شي جينپيڭ تىنىق مۇحيتتاعى ديپلوماتيالىق قارىم - قاتىناس ورناتقان ارال ەلدەرى باسشىلارىمەن توپتىق كەڭەس وتكىزدى ءارى ارقاۋ ءسوز سويلەدى
2018.11.19 16:30 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى پورت مورسبيدەن بەرگەن حابارى (تىلشىلەر لي جۇڭفا، لو جۇن، سۇن حاۋ). مەملەكەت ءتوراعاسى شي جينپيڭ 11 - ايدىڭ 16 - كۇنى پورت مورسبيدە پاپۋا - جاڭا گۆينەياسىنىڭ زۇڭليى ونيل، ميكرونەزيا فەدەراتسياسىنىڭ زۇڭتۇڭى كريستيان، ساموانىڭ زۇڭليى تۇيلايپا، ۆانۋاتۋدىڭ زۇڭليى سالۋاي، كۋككا ارالدارىنىڭ زۇڭليى پۋنا، تونگانىڭ باس ءۋازىرى پوحيۆا، نيۋەنىڭ زۇڭليى تاراجي سياقتى تىنىق مۇحيتتاعى ديپلوماتيالىق قارىم - قاتىناس ورناتقان ارال ەلدەرى باسشىلارىمەن، سونداي - اق فيجي ۇكىمەتىنىڭ ۋاكىلى، قورعانىس مينيسترى كۋبۋابولامەن توپتىق كەڭەس وتكىزىپ، جۇڭگونىڭ تىنىق مۇحيتتاعى ارال ەلدەرمەن قارىم - قاتىناسىن تەرەڭدەتۋ جونىندە پىكىر اۋىستىردى، ەكى جاقتى قاتىناستى ءوزارا قۇرمەت ەتەتىن، بىرگە داميتىن جان - جاقتى ستراتەگيالىق سەرىكتەستىك قاتىناسقا كوتەرىپ، جان - جاقتى سەلبەستىكتىڭ جاڭا جاعدايىن اشۋعا ءبىر اۋىزدان قوسىلدى. شي جينپيڭ كەڭەستى باسقاردى ءارى ارقاۋ ءسوز سويلەپ، جاڭا جاعدايداعى جۇڭگو مەن تىنىق مۇحيتتاعى ارال ەلدەرى قارىم - قاتىناسىنىڭ دامۋى جونىندە ۇسىنىس قويدى، ورايدى يگەرىپ، بولاشاقتى بىرگە اشىپ، جۇڭگونىڭ تىنىق مۇحيتتاعى ارال ەلدەرمەن قارىم - قاتىناسىنىڭ اناعۇرلىم جارقىن بولاشاعىن قول ۇستاسا اشۋدى باسا دارىپتەدى.
