سەلبەستىگىنە قاتىناسقاندىعىنا بارىنشا قۋانادى.
نيۋەنىڭ زۇڭليى تاراجيمەن كەزدەسكەن كەزدە، شي جينپيڭ مىنالاردى باسا دارىپتەدى: جۇڭگو جاق دۇرىس ۇجدان - مۇددە كوزقاراسىن جانە ناقتى دا شىنايى ۇستانىمدا ۇزدىكسىز تاباندى بولا وتىرىپ نيۋەمەن قارىم - قاتىناستى دامىتادى. جۇڭگو جاق نيۋە جاقتىڭ «ءبىر بەلدەۋ، ءبىر جول» سەلبەستىگىنە بەلسەندىلىكپەن ات سالىسۋىن، ءوڭىر ءىشى - سىرتىنداعى ەلدەرمەن ءوزارا بايلانىستى اناعۇرلىم ويداعىداي جۇزەگە اسىرۋىن قارسى الادى. جۇڭگو جاق نيۋە جاقپەن كليمات وزگەرىسى جونىندەگى تۇستىك ەلدەر سەلبەستىگىن جانە تەڭىزدى، قورشاعان ورتانى قورعاۋ سياقتى جاقتارداعى سەلبەستىكتى كۇشەيتىپ، جاسىل، تومەن كومىرتەكتى، باياندى دامۋدى ىلگەرىلەتۋدى قالايدى.
تاراجي مىنالاردى ءبىلدىردى: نيۋە ءبىر جۇڭگو ساياساتىندا تاباندى بولادى، جۇڭگومەن دوستىعىن جانە سەلبەستىگىن قاستەرلەيدى. نيۋە جۇڭگونىڭ كليمات وزگەرىسىنە توتەپ بەرۋ جولىندا جاساعان بەلسەندى قۇلشىنىستارىن جوعارى باعالايدى، جۇڭگونىڭ قاتىناس نەگىزدىك قۇرىلعىلارى سياقتى سالالاردا جاساعان قىمباتتى قولداۋىنا العىس ايتادى، جۇڭگو جاقپەن ءار سالاداعى سەلبەستىكتى جانە حالىقارالىق ىستەردەگى سايكەستىكتى تەرەڭدەتۋدى قالايدى.
شي جينپيڭ فيجي ۇكىمەتىنىڭ ۋاكىلى، مەملەكەت قورعانىس مينيسترى كۋبۋابولامەن كەزدەستى. شي جينپيڭ مىنالاردى اتاپ كورسەتتى: قازىر جۇڭگو - فيجي قارىم - قاتىناسى تاماشا دامۋ بەتالىسىن ساقتاپ، ەكى ەل حالقىنا ناقتى تيىمدىلىكتەر الا كەلدى. جۇڭگو جاق فيجي جاقپەن بىرگە ساياسي جاقتاعى ءوزارا سەنىمدى ىشكەرىلەي ارتتىرىپ، ناقتى سەلبەستىكتەردى تەرەڭدەتىپ، حالىقتار دوستىعىن بايىتىپ، ەكى ەل قارىم - قاتىناسىنىڭ ۇزدىكسىز تىڭ ىلگەرىلەۋشىلىكتەرگە قول جەتكىزۋىن جەبەۋدى قالايدى.
كۋبۋابولا مىنالاردى ءبىلدىردى: جۇڭگو جاقتىڭ فيجيدىڭ ەكونوميكاسىن دامىتۋىنا، حالىق تۇرمىسىن جاقسارتۋىنا كورسەتكەن كومەگىنە العىس ايتامىن. فيجي جۇڭگو جاقپەن ءار سالاداعى ناقتى سەلبەستىكتەردى تەرەڭدەتۋدى ءۇمىت ەتەدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى كەزدەسۋلەرگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
