ديڭ شۋەشياڭ 21 - كەزەكتى جۇڭگو - شىعىس وڭتۇستىك ازيا وداعى كورمەسىنىڭ اشىلۋ سالتىنا قاتىناستى ءارى ارناۋ ءسوز سويلەدى

«حالىق گازەتى»، 9 - ايدىڭ 24 – كۇنى، ناننيڭ (تىلشىلەر دىڭ جيانشىڭ، چىن شاڭۋىن). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 9 - ايدىڭ 24 - كۇنى تۇستەن بۇرىن گۋاڭشيدىڭ ناننيڭ قالاسىندا 21 - كەزەكتى جۇڭگو - شىعىس وڭتۇستىك ازيا وداعى كورمەسىنىڭ جانە جۇڭگو - شىعىس وڭتۇستىك ازيا وداعى ساۋدا جانە قارجىلاندىرۋ باسشىلار ءماجىلىسىنىڭ اشىلۋ سالتىنا قاتىناستى ءارى ارناۋ ءسوز سويلەدى.

ديڭ شۋەشياڭ مىنالاردى ءبىلدىردى: جۇڭگو مەن شىعىس وڭتۇستىك ازيا ەلدەرى وداعىنىڭ دوستىق قارىم - قاتىناسىنىڭ تاريحى ۇزاق، جاقسى كورشى، جاقسى دوس، جاقسى سەرىك. ءتوراعا شي جينپيڭ 2021 - جىلى 11 - ايدا جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ماجىلىسىندە بەيبىت، تىنىش، گۇلدەنگەن، كورىكتى، دوسجار ”بەس ۇلكەن مەكەندى“ بىرگە قۇرۋدى العا قويىپ، شىعىس وڭتۇستىك ازيا ەلدەرى وداعىنا مۇشە ەلدەردىڭ باسشىلارىمەن بىرگە جان - جاقتى ستراتەگيالىق سەرىكتەستىك قارىم - قاتىناس ورناتۋدى جاريالادى. جۇڭگو مەن شىعىس وڭتۇستىك ازيا ەلدەرى وداعى باستان - اياق قول ۇستاسا العا باسىپ، ازيا - تىنىق مۇحيت ءوڭىرى سەلبەستىگىندەگى ەڭ تابىستى جانە ومىرشەڭدىك كۇشكە يە ۇلگىگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جاندى مىسالىنا اينالدى.