شي جينپيڭ بىلاي دەپ اتاپ كورسەتتى: جۇڭگو مەن تىنىق مۇحيتتاعى ارال ەلدەردىڭ ءبارى ازيا - تىنىق مۇحيت وڭىرىندە، ءبارى دە وركەندەپ كەلە جاتقان ەلدەر. حالىقارالىق اۋقىمدا قانداي وزگەرىستەر بولۋىنا قاراماستان، ءبىز قاشاندا ءبىر - بىرىمىزگە ادال نيەتپەن مامىلە جاسايتىن، ءبىر - ءبىرىمىزدى قۇرمەتتەيتىن جاقسى دوستارمىز، دامۋعا بىرگە ۇمتىلاتىن، ءوزارا تيىمدىلىك جاساپ تەڭ يگىلىككە كەنەلەتىن جاقسى سەرىكتەرمىز، ءوزارا سىرلاسىپ، تۇسىنىسەتىن، ءوزارا ۇيرەنىپ، ءوزارا ۇلگى الاتىن باۋىرلاستارمىز. جۇڭگو مەملەكەتتەر ۇلكەن - كىشى دەپ بولىنبەيدى، بارلىعىنىڭ تەرەزەسى تەڭ دەگەنگە تاباندى بولىپ، ارال ەلدەرى حالىقتارىنىڭ دامۋ جولىن ءوزى تاڭداۋ ۇقىعىنا قۇرمەت ەتەدى، ارال ەلدەردىڭ بىرلەسە وتىرىپ وزدەرىن قۇدىرەتتەندىرۋ، حالىقارالىق جانە وڭىرلىك ىستەرگە تەڭ تۇرعىدا ارالاسۋ جولىنداعى قۇلشىنىسىنا قۇرمەت ەتەدى. ءبىز ارال ەلدەردەگى دوستاردى ىزگى نيەتپەن تۇسىنەمىز، ولارعا ادەپپەن مامىلە جاسايمىز، ولارمەن شىن جۇرەكپەن قارىم - قاتىناس جاسايمىز. جۇڭگو قاشاندا بورىش پەن مۇددەنى تەڭ ەسكەرۋگە، بورىشتى الدىڭعى ورىنعا قويۋعا تاباندى بولىپ، ارال ەلدەرىنىڭ ەكونوميكانى دامىتۋىن، حالىق تۇرمىسىن جاقسارتۋىن، ءوزىنىڭ باياندى دامۋ قابىلەتىن ءوسىرۋىن قولدايدى. جۇڭگو كومەك بەرۋدە ونەر ۇيرەتۋگە تاباندى بولادى. جۇڭگو ىرىقتى تۇردە ارال ەلدەرىنە بازار اشىپ، قارجى قوسۋ اياسىن كەڭەيتەدى، ارال ەلدەردەن يمپورت ەتۋدى ارتتىرادى، ارال ەلدەرىنىڭ جۇڭگونىڭ دامۋ جۇردەك پويەزىنا شىعۋىنا قارسى الادى.جۇڭگونىڭ تىنىق مۇحيتتاعى ارال ەلدەرىمەن قارىم - قاتىناسىنىڭ، سەلبەستىگىنىڭ قاۋىرت ورىستەتىلۋىنە بايلانىستى، ەكى جاق حالىقتارىنىڭ دوستىعى اناعۇرلىم نىعايا تۇسەدى.
شي جينپيڭ مىنالاردى باسا دارىپتەدى: ازيا - تىنىق مۇحيت ءوڭىرى − عالامدىق ەكونوميكانىڭ دامۋىنداعى قارقىنى ەڭ تەز، كومەسكى كۇشى ەڭ زور ءوڭىر. ءداۋىر تاقىرىبى الدىندا، ءبىز بەيبىتشىلىكتىڭ، دامۋدىڭ، سەلبەستىكتىڭ، بىرگە يگىلىكتەنۋدىڭ بىردەن - ءبىر دۇرىس تالعام ەكەندىگىنە كامىل سەنەمىز. قازىرگى تاڭدا، تىنىق مۇحيتتاعى ارال ەلدەرىنىڭ وزىندىك دامۋ تانىمى ۇزدىكسىز ءوسىپ، حالىقاراداعى ىقپالى ۇزدىكسىز كەڭەيۋدە. جۇڭگونىڭ تىنىق مۇحيتتاعى ارال ەلدەرىمەن ەكونوميكاداعى ءوزارا تولىقتاۋ سيپاتى كۇشتى، سەلبەستىك كومەسكى كۇشى زور. جاڭا جاعدايدا، ءبىزدىڭ ورتاق مۇددەمىز ازايعان جوق، قايتا كوبەيە ءتۇستى؛ سەلبەستىك نەگىزى تارايعان جوق، قايتا كەڭەيە ءتۇستى.
