پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىگىنە قول جەتكىزەيىك
− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
2019.01.14 15:27 كەلۋ قاينارى : شينجياڭ گازەتى
ءار ءداۋىردىڭ ءوز رۋحاني تىنىسى بولادى، ءار پارتيانىڭ ءوز رۋحاني قاسيەتى بولادى. جۇرەكتىلىكپەن وزىندىك توڭكەرىس جۇرگىزۋ، پارتيانى قاتاڭ باسقارۋ، قاتاڭ جونگە سالۋ − پارتيامىزدىڭ ەڭ ايقىن قاسيەتى.
19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى − پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، پارتيانى جاپپاي قاتاڭ جونگە سالۋدى مىزعىماستان ىلگەرىلەتكەن جاڭا جاعدايدا اشىلعان ءبىر رەتكى ماڭىزدى ءماجىلىس. ماجىلىستە، باس شۋجي شي جينپيڭ جاڭا داۋىردەگى پارتيا مەن مەملەكەت ىستەرى دامۋىنىڭ جالپى جاعدايىنىڭ وسكەلەڭ تۇرعىسىنان، پارتيانىڭ 19 - قۇرىلتايىنان بەرى پارتيانى جاپپاي قاتاڭ جونگە سالۋدا قول جەتكەن جاڭا كەلەلى جەتىستىكتەردى تولىق تۇراقتاندىرىپ، رەفورما جاساعان، ەسىك اشقان 40 جىلدان بەرى پارتيانىڭ وزىندىك توڭكەرىس جۇرگىزۋدەگى قۇندى تاجىريبەلەرىن تەرەڭ قورىتىندىلاپ، پارتيانى جاپپاي قاتاڭ جونگە سالۋ ارقىلى، پارتيانىڭ ىنتىماعى مەن بىرلىگىن بەكەمدەۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە پارمەندى كەپىلدىك ازىرلەۋ جونىندە ستراتەگيالىق ورنالاستىرۋ جاساپ، باسشى كادرلاردىڭ، اسىرەسە، جوعارى دارەجەلى كادرلاردىڭ جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى دايەكتىلەندىرۋى جونىندە ايقىن تالاپتاردى العا قويدى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، يدەياسى تەرەڭ، ماسەلەگە تىكە قاراعان، ءتىلى شۇرايلى دا وتكىر، پارتيامىزدىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوزىن جوعارىلاتۋ وسكەلەڭ سانالىلىعىن تولىق ايگىلەدى، جاڭا داۋىردەگى پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋدە كەلەلى جەتەكشى ماڭىز الادى.
پارتيانىڭ 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى مىزعىماستان، بۇلجىماستان ىلگەرىلەتتى. ءبىر جىلدان استام ۋاقىتتان بەرى، ءبىز جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولىپ، باقىلاۋدىڭ، ءتارتىپ اتقارۋدىڭ «ءتورت ءتۇرلى فورماتسياسىن» قولدانۋدى تەرەڭدەتىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىنە قول جەتكىزىپ، بۇقارانىڭ ماڭايىنداعى شىرىكتەسۋ ماسەلەلەرىن كۇش سالا جازالاپ، پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، پارتيانى جاپپاي قاتاڭ جونگە سالۋداعى جەتىستكتەردى ونان ارى بەكەمدەپ، تەرەڭدەتىپ، كەڭەيتىپ، جاڭا كەلەلى جەتىستىكتەرگە جەتىپ، پارتيا مەن مەملەكەت ىستەرىنىڭ جاڭا دامۋىن ىسكە اسىرۋعا پارمەندى كەپىلدىك ازىرلەدىك. ءبىر جىلدان استام ۋاقىتتان بەرى، بۇكىل پارتيانىڭ جۇمىلا قۇلشىنۋى ارقاسىندا، پارتيانىڭ ورتالىقتانعان ءبىر تۇتاس باسشىلىعى اناعۇرلىم بەكەمدەلىپ، الۋەتتەنىپ، پارتيا قۇرىلىسىنىڭ جاڭا ۇلى ينجەنەرياسى جان - جاقتى كۇشەيىپ، پارتيانى جاپپاي قاتاڭ جونگە سالۋدىڭ ونىمدىلىگى ۇزدىكسىز جوعارىلاپ، پارتيانىڭ ىشكى ساياسي ەكولوگياسى ونان ارى جاقسارىپ، پارتيا جاڭا داۋىردەگى تىڭ ساپاردا اناعۇرلىم قۇدىرەتتى ومىرشەڭدىك كۇش تانىتتى.
