رەفورمانى تەرەڭدەتىپ، باتىلدىقپەن جاڭالىق جاراتىپ، قاجىرلىلىقپەن ناقتى ىستەپ، حالىقتى اۋقاتتاندىرىپ، جۇڭگو ۇلگىسىندەگى وسىزامانداندىرۋدىڭ گانسۋ تاراۋىن قۇلشىنا جازۋ كەرەك

9 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گانسۋدا قىزمەت تەكسەردى. سۋرەتتە: 9 - ايدىڭ 11 - كۇنى تۇستەن بۇرىن شي جينپيڭ تيانشۇي قالاسى مايجي رايونىنىڭ نانشان حۋانيۋ الماسى بازاسىندا قىزمەت تەكسەرگەندە، جەمىس باعىنا كىرىپ، ەكپەشىلىك، تەحنيكا جانە باسقارۋ جاقتارىنداعى قاتىستى جاعدايلاردى ۇعىستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

9 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گانسۋدا قىزمەت تەكسەردى. سۋرەتتە: 9 - ايدىڭ 11 - كۇنى تۇستەن كەيىن شي جينپيڭ حۋاڭحى وزەنىنىڭ لانجوۋداعى جۇڭشان كوپىرى بولىگىندە قىزمەت تەكسەرگەن كەزدە سول جەردەگى كادر - جۇرتشىلىقپەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

9 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گانسۋدا قىزمەت تەكسەردى. سۋرەتتە: 9 - ايدىڭ 12 - كۇنى تۇستەن بۇرىن شي جينپيڭ لانجوۋدا تۇراتىن اسكەري بولىمدەردىڭ كوماندير - جاۋىنگەرلەرىنىڭ ۋاكىلدەرىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان لانجوۋدا تۇراتىن اسكەري بولىمدەردەگى بارلىق كوماندير - جاۋىنگەرگە شىنايى سالەم جولدادى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

«حالىق گازەتى»، 9 – ايدىڭ 13 – كۇنى، گانسۋ لانجوۋ / شانشي باۋجي. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گانسۋدا قىزمەت تەكسەرگەندە بىلاي دەپ باسا دارىپتەدى: گانسۋ پارتيا ورتالىق كوميتەتىنىڭ باتىس بولەكتى قاۋىرت اشۋ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ جونىندەگى شارالارى مەن ورنالاستىرۋلارىن ىشكەرىلەي تياناقتاندىرىپ، جاڭا دامۋ تانىمىن تولىق، دالمە - ءدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان كوز جازباي، ەكولوگيانى قورعاۋ، قالپىنا كەلتىرۋدى كۇشەيتىپ، جاسىل، تومەن كومىرتەكتى دامۋعا بۇرىلىس جاساپ دامۋدى جەدەلدەتىپ، رەفورما جاساپ، ەسىك اشۋدى ونان ارى جاپپاي تەرەڭدەتىپ، اۋىل - قىستاقتى جاپپاي كوركەيتۋدى ىلگەرىلەتىپ، حالىق تۇرمىسىن قامتاماسىز ەتۋدى كۇشەيتۋ، ۇلتتار ىنتىماعىن جەبەۋ سياقتى جاقتارعا كۇش سالىپ، باقىتتى، كوركەم جاڭا گانسۋ قۇرۋدى جەدەلدەتىپ، حالىقتى اۋقاتتاندىرۋدا، گانسۋدى كوركەيتۋدە ۇزدىكسىز جاڭا جاعداي جاراتىپ، جۇڭگو ۇلگىسىندەگى وسىزامانداندىرۋدىڭ گانسۋ تاراۋىن قۇلشىنا جازۋى كەرەك.

9 - ايدىڭ 10 - كۇنىنەن 13 - كۇنىنە دەيىن شي جينپيڭ گانسۋ ولكەلىك پارتكومنىڭ شۋجيى حۋ چاڭشىڭ مەن ولكە باستىعى رىن جىنحىنىڭ سەرىك بولۋىندا، ىلگەرىندى - كەيىندى تيانشۇي، لانجوۋ سياقتى جەرلەرگە بارىپ تەكسەرۋ - زەرتتەۋ جۇرگىزدى.