شي جينپيڭ جۇڭگو مەن تىنىق مۇحيتتاعى ارال ەلدەرى قارىم - قاتىناسىن تەرەڭدەتۋ جونىندە مىناداي ۇسىنىستار قويدى:
ءبىرىنشى، تەڭ، قاتار تۇرۋعا تاباندى بولىپ، ساياسي ءوزارا سەنىمدى تەرەڭدەتۋ. جۇڭگو ارال ەلدەرىمەن جوعارى جىكتەگىلەر جانە ءار دارەجەلىلەر اراسىنداعى قارىم - قاتىناس جاعدايىن ساقتاپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى ۇزدىكسىز قولداۋدى قالايدى. جۇڭگو ارال ەلدەرىمەن 2019 - جىلدىڭ سوڭعى جارتىسىندا 3 - كەزەكتى جۇڭگو - تىنىق مۇحيتتاعى ارال ەلدەرى ەكونوميكالىق دامۋ سەلبەستىگى تالقى مىنبەرىن بىرگە وتكىزۋدى قالايدى.
ەكىنشى، ءوزارا پايدا جەتكىزۋ سەلبەستىگىنە تاباندى بولىپ، بىرگە گۇلدەنۋدى جۇزەگە اسىرۋ. جۇڭگو ديپلوماتيالىق قاتىناس ورناتقان ارال ەلدەرى وزىندىك دامۋ قابىلەتىن ءوسىرۋ، ەكونوميكانىڭ، قوعامنىڭ تاماشا اينالىمىن جۇزەگە اسىرۋى جولىندا ۇزدىكسىز قۇلشىنىس جاسايدى. تاراپتار «ءبىر بەلدەۋ، ءبىر جولدى» بىرگە قۇرۋ سەلبەستىك حۇجاتىنا قول قويۋدى وراي ەتىپ، ءار سالاداعى ناقتى سەلبەستىكتى تەرەڭدەتىپ، تاراپتاردىڭ ساۋداعا قولايلىلىق جاساۋ دەڭگەيىن جوعارىلاتىپ، 2019 - جىلعى جۇڭگو - تىنىق مۇحيتتاعى ارال ەلدەرى ساياحات جىلىنىڭ جەلىلەس قيمىلدارىن جاقسى وتكىزۋى كەرەك.
ءۇشىنشى، كوڭىلدەردى توعىستىرۋعا تاباندى بولىپ، حالىقتاردىڭ دوستىعىن تەرەڭدەتۋ. جۇڭگو ارال ەلدەرىنىڭ دارىندى باۋلۋىن جانە قابىلەت قۇرىلىسىن قولداپ، حانزۋ ءتىلى وقىتۋىن جانە ادامداردىڭ بارىس - كەلىسىن كەڭەيتىپ، ءار سالانىڭ قارىم - قاتىناسىن كۇشەيتەدى. جۇڭگو اناعۇرلىم كوپ جەرگىلىكتى ولكە، قالالاردى ارال ەلدەرىمەن بارىس - كەلىس، سەلبەستىك ورىستەتۋگە شابىتتاندىرۋدى قالايدى.
ءتورتىنشى، ءوزارا قارايلاسۋعا، كومەكتەسۋگە تاباندى بولىپ، ادىلدىكتى، اقيقاتتى قورعاۋ. جۇڭگو ارال ەلدەرىمەن بىرگە كوپ جاقتىلىقتى جانە ەركىن ساۋدا ءتۇزىلىسىن قورعاۋدى، حالىقارالىق ىستەردەگى كەڭەسۋ مەن سايكەسۋدى كۇشەيتۋدى، ارال ەلدەرىنىڭ «تىنىق مۇحيت ءۇنىن» شارىقتاتۋىن، 2030 - جىلعا دەيىنگى باياندى دامۋ كەڭەستىك تاقىرىبىن بىرگە ىلگەرىلەتۋدى، ارال ەلدەرىنىڭ «كوگىلدىر تىنىق مۇحيت» باستاماسىن ىلگەرىلەتۋىن قولداۋدى قالايدى. جۇڭگو تىنىق مۇحيتتاعى ارال ەلدەرىنىڭ كليمات وزگەرىسى ماسەلەسىندەگى ەرەكشە قاداعالاپ وتىرعان ىستەرىنە ءمان بەرىپ جانە ءتۇسىنىپ، ارال ەلدەرىنە قولىنان كەلگەنىنشە كومەك كورسەتىپ، «پاريج كەلىسىمىنىڭ» ءونىمدى اتقارىلۋىن قول ۇستاسا ىلگەرىلەتىپ، جەر شارىنىڭ جاسىل، تومەن كومىرتەكتى، باياندى دامۋىن ىلگەرىلەتەدى.
