داشي قىستاعىنىڭ تۇرعىندارى ”جىل قۇسى“ ىسپەتتى تۇرمىس وتكىزدى
2020.12.15 17:29 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى تىلشىلەرى جيڭ بو، جوۋ پىڭ، جاۋ چاڭفۋ 12 - ايدىڭ 13 - كۇنى لوپنوردان حابارلايدى. كوكتەم، جاز، كۇز ماۋسىمدارىندا اۋىل - قىستاقتا، قىس ماۋسىمىندا اۋدان قالاشىعىندا تۇرادى، لوپنور اۋدانى شيڭپيڭ قالاشىعى داشي قىستاعىنىڭ تۇرعىندارى ”جىل قۇسى“ ىسپەتتى تۇرمىس وتكىزۋدە، مۇنداي باقىتتىڭ كىلتى ”قونىس اۋدارۋ“ جولىنا جاسىرىنعان ەدى.
داشي قىستاعىندا تىلشىلىك ىستەۋ ءبىر ەرەكشە ”قيىن“ ءىس. ”قىس ماۋسىمى كەلگەندە، قىستاقتاعى كوپتەگەن ادام اۋدان قالاشىعىنا بارىپ تۇرادى، ءبىر ادامعا تىلشىلىك ىستەۋ ءۇشىن، ءسوزسىز، الدىن الا بايلانىس جاساۋىڭ كەرەك“، - دەدى 11 - ايدىڭ 20 - كۇنى داشي قىستاعى پارتكومىنىڭ شۋجيى فۋ يۋەحۋا كۇلىمسىرەي سويلەپ.
پويەزدىڭ جىلدام ءجۇرىسى پاراۆوزعا سۇيەنەدى. داشي قىستاعىنىڭ باقىتتى تۇرمىسى قىستاق پارتكومىنىڭ جاۋىنگەر قورعاندىق رولىن ساۋلەلەندىرىپ، اۋىلداستاردى ماگنيت تاسىنداي ءبىر اراعا ۇيىستىرىپ، پارتياعا ىلەسۋ بەكىمى مەن سەنىمىن بەكەمدەپ، بىرگە دامىپ، ورتاق اۋقاتتانعاندىعىنىڭ ارقاسىندا قولعا كەلگەن.
”قىستاقتىڭ دامۋى تەز، مەنىڭ دە العا باسۋىم جىلدام“. قىستاق تۇرعىنى ابىليكىم مۇسا ءوزىنىڭ جۇرەك جاردى ءۇنىن جەتكىزدى. بيىل ول ءبىر ميلليون يۋان قارجى قۇراپ، وتكەرمە 2 كومباين ساتىپ الدى. 2 كومباينعا ماقتا ەككەن جانە جەمىس باقشاسى تيجاراتى كىرىسىن قوسقاندا، بيىل ونىڭ وتباسىندىق كىرىسى 600 مىڭ يۋانعا جەتتى.
”قىستاقتىڭ دامۋ جوباسىنا ساي، اۋىل شارۋاشىلىعى ماشينالارى سەلبەستىك كووپەراتيۆى تۇعىرىن تايانىش ەتە وتىرىپ، مەن كەلەر جىلى بانكەدەن العان قارىزىمدى تولىق قايتارىپ بولامىن“، - دەدى ابىليكىم مىعىم سەنىممەن.
باستاماشىلدىق، ۇلگىلىك رولدارىن ساۋلەلەندىرىپ، نەگىزگى ساتى پارتيا ۇيىمدارىنىڭ ۇيىمداستىرۋ قۋاتىن، ۇيىستىرۋ قۋاتىن جانە جاۋىنگەرلىك قۋاتىن كۇشەيتۋ ءۇشىن بيىل 3 - ايدا داشي قىستاعى پارتكومى باستاماشىلدىق ەتكەن سەلبەستىك كووپەراتيۆى باعىمشىلىقتى دامىتۋ بولىمشە كووپەراتيۆىن، ەگىمشىلىك بولىمشە كووپەراتيۆىن، اۋىل شارۋاشىلىق ماشينالارى قىزمەت وتەۋ بولىمشە كووپەراتيۆىن، قىزىل ساياحات بولىمشە كووپەراتيۆىن قۇرىپ، قىستاق كوللەكتيۆ ەكونوميكاسىن اناعۇرلىم زورايتىپ، قىستاق تۇرعىندارىنىڭ كىرىسىن ارتتىردى.