9 - ايدىڭ 10 - كۇنى تۇستەن كەيىن شي جينپيڭ تيانشۇي قالاسىندا مەملەكەتتىك ءتۇيىندى مادەني بۇيىمداردى قورعاۋ ورنى فۋشي بۇتحاناسىن كوزدەن كەشىرىپ، مادەنيەت مۇرالارىن قورعاۋ جانە وعان مۇراگەرلىك ەتۋ سياقتى جاعدايلاردى ۇعىستى. ول بىلاي دەپ اتاپ كورسەتتى: فۋشي بۇتحاناسى اسا جوعارى تاريحي مادەنيەت قۇنىنا يە، وسى باعالى مادەني مۇرانى ويداعىداي قورعاپ جانە جالعاستىرىپ، اتا - بابالاردىڭ اقىل - پاراساتى مەن جاسامپازدىعى ارقىلى كەيىنگى ۇرپاقتارعا شابىت بەرىپ، ۇلتتىڭ ماقتانىش سەزىمى مەن سەنىمىن ۇزدىكسىز كۇشەيتۋ كەرەك.

9 - ايدىڭ 11 - كۇنى تۇستەن بۇرىن شي جينپيڭ مايجي رايونى نانشان حۋانيۋ الماسى بازاسىنا بارىپ قىزمەت تەكسەردى. ول كورمە تاقتاسىمەن ۇشتاستىرىپ سۋ باستاۋ، سۋمەن قامداۋ ينجەنەرياسىنىڭ جاعدايى جونىندەگى مالىمەتتى تىڭداپ، 2013 - جىلدىڭ باسىندا قۇرىلىس باسىنا كەلىپ تەكسەرۋ جۇرگىزىپ قۇرىلىس جۇرگىزۋدەگى قيىن ماسەلەلەردى شەشۋگە جەتەكشىلىك ەتۋ جاعدايىن تەبىرەنە ەسكە الدى. 6 ميلليونعا جۋىق بۇقارانىڭ وسىدان باستاپ سورتاڭ سۋعا قوش ايتقاندىعىن ەستىپ، شي جينپيڭ قاباعات قۋاندى. ول مىنانى تالاپ ەتتى: قورعاۋ مەن باسقارۋدى كۇشەيتىپ، وسى ينجەنەريانىڭ جەلى بويىنداعى بۇقارانىڭ ءوندىرىس، تۇرمىسىنا اناعۇرلىم زور ونىمدىلىك جەتكىزۋىنە مۇمكىندىك جاراتۋ كەرەك.

قىپ - قىزىل حۋانيۋ المالارى بۇتاعىن كوتەرە الماي، مول ءونىم بەلگىسىن اڭعارتىپ تۇر. شي جينپيڭ جەمىس باعىنا كىرىپ، ەكپەشىلىك، تەحنيكا جانە باسقارۋ جاقتارىنداعى قاتىستى جاعدايلاردى ۇعىستى. ول بىلاي دەدى: اۋىل - قىستاقتى كوركەيتۋدىڭ تەتىگى كاسىپ سالاسىن كوركەيتۋدە. 70 نەشە جىلدىق جەتىلدىرۋ، دامىتۋ ارقىلى حۋانيۋ الماسى ماركاسىنىڭ داڭقى شار تاراپقا تارالدى. سورتتى قورعاۋ، جەتىلدىرۋدى كۇشەيتىپ، ەكپەشىلىك ءتاسىلىن ساپالىلاندىرىپ، ساتۋ ۇلگىسىندە جاڭالىق جاراتۋ ارقىلى وسى ەرەكشەلىككە كاسىپ سالاسىن اناعۇرلىم زورايتىپ، اناعۇرلىم كوپ بۇقارانى كىرىستى ارتتىرىپ، اۋقاتتانۋعا جەتەكتەۋ كەرەك. ول اۋىلداستاردىڭ تۇرمىسىنىڭ شالقي ءتۇسۋىن تىلەدى.