شي جينپيڭ مىنالاردى باسا دارىپتەدى: جۇڭگو دامىپ قانداي دەڭگەيگە جەتسە دە، جۇڭگو ماڭگى وركەندەپ كەلە جاتقان ەلدەردىڭ ءبىر مۇشەسى، وركەندەپ كەلە جاتقان ەلدەرىمەن ماڭگى بىرگە بولادى. جۇڭگونىڭ تىنىق مۇحيتتاعى ارال ەلدەرىمەن قارىم - قاتىناسىندا تىڭ پاراق اشىلدى. ءبىز ارال ەلدەرىمەن بىرگە قۇلشىنىپ، دوستىقتى ىزگى نيەتپەن نىعايتىپ، سەلبەستىكتى ىسكەرلىكپەن ىلگەرىلەتىپ، جۇڭگونىڭ تىنىق مۇحيتتاعى ارال ەلدەرىمەن قارىم - قاتىناسىنىڭ اناعۇرلىم جارقىن بولاشاعىن قول ۇستاسا اشۋدى قالايمىز.
ارال ەلدەرى باسشىلارى ءتوراعا شي جينپيڭنىڭ جۇڭگو مەن تىنىق مۇحيتتاعى ارال ەلدەرى باسشىلارىنىڭ توپتىق كەڭەسى جونىندە باستاما كوتەرگەندىگىنە ءارى باسقارعاندىعىنا العىس ايتتى. ولار مىنالاردى ءبىلدىردى: جۇڭگو − تىنىق مۇحيتتاعى ارال ەلدەرىنىڭ دامۋ جوباسىن جۇزەگە اسىرۋداعى، حالىقتىڭ ىرىس - قۇتىن مولايتۋداعى، عالامدىق سىن - سايىسقا توتەپ بەرۋدەگى ماڭىزدى سەرىگى. تىنىق مۇحيتتاعى ارال ەلدەرى جۇڭگومەن تىعىز قارىم - قاتىناستى قاستەرلەيدى، ءبىر جۇڭگو ساياساتىنا تاباندى بولادى، جۇڭگونىڭ ۇزاق ۋاقىتتان بەرگى ەشقانداي ساياسي شارت ۇستەلمەگەن كومەگىنە العىس ايتادى، تاراپتار قارىم - قاتىناسىنىڭ ءوزارا قۇرمەت ەتەتىن، بىرگە داميتىن جان - جاقتى ستراتەگيالىق سەرىكتەستىك قاتىناسقا كوتەرىلگەندىگىنە ەرەكشە قۋانادى. تىنىق مۇحيتتاعى ارال ەلدەرى «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، جۇڭگومەن ساۋدا، قارجى قوسۋ، بالىق شارۋاشىلىعى، ساياحات، نەگىزدىك قۇرىلعى قۇرىلىسى سالالارىنداعى سەلبەستىكتى كۇشەيتىپ، وزدەرىنىڭ ەكونوميكالىق، قوعامدىق دامۋىنا دەم بەرۋدى قالايدى. تىنىق مۇحيتتاعى ارال ەلدەرى جۇڭگونىڭ باياندى دامۋ، كليمات وزگەرىسىنە توتەپ بەرۋ جاقتارىنداعى باسشىلىق رولىن جوعارى باعالايدى، جۇڭگومەن كوپ جاقتى ىستەردەگى بايلانىستى جانە سايكەسۋدى كۇشەيتۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەڭەسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