”جەردى اينالىمعا سالۋ ارقىلى اۋىل شارۋاشىلىعىنىڭ ماشينالانۋىن، وسىزاماندانۋىن جۇزەگە اسىرىپ، قىستاق تۇرعىندارىن 2 -، 3 - كاسىپ سالالارىمەن اينالىسۋعا باستادىق، بيىل تۇتاس قىستاقتىڭ جان باسىندىق ورتاشا كىرىسى 35 مىڭ يۋاننان استى، قىستاقتىڭ كوللەكتيۆ كىرىسى ءبىر ميلليون 200 مىڭ يۋانعا جەتتى. فۋ يۋەحۋا بىلاي دەدى: ”بيىل قىستاق قىستاق تۇرعىندارىنا ءبىر تۇتاس ەمدەۋ قامسىزداندىرۋىن ساتىپ الىپ بەرىپ، كوپشىلىكتى رەفورمانىڭ، دامۋدىڭ جەمىسىنەن ورتاق يگىلىكتەندىردى“.
”48 ساياجايدا، 3 ليفتتى عيماراتتا سۋ، توك، گاز، تەلەۆيزور، توراپ بارلىعى تولىق، ءۇيدىڭ ەسىك الدىنا دەيىن اسفالت جول توسەلگەن، وتباسى سايىن جەڭىل اۆتوموبيل بار“. قىستاقتىڭ وسىناۋ جىلدارداعى وزگەرىسىن تىلگە العاندا، 74 جاستاعى ساقا پارتيا مۇشەسى ايسا وشىر اۋىز جاپپاي ماقتادى.
”پارتيانىڭ ساياساتى ابزال، قىستاقتىڭ دامۋ ورتاسى تاماشا“. اۋىل شارۋاشىلىعى ماشينالارى قىزمەت وتەۋ بولىمشە كووپەراتيۆىنە قاتىناسقان لي يۇڭچياننىڭ ۇيىندە 4 ءىرى تۇرپاتتى ماقتا تەرۋ ماشيناسى بار، بيىل ول 10 مىڭ مۋ ماقتا تەرىپ، 2 ميلليوننان استام كىرىس كىرگىزدى.
”قىستاق ماقتانى ەگۋدەن تەرىپ الۋعا دەيىنگى بارلىق بارىستى ماشينالاندىرۋدى جۇزەگە اسىردى، بۇرىنعى جىلدارى ماقتانى قولمەن تەرگەندە 11 - ايدىڭ سوڭىنا دەيىن ىستەۋگە تۋرا كەلەتىن، بيىل 9 - ايدىڭ 20 - كۇنى تۇگەلدەي ورىندالىپ بولدى. قىس كەلگەندە ءبىزدىڭ وتباسىمىزداعىلار جەڭىل اۆتوموبيلىمىزدى ايداپ، قالاداعى ۇيىمىزگە بارىپ ءبىراز ۋاقىت قونىپ، قونىس اۋىستىرامىز“، - دەدى قىستاق تۇرعىنى چىن داۋرىن قۋانىشپەن.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە: اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى كوركەيتۋدى جاپپاي ىلگەرىلەتۋ كەرەكتىگى ورتاعا قويىلدى. فۋ يۋەحۋا تىلشىگە بىلاي دەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات ۇيرەنۋ ارقىلى داشي قىستاعى جوعارىدان تومەنگە دەيىن ءبىر نيەت، ءبىر تىلەكپەن ىنتىماقتاسىپ، اۋىل - قىستاقتى كوركەيتۋ ستراتەگياسىن اتقارۋعا جاپپاي كىرىستى، كەلەر جىلى تۇتاس قىستاقتىڭ جان باسىنا شاققانداعى ورتاشا كىرىسىن 36 مىڭ يۋاننان اسىرامىز. سونىمەن بىرگە، اۋىل - قىستاق ساياحاتىن زور كۇشپەن دامىتىپ، كەلەر جىلى شارۋالار شاتتىعى ساياجايىن، حالىقتىق تۇسەلحانالاردى 100گە جەتكىزىپ، قىستاقتىڭ كوللەكتيۆ ەكونوميكالىق كىرىسىن 3 ميلليون يۋانعا جەتكىزۋدەن ءۇمىتىمىز زور.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