وسىدان كەيىن شي جينپيڭ مايجيشان تاس ۇڭگىرىنە بارىپ، تاقتاي جولدى بويلاي ءجۇرىپ، وسىدان 1600 جىلدان استام ۋاقىتتان بۇرىنعى ۇڭگىرلەردى جانە ونداعى مۇسىندەردى، قابىرعا سۋرەتتەردى زەر سالا كورىپ، قورعاۋ، قالپىنا كەلتىرۋ قىزمەتكەرلەرىمەن ىقىلاسپەن اڭگىمەلەستى. شي جينپيڭ بىلاي دەدى: ەلىمىزدەگى 4 ۇلكەن تاس ۇڭگىر جۇڭحۋا وركەنيەتىنىڭ اسىل قازىناسى سانالادى، بارلىعى ماڭىزدى تاريحي قۇنعا، مادەنيەتتىك قۇنعا يە. ول مادەني مۇرا قىزمەتكەرلەرىنىڭ ”موگاۋ رۋحىن“ جالعاستىرىپ، مەملەكەتتىڭ اسىل قازىناسىن زەيىن قويا قورعاپ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋگە، جاڭالىق جاراتۋعا، جۇڭحۋا مادەنيەتىنىڭ ىقپالىن كۇشەيتۋگە اناعۇرلىم زور ۇلەس قوسۋىن ءۇمىت ەتتى.

9 - ايدىڭ 11 - كۇنى تۇستەن كەيىن شي جينپيڭ لانجوۋ قالاسىنا بارىپ قىزمەت تەكسەردى. اننيڭ رايونى زاۋلينشي الەۋمەتتىك اۋماعىنىڭ پارتيا مۇشەلەرىنە، بۇقاراعا قىزمەت وتەۋ ورتالىعىندا ول جالپىلىق قىزمەت وتەۋ تۇعىرىن، مادەنيەت - دەنە تاربيە قيمىلى بولمەسىن جانە الەۋمەتتىك اۋماق اسحاناسىن كوزدەن كەشىرىپ، الەۋمەتتىك اۋماق پارتيا ۇيىمىنىڭ رولىن ساۋلەلەندىرۋ، حالىققا قولايلى، ءتيىمدى قىزمەت وتەۋدى ساپالىلاندىرۋ، نەگىزگى ساتىنىڭ اۋىرتپالىعىن جەڭىلدەتۋ سياقتى جاعدايلاردى ەگجەي - تەگجەيلى ۇعىسىپ، زەينەتكە شىققانداردىڭ حور ايتۋ جاتتىعۋىن ناق مايداندا كوردى. ول تاعى تاياۋ ماڭداعى ليۋجياپۋ ساقشى بولىمشەسىنە بارىپ، ساقشى كۇشتەرىن تومەنگە ءتۇسىرۋ جاعىندا قولدانعان تاسىلدەرى مەن ونىمدىلىگىن ۇعىستى. شي جينپيڭ بىلاي دەپ باسا دارىپتەدى: تۇرعىنداردىڭ ءىس جۇزىندىك قاجەتىن، اسىرەسە، قارتتار مەن بالالار سياقتى ماڭىزدى تۇيىندەردى تىعىز توڭىرەكتەپ، الەۋمەتتىك اۋماقتىڭ قىزمەت وتەۋ دەڭگەيىن ۇزدىكسىز جوعارىلاتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، نەگىزگى ساتىنى باسقارۋ مەن قوعام اماندىعىن اناعۇرلىم تىڭعىلىقتى ىستەۋ كەرەك. فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىت پەن زەيىن - زەردەنى بۇقاراعا قىزمەت وتەۋ ءۇشىن جۇمساۋىنا جاعداي جاراتۋ كەرەك.

زەينەتكە شىققان ساقا پارتيا مۇشەسى لي زۇڭبياۋدىڭ ۇيىندە شي جينپيڭ ءبىر ءۇيلى جانمەن بىرگە وتىرىپ اڭگىمە دۇكەنىن قۇردى. ءبىر ۇيدەگى 3 ۇرپاق جانداردىڭ باقىتتى، شات - شادىمان تۇرمىس كەشىرىپ جاتقاندىعىن بىلگەن ول قاتتى ءسۇيىندى. شي جينپيڭ مىنانى ءبىلدىردى: حالىق تۇرمىسىن بارىنەن ماڭىزدى ساناپ، حالىق تۇرمىسىن ماڭىزدى ورىنعا قويۋ كەرەك، پارتيا ورتالىق كوميتەتى قارتتاردىڭ باقىتتى، ساۋ - سالامات بولۋىنا ايرىقشا كوڭىل بولەدى، جەر - جەر، قاتىستى تاراۋلار زەينەتكەرلىك، ەمدەۋ جانە الەۋمەتتىك اۋماق قىزمەت وتەۋ سياقتى جاقتارعا بارىنشا كۇش سالىپ، تاباندىلىقپەن ىستەۋى، بارعان سايىن جاقسى ىستەۋى كەرەك.

