فينانستىق قىزمەت وتەۋدى ساپالىلاندىرىپ، جوعارى ساپالى دامۋعا دەم بەردى (كاسىپورىنداردى ارالاپ، جوعارى ساپالى دامۋعا نازار سالۋ)

باس شۋجي شي جينپيڭ بىلاي دەپ باسا دارىپتەدى: ”ءتۇرلى فينانس قۇرىلىمدارى اۋەلگى ماقساتتان جازباي، ءتۇپ توركىنىنە قايتا ورالىپ، باسەكەلىك قۋات پەن قىزمەت وتەۋ قابىلەتىن شىنايى كۇشەيتىپ، ناقتى ەكونوميكا مەن حالىق بۇقاراسىنىڭ كوپ ساتىلى، الۋان ءتۇرلى فينانستىق قىزمەت وتەۋ قاجەتىن قاناعاتتاندىرۋى كەرەك“. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا»: ”عىلىم - تەحنيكا فينانسىن، جاسىل فينانستى، جالپىعا ءتيىمدى فينانستى، قارتتاردى كۇتىمدەۋ فينانسىن، سيفرلى فينانستى بەلسەنە دامىتىپ، كەلەلى ستراتەگيا، ءتۇيىندى سالا، ءالسىز بۋىندارعا قاراتىلعان ساپالى فينانستىق قىزمەت وتەۋدى كۇشەيتۋ كەرەك“ دەپ ورتاعا قويىلدى.

فينانستىق قامداۋ جاعىنداعى قۇرىلىمدىق رەفورمانى تەرەڭدەتىپ، ەكونوميكالىق، قوعامدىق دامۋعا جوعارى ساپالى قىزمەت وتەپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم ويداعىداي قاناعاتتاندىرۋدا، فينانس كاسىپورىندارى قايتكەندە جاڭالىق اشىپ، ىسكەرلىك كورسەتە الادى؟ جۇڭگو پيڭ – ان قامسىزداندىرۋ (توبى) شەكتى جارنا سەرىكتەستىگى (تومەندە قىسقاشا ”جۇڭگو پيڭ - ان“ دەلىنەدى) ”امبەباپ فينانس + ەمدەۋ، قارتتاردى كۇتىمدەۋ“ قىزمەت وتەۋى ارقىلى ىزدەنىس جاسادى ءارى ونىمدىلىككە قول جەتكىزدى.

ەمدەۋ، قارتتاردى كۇتىمدەۋكە قىزمەت وتەۋدە جاڭالىق اشىپ، فينانستى حالىق ءۇشىن جۇرگىزۋدى ىشكەرىلەي امالياتتا ايگىلەدى

حىبەي ساڭجوۋ جۇڭگوشا ەمدەۋ، باتىسشا ەمدەۋ بىرلەسپە شيپاحاناسىندا پيڭ – ان ەمدەۋ قامسىزداندىرۋىنا قاتىناسققان لي حانىم شيپاحاناعا كىرگەن سوڭ، قول تەلەفونىنان ”تىكە تولەم بەرۋ“ قىزمەت وتەۋىن ءوتىنىش ەتتى؛ شاڭحاي قالاسىنىڭ تۇرعىنى وۋياڭ لاۋ مىرزا ورتا دارەجەدە قابىلەتىنەن ايرىلعان، جۇڭگو پيڭ - اننىڭ ”ۋايىم - قايعىسىز“ ۇيدە كۇتىمدەلۋ قىزمەت وتەۋىنىڭ قاريدارى رەتىندە، ول كاسىپتىك ادامداردىڭ ۇزاق ۋاقىت ۇيگە كەلىپ كۇتىمدەۋ سياقتى قىزمەت وتەۋىنەن يگىلىكتەندى...