ديڭ شۋەشياڭ بىلاي دەپ اتاپ كورسەتتى: جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتىپ، دۇنيە جۇزىنە وراسان زور وراي اكەلەدى. ءبىز جاقىن، ادال، ءتيىمدى، كەشىرىمشىل بولۋ ۇستانىمىن ۇزدىكسىز امالياتتا ايگىلەپ، شىعىس وڭتۇستىك ازيا وداعىنداعى ەلدەرمەن ناقتى سەلبەستىكتى تەرەڭدەتىپ، جۇڭگو - شىعىس وڭتۇستىك ازيا وداعى تاعدىرلاس ورتاق تۇلعاسىن قۇرۋدىڭ اناعۇرلىم تىعىز تىڭ داستانىن جازۋدى قالايمىز. ءبىرىنشى، ستراتەگيالىق ءوزارا سەنىمدىلىكتى تىڭ بەلەسكە كوتەرۋ كەرەك. دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قول ۇستاسا تياناقتاندىرىپ، دامۋ جوباسىن ىشكەرىلەي ۇشتاستىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ءوڭىردىڭ جانە دۇنيە ءجۇزىنىڭ گۇلدەنۋىن، ورنىقتىلىعىن اناعۇرلىم ويداعىداي جەبەۋ كەرەك. ەكىنشى، ەسىك اشۋ سەلبەستىگىنىڭ تىڭ دەڭگەيگە كوتەرىلۋىن ىلگەرىلەتۋ كەرەك. «وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىن» جوعارى ساپامەن اتقارىپ، جۇڭگو - شىعىس وڭتۇستىك ازيا وداعى ەركىن ساۋدا رايونىنىڭ 3.0 نۇسقاسىنداعى كەلىسسوزىن ەرتەرەك اياقتاتىپ، تۇزىمدىك ەسىك اشۋدى ورنىقتى كەڭەيتىپ، اناعۇرلىم ورنىقتى، ىركىلىسسىز شەكارا اتتاعان كاسىپ تىزبەگى مەن قامداۋ تىزبەگىن قۇرۋدى ىلگەرىلەتۋ كەرەك. ءۇشىنشى، جان - جاقتى ۇلاستىرۋ - تۇتاستىرۋدىڭ جاڭا جاعدايىن قالىپتاستىرۋ كەرەك. حالىقارالىق قۇرلىق، تەڭىز ساۋداسىنىڭ جاڭا ارناسىن جوعارى دەڭگەيدە بىرگە قۇرىپ، ماڭىزدى ەكونوميكالىق ءدالىز جانە ءتۇيىندى نىساندار قۇرىلىسىن تىڭعىلىقتى ىلگەرىلەتىپ، ”قۇرلىق، تەڭىز، اۋە، تور“ ءتورت ءبىر تۇلعالانعان ۇلاستىرۋ - تۇتاستىرۋ تورابىن قۇرۋ كەرەك. ءتورتىنشى، عىلىم - تەحنيكادا جاڭالىق اشۋ سەلبەستىگىنىڭ جاڭا سالاسىن كەڭەيتۋ كەرەك. جۇڭگو - شىعىس وڭتۇستىك ازيا ەلدەرى وداعىنىڭ عىلىم - تەحنيكادا جاڭالىق اشۋ، دەڭگەيىن جوعارىلاتۋ جوسپارىن اتقارىپ، بىرلەسكەن تاجىريبەحانا سياقتى تۇعىر قۇرىلىسىن جەدەلدەتىپ، جۇڭگو - شىعىس وڭتۇستىك ازيا ەلدەرى وداعىنىڭ تەحنيكا وتكەرمەلەۋ ورتالىعى سياقتى مەحانيزمنىڭ رولىن ويداعىداي ساۋلەلەندىرىپ، اناعۇرلىم كوپ جاڭالىق اشۋ جەتىستىكتەرىنەن ەكى جاق حالقىن يگىلىكتەندىرۋ كەرەك. بەسىنشى، حالىق بۇقاراسىنىڭ ءوزارا ءتۇسىنىسۋىنىڭ، ەتەنە بولۋىنىڭ جاڭا كورىنەۋ تۇيىندەرىن جەتىلدىرۋ كەرەك. جۇڭگو مەن شىعىس وڭتۇستىك ازيا ەلدەرى وداعىنىڭ گۋمانيتارلىق اۋىس - كۇيىس جىلىن وراي ەتىپ، مادەنيەت، ساياحات، تاربيەلەۋ، جاستار سياقتى سالالارداعى اۋىس - كۇيىس پەن سەلبەستىكتى اناعۇرلىم تەرەڭدەتىپ، اناعۇرلىم كوپ ”شاعىن ءارى كوركەم“ حالىق تۇرمىسى نىساندارىن قالىپتاستىرىپ، ەكى جاق قارىم - قاتىناسىنىڭ حالىق رايى نەگىزىن بەكەمدەۋ كەرەك.

مالايزيانىڭ زۇڭليى ءانۋار بەينە ەكران ءسوزىن سويلەيدى، كامبودجا باس ءۋازىرىنىڭ ورىنباسارى، قوسىمشا بيلىك كەڭسەسى كەڭسە مەڭگەرمەسىنىڭ ءۋازىرى ونسەۆيسو، لاوس زۇڭليىنىڭ ورىنباسارى كيكەو، ۆيەتنام زۇڭليىنىڭ ورىنباسارى، قوسىمشا قازىنا مينيسترى حۋدىفۋ

مالايزيانىڭ زۇڭليى ءانۋار بەينە ەكران ارقىلى ارناۋ ءسوز سويلەدى، كامبودجا باس ءۋازىرىنىڭ ورىنباسارى، قوسىمشا بيلىك كەڭسەسى كەڭسە مەڭگەرمەسىنىڭ ءۋازىرى ونسەۆيسو، لاوس زۇڭليىنىڭ ورىنباسارى كيكەو، ۆيەتنام زۇڭليىنىڭ ورىنباسارى، قوسىمشا قازىنا مينيسترى حۋدىفۋ، شىعىس وڭتۇستىك ازيا ەلدەرى وداعىنىڭ باس حاتشىسى گاۋ جينحۇڭ اشىلۋ سالتىنا قاتىناستى ءارى ىلگەرىندى – كەيىندى ارناۋ ءسوز سويلەدى.

وسىدان كەيىن ديڭ شۋەشياڭ كورمەنىڭ اشىلعاندىعىن جاريالادى ءارى سيلى قوناقتارمەن بىرگە كورمەنىڭ جامىلعىسىن اشتى.

اشىلۋ سالتىنان كەيىن ديڭ شۋەشياڭ كورمە سارايىن ارالاپ، كورمەگە قاتىناسقان ورىنداردىڭ جاۋاپتىلارىمەن پىكىر اۋىستىردى.

كەلۋ قاينارى: حالىق تورابى