الەۋمەتتىك اۋماق الاڭىندا تۇرعىندار جاپا - تارماعاي قاۋمالاي كەلدى. شي جينپيڭ كوپشىلىككە بىلاي دەدى: ءبىز جاڭا جۇڭگو قۇرىلعاندىعىنىڭ 75 جىلدىعىن قارسى العالى وتىرمىز. 75 جىلدان بەرى ەلىمىزدىڭ دامۋىندا ۇلى تاريحي تابىستارعا قول جەتتى. قازىر بۇكىل پارتيا، بۇكىل ەل حالقى جۇڭگو ۇلگىسىندەگى وسىزامانداندىرۋدى كۇش سالا ىلگەرىلەتۋدە، ءبىز ءتىپتى دە ىنتىماقتاسىپ، ءتىپتى دە قۇلشىنىپ، كوپشىلىك بىرگە قايراتتانا ىستەپ، اناعۇرلىم زور تىڭ شۇعىلالى تابىستار جاراتۋىمىز كەرەك. ول كوپشىلىككە الدىن الا جۇڭچيۋ مەرەكەسى قۇتتى بولسىن ايتىپ، بارشا وتباسىنىڭ امان - ەسەن، ساۋ - سالامات، كوڭىلدى بولۋىن تىلەدى.

وسىدان كەيىن شي جينپيڭ حۋاڭحى وزەنىنىڭ لانجوۋ قالاسىنداعى جۇڭشان كوپىرى بولەگىندە قىزمەت تەكسەردى. ول اردا بويىنداعى جاياۋلار جولىن بويلاپ ءجۇرىپ، حۋاڭحى وزەنىنىڭ ەكولوگياسىن قورعاۋ جاعدايى جونىندەگى تانىستىرۋدى تىڭدادى. شي جينپيڭ سول اراداعى جەرگىلىكتى كادر - جۇرتشىلىققا بىلاي دەدى: حۋاڭحى وزەنى − جۇڭحۋا ۇلتىنىڭ انا وزەنى، لانجوۋ − حۋاڭحى وزەنى كەسىپ اعىپ وتەتىن بىردەن - ءبىر ولكە ورتالىعى. كوپشىلىك انا وزەنگە بورىشتىلىق ءبىلدىرىپ، بارلىق ادام ات سالىسىپ، بارلىق ادام جاۋاپكەرشىلىگىن ادا ەتىپ، حۋاڭحى وزەنىن بىرگە قورعاپ، انا وزەننىڭ ۇرپاقتارعا ماڭگى يگىلىك جەتكىزۋىنە مۇمكىندىك جاراتۋى كەرەك.

9 - ايدىڭ 13 - كۇنى تۇستەن بۇرىن شي جينپيڭ گانسۋ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، گانسۋدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.

شي جينپيڭ بىلاي دەپ اتاپ كورسەتتى: گانسۋ جاڭاشا ونەركاسىپتەنۋدى بەلسەنە ىلگەرىلەتىپ، ءداستۇرلى كاسىپ سالالارىن جاڭالاپ، ساپالىلاندىرۋدى جەدەلدەتىپ، ەرەكشەلىككە، ابزالدىققا يە كاسىپ سالالارىن الۋەتتەندىرىپ، ساپالىلاندىرىپ، ستراتەگيالىق جاڭادان گۇلدەنگەن كاسىپ سالالارىن بەلسەنە دامىتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، بۇكىل ەل بويىنشا ماڭىزدى جاڭا ەنەرگيا جانە جاڭا ەنەرگيا جابدىقتارىن جاساۋ بازاسىن قۇرىپ شىعۋى كەرەك. سۋىققا، قۋاڭشىلىققا ءتوزىمدى وسىزامانعى ەرەكشەلىككە يە اۋىل شارۋاشىلىعىن بەلسەنە دامىتىپ، باسەكەلىك قۋاتقا يە اۋىل شارۋاشىلىق ماركالارىنان ءبىر توبىن جەتىلدىرۋ كەرەك. تاۋ، سۋ، ورمان، اتىز، كول، جايىلىم، قۇمدى القاپتى ءبىر تۇلعالاندىرىپ قورعاۋ جانە جۇيەلى وڭاۋدى ءبىر تۇتاس جوسپارلاپ ىلگەرىلەتىپ، مەملەكەتتىڭ باتىس بولەك ەكولوگيالىق حاۋىپسىزدىك قالتقىسىن بەكەمدەۋ كەرەك.

