جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى قارساڭىندا 15 ادامعا مەملەكەتتىك وردەن جانە مەملەكەتتىك داڭق اتاعىن بەردى

شينحۋا اگەنتتىگى، 9 – ايدىڭ 13 – كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 13 – كۇنى ءتوراعا بۇيرىعىنا قول قويىپ، 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 11 ـ ءماجىلىسى 9 - ايدىڭ 13 ـ كۇنى تۇستەن بۇرىن داۋىسقا سالىپ ماقۇلداعان مەملەكەتتىك حالىق قۇرىلتايى تۇراقتى كوميتەتىنىڭ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى قارساڭىندا مەملەكەتتىك وردەن جانە مەملەكەتتىك داڭق اتاعىن بەرۋ جونىندەگى قاۋلىسىنا ساي، 15 ادامعا مەملەكەتتىك وردەن، مەملەكەتتىك داڭق اتاعىن بەردى.

ءتوراعا بۇيرىعىنا ساي، ۋاڭ يۇڭجى، ۋاڭ جىن - ي، لي جىنشىڭ، حۋاڭ زۇڭدىعا ”رەسپۋبليكا وردەنى“ بەرىلدى.

ديرما روسەۆكە (ايەل، برازيليا) ”دوستىق وردەنى“ بەرىلدى.

ۋاڭ شياۋمۋعا، جاۋ جۇڭشيانعا ”حالىق عالىمى“ مەملەكەتتىك داڭق اتاعى بەرىلدى، بايكا قالدىبەككە (تاجىك) ”حالىق قورعاۋشىسى“ مەملەكەت داڭق اتاعى بەرىلدى؛ تيان حۋاعا (ايەل) ”حالىق كوركەمونەرشىسى“ مەملەكەتتىك داڭق اتاعى بەرىلدى؛ شۇي جىنچاۋعا ”حالىق شەبەرى“ مەملەكەتتىك داڭق اتاعى بەرىلدى؛ جاڭ جينفانعا، حۋاڭ دانيانعا ”حالىق اعارتۋشىسى“ مەملەكەتتىك داڭق اتاعى بەرىلدى؛ لۋ شىڭمەيگە (ايەل) ”حالىق ەمدەۋ ـ كۇتىمدەۋ قىزمەتكەرى“ مەملەكەتتىك داڭق اتاعى بەرىلدى؛ جاڭ جويۋانعا ”ەكونوميكانى زەرتتەۋگە كورنەكتى ۇلەس قوسۋشى“ مەملەكەتتىك داڭق اتاعى بەرىلدى؛ جاڭ شيەلينگە ”دەنە تاربيە قىزمەتىنە كورنەكتى ۇلەس قوسۋشى“ مەملەكەتتىك داڭق اتاعى بەرىلدى.

كەلۋ قاينارى: حالىق تورابى