”ءبىز ’ارنايىلانعان كاسىپ ارقىلى تۇرمىسقا جەڭىلدىك سيلاۋ‘ ۋادەمىزگە باستان - اياق تاباندى بولىپ، ساپالى فينانس ونىمدەرىن، ەمدەۋ، قارتتاردى كۇتىمدەۋ قىزمەت وتەۋى قامداۋىن ۇزدىكسىز بايىتىپ، بۇقارانىڭ تاماشا تۇرمىسقا دەگەن قاجەتىن قۇلشىنا قاناعاتتاندىردىق“ دەدى جۇڭگو پيڭ – اننىڭ باس القاسى ما ميڭجى.

20 مىڭ عىلىم - تەحنيكا اشۋ قىزمەتكەرى بار، عىلىم - تەحنيكا زەرتتەۋ – اشۋعا جىلىنا 10 ميلليارد يۋاننان استام ۇسىنىلىم قوسادى، 52 مىڭنان استام پاتەنتى بار؛ ىشكى - سىرتقى 50 مىڭ شيپاگەرى، 36 مىڭ سەلبەسكەن شيپاحاناسى، 602 ءتۇرلى ۇيدە كۇتىمدەۋ قىزمەت وتەۋى بار... بەرىك ”عىلىم - تەحنيكا تاعانى“، جوعارى ءونىمدى ەمدەۋ - كۇتىمدەۋ جالپىلىق قىزمەت وتەۋ تۇعىرى جۇڭگو پيڭ - اننىڭ شارۋاشىلىق جۇرگىزۋ ساپاسىن، ونىمدىلىگىن جانە فينانس، ەمدەۋ، قارتتاردى كۇتىمدەۋ قىزمەت وتەۋ دەڭگەيىن ۇزدىكسىز جوعارىلاتۋىنا تىرەك بولدى.

ءبىر توپ ساندى مالىمەت كاسىپورىننىڭ قۇلشىنىسى مەن تۇتىنۋشىلاردىڭ تۇراقتاندىرۋىن دالەلدەدى _

ءار سەكۋندتا جۇڭگو پيڭ - اننىڭ قىزمەت وتەۋ ارناۋلى لەنياسى ورتا ەسەپپەن 24 ادام - رەت قىزمەت وتەيدى؛ ءار مينۋتتا جەلىدە، جەلىدەن تىسقارى الۋان ءتۇرلى تاسىلمەن مىڭعا جۋىق قاريداردىڭ قامسىزداندىرۋ تولەمىن ورىندايدى؛ ءار كۇنى جاڭا قالا تۇرعىندارىن 650 مىڭ ادام - رەت ارناۋلى حاۋىپ - قاتەر قامتاماسىزدىعىمەن قامدايدى. جۇڭگو پيڭ - اننىڭ 2024 - جىلعى ورتا مەرزىمدىك مالىمەتىندە كورسەتىلۋىنشە، توپ قازىر 236 ميلليون جەكە قاريدارعا قىزمەت وتەيدى ەكەن، مۇنىڭ ىشىندە 150 ميلليون قاريدار ەمدەۋ، قارتتاردى كۇتىمدەۋ قىزمەت وتەۋىنەن پايدالانادى ەكەن.

ناقتى ەكونوميكاعا دالمە - ءدال قولداۋ كورسەتىپ، فينانستىڭ 5 ءىرى ءىسىن ويداعىداي ىستەدى

ءشول دالادان ساحاراعا دەيىن، بيىكتىگى نەشە ون مەتر كەلەتىن جەل ەلەكتر قۇرىلعىلارى ايبىندى دا ساۋلەتتى كورىنەدى. جاڭاشا ەلەكتر نەگىزدىك قۇرىلعىلارى رەتىندە جەل ەلەكتر ءوندىرىسىنىڭ حاۋىپسىزدىگىندە تيتتەي دە شالاعايلىق ىستەۋگە بولمايدى.