شي جينپيڭ بىلاي دەپ باسا دارىپتەدى: اناعۇرلىم زور باتىلدىقپەن جانە بەكىممەن رەفورمانى تەرەڭدەتىپ، ەسىكتى ايقارا اشۋ كەرەك. مەملەكەت بويىنشا ءبىر تۇتاس ءىرى بازار قۇرىلىسىمەن بەلسەنە توعىسىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، جالپىلىق مەنشىككە جاتپايتىن شارۋاشىلىقتىڭ دامۋىنا دەم بەرۋ جانە ونى قولداۋ كەرەك. ادامدى نەگىز ەتكەن جاڭاشا قالا - قالاشىقتاندىرۋ ستراتەگياسىن ويداعىداي اتقارىپ، اۋدان ءوڭىرىنىڭ جالپىلىق كوتەرىمدىلىك قۋاتىن جوعارىلاتىپ، اۋدان ءوڭىرى ەكونوميكاسىن زورايتىپ، قالا مەن اۋىلدىڭ توعىسپالى دامۋىن جەبەۋ كەرەك. وڭىرلىك سايكەستى دامۋ ستراتەگياسىنا ىرىقتىلىقپەن قىزمەت وتەپ جانە ونىمەن ۇشتاسىپ، ولكە اتتاعان وڭىرلىك سەلبەستىكتى كەڭەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى باتىس بولەك قۇرلىق - تەڭىز جاڭا ارناسى قۇرىلىسىمەن ىشكەرىلەي توعىستىرۋ كەرەك.

شي جينپيڭ بىلاي دەپ اتاپ كورسەتتى: گانسۋدىڭ تاريحي مادەنيەتى تەرەڭ، توڭكەرىستىك مادەنيەت بايلىعى مول. توڭكەرىستىك گەندى ويداعىداي جالعاستىرىپ، مادەني مۇرالاردى قورعاۋدى كۇشەيتىپ، دۇنحۋاڭ زەرتتەۋ ورنىنىڭ دۇنيە جۇزىلىك مادەني مۇرالاردى قورعاۋدىڭ ۇلگىسىن جانە دۇنحۋاڭ ءىلىمىن زەرتتەۋ بيىگىن قۇرىپ شىعۋىنا قولداۋ كورسەتىپ، ۇلى قورعان، ۇزاق جورىق، حۋاڭحى وزەنى مەملەكەتتىك مادەنيەت باقشاسىن ويداعىداي قۇرىپ، وسىزامانداندىرۋ قۇرىلىسىنا قۇدىرەتتى رۋحاني كۇش قوسۋ كەرەك. مادەنيەت پەن ساياحاتتىڭ ىشكەرىلەي توعىسۋىن جەبەپ، مادەنيەت، ساياحات كاسىبىن تىرەكتى كاسىپ سالاسىنا اينالدىرۋ كەرەك.

شي جينپيڭ بىلاي دەپ باسا دارىپتەدى: قوعامدىق قۇرىلىس پەن باسقارۋدى كۇشەيتىپ، ءار ۇلت بۇقاراسىنىڭ بىرگە اۋقاتتانۋ نەگىزىن بەكەمدەۋ كەرەك. بۇقارانىڭ جالپىلىق قاجەتىن قاناعاتتاندىرۋدى كۇشتى شوعىرلاندىرا وتىرىپ ويداعىداي ىستەپ، حالىق تۇرمىسىنا قاتىستى ناقتى ىستەردى ويداعىداي ىستەپ، بۇقارانى ريزا ەتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، نىعايتىپ، اۋىل - قىستاق حالقىنىڭ كولەمدى قايتا كەدەيلەسۋىنەن ساقتانۋ كەرەك. اۋىل - قىستاقتا ەسكى سالت - سانانى جاڭالاۋدى ىلگەرىلەتىپ، وركەنيەتتى اۋىل سالتىن جەتىلدىرۋ كەرەك. جۇڭحۋا ۇلتى ورتاق تۇلعاسى تانىمىن ۇزدىكسىز بەكەمدەپ، ءدىن ىستەرىن باسقارۋدى زاڭ بويىنشا كۇشەيتۋ كەرەك. جيشىشانداعى جەر سىلكىنىسى اپاتى تۋىلعان رايون سياقتى جەرلەردەگى اپاتقا ۇشىراعان بۇقارانىڭ تۇرمىسىن قامتاماسىزداندىرۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىن ويداعىداي ىستەپ، بۇقارانىڭ قىستان قىسىلماي وتۋىنە كەپىلدىك ەتۋ كەرەك. ءوندىرىس حاۋىپسىزدىگىن شىن مانىندە ويداعىداي يگەرۋ كەرەك.

