ۋاڭ حۋنيڭ مەملەكەتتىك ساياسي كەڭەستىڭ ءتوراعالار ءماجىلىسىن باسقارىپ اشتى

شينحۋا اگەنتتىگى، 9 - ايدىڭ 24 - كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتىنىڭ 24 - رەتكى ءتوراعالار ءماجىلىسى 9 - ايدىڭ 24 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.

ءماجىلىس باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەندى، دايەكتىلەندىردى. ۋاڭ حۋنيڭ مىنالاردى ءبىلدىردى: باس شۋجي شي جينپيڭ قۇتتىقتاۋ جينالىسىنا قاتىناسىپ ءارى ماڭىزدى ءسوز سويلەپ، حالىق ساياسي كەڭەسىنىڭ تاريحي ۇلەسىن جوعارى باعالاپ، حالىق ساياسي كەڭەسىنىڭ ايقىن جۇڭگوشا ەرەكشەلىگى مەن كورنەكتى ساياسي ابزالدىعىن تەرەڭ بايىمداپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتۋ جونىندە ايقىن تالاپتار قويىپ، قازىرگى جانە بۇدان بىلايعى ءبىر مەزگىلدەگى حالىق ساياسي كەڭەسى قىزمەتىن ويداعىداي ىستەۋ جونىندە جان - جاقتى ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ − حالىق ساياسي كەڭەسىنىڭ كەلەلى ساياسي مىندەتى، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن تولىق، دالمە - ءدال، جان - جاقتى ۇيرەنىپ، دايەكتىلەندىرىپ، باس شۋجي شي جينپيڭ باسا دارىپتەگەن ”ونعا تاباندى بولۋدى“ مىقتاپ يگەرىپ، جاڭا ءداۋىردىڭ جاڭا جورىعىنداعى حالىق ساياسي كەڭەسى ىستەرىنىڭ جوعارى ساپالى دامۋىنا جەتەكشىلىك ەتۋ جانە ونى ىلگەرىلەتۋ كەرەك.

ءماجىلىس تاعى باس شۋجي شي جينپيڭنىڭ تاياۋ مەزگىلدەگى ماڭىزدى سوزدەرى مەن نۇسقاۋلارىنىڭ رۋحىن جەتكىزدى، ۇيرەندى، دايەكتىلەندىردى. ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ مەملەكەتتىك وقۋ - اعارتۋ ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي كەڭەس مۇشەلەرىن جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ وقۋ - اعارتۋ جالپىلىق رەفورماسىن تەرەڭدەتۋ جونىندەگى ورنالاستىرۋلارىن، تالاپتارىن تياناقتاندىرۋدى ارقاۋ ەتىپ، ادام تاربيەلەۋ ءتۇبىرلى مىندەتىن تياناقتاندىرۋعا، وقۋ - اعارتۋدا قۋاتتى ەل قۇرۋعا نازار اۋدارىپ، تەرەڭ وي جۇگىرتىپ، باعىتتامالى شارالار مەن ۇسىنىستاردى العا قويۋعا ۇيىمداستىرۋ كەرەك. باس شۋجي شي جينپيڭنىڭ حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋىن جاپپاي ىلگەرىلەتۋ جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا جاعداي، جاڭا ماسەلەلەردى ارقاۋ ەتىپ، ۇزدىكسىز مىندەت اتقارىپ، اقىل - كەڭەس بەرىپ، جاڭا داۋىردە باتىس بولەكتى قاۋىرت اشۋدى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋىن ىلگەرىلەتۋگە دەم بەرۋ كەرەك. باس شۋجي شي جينپيڭنىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى كەزىندەگى ءبىر قىدىرۋ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، الەۋمەتتىك ديپلوماتياعا، حالىقتىق ديپلوماتياعا، اقىل - پاراسات قويماسى ديپلوماتياسىنا بەلسەنە ات سالىسىپ جانە ونى ورىستەتىپ، جۇڭگو حيكاياسىن، جۇڭگو حالقىنىڭ دەموكراتيالىق حيكاياسىن ويداعىداي ايتۋ كەرەك.

ءماجىلىس وزگەرىس ەنگىزىلگەننەن كەيىنگى «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ قوعام جاعدايىن، حالىق رايىن اڭىس ەتۋ ينفورماتسيالارى قىزمەت ەرەجەسىن» جانە «ساياسي كەڭەس مەملەكەتتىك كوميتەتى كەڭسە مەڭگەرمەسىنىڭ مەملەكەتتىك ساياسي كەڭەستىڭ جىلدىق ءماسليحات جوسپارىن جاساۋ جونىندەگى قىزمەت ءادىسىن» قاراپ ماقۇلدادى.

مەملەكەتتىك ساياسي كەڭەس ءتوراعاسىنىڭ ورىنباسارلارى شىن يۋەيۋە، ۋاڭ يۇڭ، شاۋ حۇڭ، گاۋ يۇنلۇڭ پىكىر اۋىستىرىپ ءسوز سويلەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، جوۋ چياڭ، حى حوۋحۋا، لياڭ جىنيىڭ، باتىر، چىن ۋ، مۋ حۇڭ، شيانحۇي، ۋاڭ دۇڭفىڭ، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، ياڭ جىن ماجىلىسكە قاتىناستى.

كەلۋ قاينارى: حالىق تورابى