شي جينپيڭ 2024 - جىلعى جۇڭگو حالىقارالىق قىزمەت وتەۋ ساۋدا جارمەڭكەسىنە قۇتتىقتاۋ حاتىن جولدادى

شينحۋا اگەنتتىگى، 9 - ايدىڭ 12 – كۇنى، بەيجيڭ. 9 - ايدىڭ 12 - كۇنى مەملەكەت ءتوراعاسى شي جينپيڭ 2024 - جىلعى جۇڭگو حالىقارالىق قىزمەت وتەۋ ساۋدا جارمەڭكەسىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: قىزمەت وتەۋ ساۋدا جارمەڭكەسى 10 كەزەك ءساتتى وتكىزىلدى، بۇل جۇڭگونىڭ قىزمەت وتەۋ كاسىبى مەن قىزمەت وتەۋ ساۋداسىنىڭ جوعارى ساپالى دامۋىنىڭ جاندى بەينەسى بولىپ، جۇڭگونىڭ اشىق ۇستالعان دۇنيە ءجۇزى ەكونوميكاسىن قۇرۋعا بەلسەندى ۇلەس قوسقاندىعىن كورسەتەدى. جۇڭگو جوعارى دەڭگەيدە ەسىك اشۋ ارقىلى جوعارى ساپالى دامۋدى ىلگەرىلەتۋگە تاباندى بولىپ، جوعارى دەڭگەيدەگى سىرتقا ەسىك اشۋ ءتۇزىلىسى مەن مەحانيزمىن كەمەلدەندىرىپ، قىزمەت وتەۋ ساۋداسىندا جاڭالىق جاراتا دەڭگەيدى جوعارىلاتىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن ۇشتاسىپ، قىزمەت وتەۋ سالاسىنىڭ ەرەجە - ءتۇزىم، باسقارۋ، ولشەمدەرىن ءوزارا توعىستىرۋدى، ءوزارا ۇيلەستىرۋدى ىلگەرىلەتىپ، قىزمەت وتەۋ بازارىندا سىرتقا ەسىك اشۋدى ءتارتىپتى كەڭەيتىپ، قىزمەت وتەۋ كاسىبى مەن قىزمەت وتەۋ ساۋداسىنىڭ اشىق تۇعىرى فۋنكتسياسىن ساپالىلاندىرىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن قالىپتاستىرۋعا قۇلشىنۋدا. جۇڭگو دۇنيە جۇزىندەگى ءار ەلمەن بىرگە ەكونوميكانىڭ جاھاندانۋ جالپى اۋقىمىنا سايكەسىپ، ورايدان بىرگە يگىلىكتەنىپ، سەلبەستىكتى بىرگە اقىلداسىپ، دامۋدى بىرگە جەبەپ، دۇنيە ءجۇزى ەكونوميكاسىنىڭ ارتۋىن ىلگەرىلەتۋگە، ءار ەل حالقىنىڭ ىرىس – قۇتىن ارتتىرۋعا ۇلەس قوسۋدى قالايدى.

2024 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى وسى كۇنى بەيجيڭدە اشىلدى، نەگىزگى تاقىرىبى ” دۇنيە جۇزىنە قىزمەت وتەپ، ءوزارا پايدا جەتكىزىپ، بىرگە يگىلىكتەنۋ“ بولدى، ساۋدا مينيسترلىگى مەن بەيجيڭ قالالىق حالىق ۇكىمەتى بىرگە وتكىزدى.

كەلۋ قاينارى: حالىق تورابى