- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كەدەي اۋىل–قىستاقتاعى ايەل وقىتۋشى سۋجوۋدا كوز ءمۇيىز قابىعى وپەراتسياسىن تەگىن جاساتتى
2016.09.08 13:59
نىلقى اۋدانى وزەن اۋىلى تۇرىك ءمالى قىستاعى باستاۋىش مەكتەبىنىڭ قىرعىز وقىتۋشىسى ءبيسارا قىركۇيەكتىڭ 5–كۇنى تەبىرەنگەن بەينەدە بىلاي دەيدى: شينجياڭعا كومەك بەرۋشى كادرلار مەن اۋىل كادرلارىنىڭ سەرىك بولۋىندا ۇشاقپەن جياڭسۋ ولكەسىنىڭ سۋجوۋ قالاسىنا بارىپ، كوز ءمۇيىز قابىعى وپەراتسياسىن تەگىن جاساتتىم.
بيىل 41 جاستاعى ءبيسارا ءوزىنىڭ كوز اۋرۋىنىڭ تەز ارادا قالپىنا كەلگەنىن ويلاسا–اق، ىشتەي اسەرلەنەدى. ول ءوزى كوز ءمۇيىز قابىعىن كوشىرۋ وپەراتسياسى اقىسىن تولەي المايدى، سۋجوۋ قالاسىنىڭ قورعاس قالاسىنا باعىتتامالى كومەك بەرۋ الدىڭعى شەپ قىزمەت گرۋپپاسىنىڭ باستىعى حان جياڭنىڭ كومەگىندە ونىڭ كوزى قايتا كورەتىن بولادى. حان جياڭنىڭ كومەگىندە ءبيسارا سۋجوۋ ۋنيۆەرسيتەتىنە قاراستى ليشياڭ كوز اۋرۋلار شيپاحاناسىمەن بايلانىس جاسايدى. بۇل شيپاحانا ونىڭ كوز اۋرۋىن بۇكىلدەي تەگىن ەمدەپ قالماستان، وعان ۇشاق بەلەتىن ساتىپ الىپ بەرىپ، ناۋقاستان ايىعۋىنا كومەكتەسەدى.
2012–جىلى مامىردىڭ 7–كۇنى جياڭسۋ ولكەسى كۇنشان قالاسىنىڭ تۇرعىنى دا چيۋشياڭ قايتىس بولعاننان كەيىن ونىڭ ەكى كوزىنىڭ ءمۇيىز قابىعى ىلەدەگى ەكى كەدەي وتباسىنا تارتۋ ەتىلەدى. سۋجوۋ ۋنيۆەرسيتەتىنە قاراستى ليشياڭ كوز اۋرۋلار شيپاحاناسى كوز اۋرۋلار ءبولىمىنىڭ مامانى جاۋ چيڭلياڭ سۋجوۋ قالاسى مەن قۇلجا قالاسىندا قازاق ايەل بايان مەن بيڭتۋان 4–ديۆيزياسىنىڭ جۇمىسشىسى جياڭ ۋىنفىڭعا كوز ءمۇيىز قابىعىن كوشىرۋ وپەراتسياسىن تەگىن جاسايدى، قازىر بۇل ەكى كەدەي وتباسى كەدەيلىكتەن قۇتىلىپ، اۋقاتتانۋ جولىنا ءتۇستى.
بيىل جىل باسىندا وبلىستىق انا–بالالاردىڭ دەنساۋلىعىن قورعاۋ شيپاحاناسى كوز اۋرۋلار ءبولىمىنىڭ مامانى شۇي ۋي ءبيسارانىڭ سول كوزىنە اق ءتۇسىپ، كورۋ قۋاتى السىرەگەنى، كوز ءمۇيىز قابىعىن كوشىرگەندە عانا كورۋ قۋاتى قالپىنا كەلەتىندىگى جونىندە دياگنوز قويادى. ونىڭ ەكونوميكالىق اۋىرتپالىعىن جەڭىلدەتۋ ءۇشىن بۇل شيپاحانانىڭ ەمدەۋ ءبولىمىنىڭ باستىعى يۋان يۋان ونىڭ وتباسىنا بارىپ، اۋرۋىن قايتالاي تەگىن تەكسەرەدى ءارى وعان ءدارى–دارمەك بەرەدى.
گازەتىمىزبەن بايلانىس جاساۋ ارقىلى حان جياڭ ءبيسارانىڭ ناۋقاس جاعدايىن ءبىلىپ، ونىڭ سۋجوۋ قالاسىنا بارىپ، كوزىن ەمدەتۋىنە كومەكتەسەدى.
ءبيسارا 2000–جىلدان قازىرگە دەيىن تۇرىك ءمالى باستاۋىش مەكتەبىندە وقىتۋشىلىق ىستەيدى. ونىڭ جۇبايى نىلقى اۋداندىق قوعام حاۋىپسىزدىگى مەكەمەسىنىڭ حالىق ساقشىسى بولاتىن، 2005–جىلى ماشينا شىرعالاڭىندا جارالانىپ، بىلتىر قايتىس بولعان، ءبيسارا 11 جاستاعى بالاسىمەن تۇرمىس كەشىرىپ كەلەدى. ول جۇبايىنىڭ ناۋقاسىن ەمدەتۋ ءۇشىن ءوزىنىڭ كوز اۋرۋىن ءدال ۋاعىندا ەمدەتە الماعان–دى.
حان جياڭ بىلاي دەدى: بيىل شينجياڭ ۇيعۇر اۆتونوميالى رايونى «ۇلتتار ىنتىماعى العاباسارلىعى جىلى» قيمىلىن ورىستەتىپ وتىر، ۇلتتار ىنتىماعىن جەبەۋ _ شينجياڭعا كومەك بەرۋ قىزمەتىنىڭ دە ماڭىزدى مازمۇنى. شينجياڭنىڭ ۇلتتار ىنتىماعى قىزمەتىنە ۇلەس قوساتىن وسىنداي ىستەردىڭ كوبەيۋىن ءۇمىت ەتەمىن.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