شي جينپيڭ بىلاي دەپ اتاپ كورسەتتى: پارتيانىڭ باسشىلىعىنا استە بوساڭسىماي تاباندى بولۋ، پارتيا قۇرىلىسىن كۇشەيتۋ كەرەك. ءار دارەجەلى كادرلاردىڭ رەفورما جاساپ، جاڭالىق جاراتۋ تانىمىن كۇشەيتىپ، پارتيا ءتارتىبىن ۇيرەنۋ تاربيەسىنىڭ ۇدايىلانۋىن، باياندى، ءونىمدى بولۋىن ىلگەرىلەتىپ، پارتيا مۇشەلەرىن، كادرلاردى سانالى تۇردە ەرەجەگە، تارتىپكە بويسۇنۋ، پاك، كىرشىكسىز بولۋ العى شارتىندا بەلسەنە جاۋاپكەرشىلىك ارقالاپ، باتىلدىقپەن بەل شەشە ىسكە كىرىسىرىپ، ناتيجە جاراتىپ، ستيلى پاك، سالتى دۇرىس تاماشا ساياسي ەكولوگيانى بەكەمدەۋگە جەتەكتەۋ كەرەك. نەگىزگى ساتى پارتيا قۇرىلىسىن شىنايى كۇشەيتۋ كەرەك.

9 - ايدىڭ 10 - كۇنى تۇستەن كەيىن شي جينپيڭ گانسۋعا بارا جاتىپ، جولشىباي شانشي ولكەلىك پارتكومنىڭ شۋجيى جاۋ ي - دى مەن ولكە باستىعى جاۋ گاڭنىڭ سەرىك بولۋىندا باۋجي قالاسىنا بارىپ قىزمەت تەكسەردى. شي جينپيڭ باۋجي قولا قۇرالدار مۇراجايىن ەكسكۋرسيالادى. ول بىلاي دەپ اتاپ كورسەتتى: ەلىمىزدىڭ قولا قۇرالدار وركەنيەتىنىڭ تاريحى ۇزاق ءارى شۇعىلالى، دۇنيە ءجۇزى وركەنيەت تاريحىندا وزگەشە بوگەنايى بار. قولا قۇرالدار داۋىرىندەگى مادەني مۇرالاردى قورعاۋ - زەرتتەۋدى جانە ۇگىتتەۋ - ءتۇسىندىرۋدى كۇشەيتىپ، بۇكىل قوعامنىڭ، اسىرەسە، جاستار مەن ورەندەردىڭ ۇلى وتان مەن جۇڭحۋا وركەنيەتىن قىزۋ سۇيۋىنە اناعۇرلىم ويداعىداي دەم بەرۋ كەرەك. شي جينپيڭ تاعى ۋەيحى ەكولوگيالىق باقشاسىن كوزدەن كەشىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

9 - ايدىڭ 12 - كۇنى تۇستەن بۇرىن شي جينپيڭ لانجوۋدا تۇراتىن اسكەري بولىمدەردەگى شاڭشياۋدان جوعارى باسشى كادرلاردى جانە نەگىزگى ساتىداعى وزات ۇلگىلەردىڭ، اكىمشىلىك قىزمەتكەرلەردىڭ ۋاكىلدەرىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان لانجوۋدا تۇراتىن اسكەري بولىمدەردەگى بارلىق كوماندير - جاۋىنگەردەن شىنايى حال سۇرادى ءارى كوپشىلىكپەن بىرگە ەستەلىك سۋرەتكە ءتۇستى. حى ۋەيدۇڭ قابىلداۋدا بىرگە بولدى.

كەلۋ قاينارى: حالىق تورابى