جاڭا داۋىردە پارتيامىزدا، ءسوز جوق، جاڭا بەينە، جاڭا تەبىن بولۋ كەرەك، بۇل جاڭا بەينە، جاڭا تەبىن، ەڭ الدىمەن، پارتيانى جاپپاي قاتاڭ جونگە سالۋداعى جاڭا جاعداي بولۋعا ءتيىس. «8 ءتۇرلى بەلگىلەمەنى» بەلگىلەۋدەن، اتقارۋدان باستاپ ىسكە كىرىسۋدەن ساياسي قۇرىلىستى ءبىر تۇتاس باسشىلىققا الا وتىرىپ پارتيا قۇرىلىسىن جاپپاي ىلگەرىلەتكەنگە دەيىن، «ۇستەم كۇيدى» قالىپتاستىرۋدان «ۇستەم جەڭىسكە» جەتۋگە دەيىن، پارتيانى جاپپاي قاتاڭ جونگە سالۋدا ۇزدىكسىز تۇردە كەلەلى جەتىستىكتەرگە جەتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ «پارتيانىڭ وزىنە تۇبەگەيلى توڭكەرىسىن جۇرگىزۋدەگى» باتىل بەكىمىن تولىق ايگىلەدى. پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى − ۇزاق مەرزىمدى، كۇردەلى، جاپالى مىندەت. پارتيامىزدىڭ سيپاتى، باستى ماقساتى پارتيامىزدىڭ شىرىكتەسۋمەن وتاسا المايتىندىعىن بەلگىلەگەن، ءبىزدىڭ، ءسوز جوق، ماڭگى جالعاستىراتىن تاباندىلىق، قايسارلىق ارقىلى پارتيانىڭ العاباسارلىعى مەن كىرشىكسىزدىگىنە زيان كەلتىرەتىن ماسەلەلەرمەن باتىل كۇرەس جۇرگىزۋىمىزدى بەلگىلەگەن. بۇل ماسەلەدە ءبىزدىڭ ەشقاشان وسى دا جەتەدى، تىنىستاپ، اياق سۋىتىپ الايىق دەگەن ويدا بولۋىمىزعا بولمايدى، ءبىر رەتكى شايقاستى ويداعىداي جۇرگىزۋمەن بارلىعىن ءبىر جولدا شەشەمىز دەگەن ويدا بولۋىمىزعا بولمايدى، ناتيجە كورىلە باستاسىمەن بەتى بەرى قارادى، دوعارايىق دەگەن ويدا بولۋىمىزعا بولمايدى.
رەفورما جاساعان، ەسىك اشقان 40 جىلدىق تاريحي ۇدەرىسكە قايىرىلا قاراساق، قوعامدىق توڭكەرىس جۇرگىزۋمەن قاتار، ۇزدىكسىز تۇردە وزىندىك توڭكەرىس جۇرگىزۋ − پارتيامىزدى باسقا ساياسي پارتيالاردان ايىرىپ تۇراتىن ەڭ كورنەكتى بەلگى ءارى پارتيامىزدىڭ ۇزدىكسىز تۇردە جەڭىستەن تىڭ جەڭىسكە جەتە بەرۋىنىڭ شەشۋشى تەتىگى. «بيلىك جۇرگىزۋدىڭ قۇنى باياندىلىقتا، جونگە سالۋ ءۇشىن، ءسوز جوق، باياندى بولۋ ءۇشىن ۇدايى جونگە سالۋ كەرەك»، ءبىز پارتيانى جاپپاي قاتاڭ جونگە سالۋدى ۇزدىكسىز ىلگەرىلەتۋىمىز، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز ىلگەرىلەتۋىمىز كەرەك. ماجىلىستە باس شۋجي شي جينپيڭ 6 ءتۇرلى مىندەتتى العا قويىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنا بەتالىس سىلتەپ، ولشەم ازىرلەدى. ءار دارەجەلى پارتيا ۇيىمدارى يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ىرىقتى تۇردە مىندەت ارقالاپ جانە ىسكەرلىك كورسەتىپ، كۇرەس جۇرگىزۋگە جۇرەكتى، شەبەر بولىپ، بوساڭسىماي، تىنباي، پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىگىنە قول جەتكىزىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەپ، دامىتىپ، پارتيا 19 - قۇرىلتايىنىڭ رۋحى مەن پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ باتىلدىقپەن تىڭعىلىقتى دايەكتىلەنۋىنە، تياناقتانۋىنا كەپىلدىك ەتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋى كەرەك!
(شينحۋا اگەنتتىگىنىڭ 1 - ايدىڭ 12 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