پيڭ – ان مال – مۇلىك قامسىزداندىرۋى ءبىر جەل ەلەكتر كاسىپورنىنىڭ قالاقشالارىنىڭ ءبۇلىنۋى جونىندەگى دەلو مالىمدەۋىن ارت - ارتىنان تاپسىرىپ الدى. تەكسەرىپ تولەگەننەن كەيىن، حاۋىپ - قاتەردى باسقارۋ تاجىريبەسىنە سۇيەنگەن تولەم بەرۋگە قىزمەت وتەۋشىلەر قالاقشا وندىرۋدە تەحنيكالىق ماسەلە بولۋى مۇمكىن دەپ قارايدى. ولار قالاقشالاردىڭ نەگىزگى قۇرىلىمىن جاساۋ بۋىنىندا تەمپەراتۋرا مەن قىسىمدى مەڭگەرۋدىڭ تۇراقسىزدىعىن، سونىڭ اسەرىنەن قالاقشالاردا جوعارى - تومەندى پارىق بولاتىندىعىن، جارىلۋ كومەسكى حاۋپى تۋاتىندىعىن بايقاعان. ماسەلە تابىلعاننان كەيىن پيڭ – ان مال – مۇلىك قامسىزداندىرۋى كاسىپورىننىڭ ءوندىرىس تەحنولوگياسىن كەمەلدەندىرۋىنە كومەكتەستى.

ەلىمىزدە وندىرىلگەن ۇلكەن ۇشاق، ”كوك كيت - 1“ قۇدىق بۇرعىلاۋ تۇعىرى، سىچۋان - شيزاڭ تەمىر جولى... جۇڭگو پيڭ - اننىڭ قىزمەت وتەۋى الدىڭعى شەپ پەن ارتقى شەپ سىندى تۇتاس جەلىنى قامتىپ، ناقتى ەكونوميكانىڭ جوعارى ساپالى دامۋىنا دەم بەردى.

شىنجىن - جۇڭشان ارناسىندا اۆتوكولىكتەر قايشالىسادى. نىسان قۇرىلىسىن جۇرگىزۋشى جاقتىڭ حاۋىپسىز، جوعارى ءونىمدى قۇرىلىس جۇرگىزۋىن قامتاماسىز ەتۋ ءۇشىن، جۇڭگو پيڭ - ان شىنجىن - جۇڭشان ارناسى نەگىزگى تۇلعالىق ينجەنەرياسىنىڭ 9 مەردىگەرلىك بولىگىندەگى قامسىزداندىرۋ نىسانىنا جاپپاي ات سالىسىپ، حاۋىپ - قاتەر قامتاماسىزدىعى شامامەن 8 ميلليارد يۋان بولدى.

ورماندا ءار الۋان قۇستار سايران سالادى، قايراڭدا سۋ شايانى مەن قىسقىش توپ – توبىمەن ءجۇر، شىنجىن قالاسىنىڭ فۋتيان قىزىل اعاش ورمان ەكولوگيالىق باقشاسى دۋمانعا بولەندى. پيڭ – ان مال – مۇلىك قامسىزداندىرۋى قىزىل اعاش ورمانى كومىر قىشقىل گازى قورى كورسەتكىشى قامسىزداندىرۋىن جولعا قويىپ، ”قامسىزداندىرۋ + عىلىم - تەحنيكا“ ءتاسىلى ارقىلى ورمان شارۋاشىلىعىنىڭ كومىر قىشقىل گازىن ءسىمىرۋ مولشەرىنىڭ ارتۋىن ولشەپ، فينانستا جاڭالىق اشۋ ارقىلى جاسىل دامۋعا دەم بەردى.

”تىكە تاراتۋ بولمەسىندە ادامداردىڭ جىگەرى تاسقىندادى، ءلالا گۇلى ەرەكشە قارسى الىندى“. گانسۋدىڭ لينتاۋ اۋدانىندا تىكە تاراتۋ ارقىلى زات ساتۋ ەگىمشىلىك وتباسىلارىنىڭ كىرىسىن ارتتىرۋىنا دەم بەردى. جۇڭگو پيڭ - ان فينانستىق قىزمەت وتەۋ، تۇتىنۋ جاعىنان سۇيەمەلدەۋ قىزمەتىن ورىستەتۋ، وقۋ - اعارتۋ بايلىعىن مولايتۋ، ەمدەۋ - كۇتىمدەۋ شەبەرلىگىن جەتىلدىرۋ سياقتىلار ارقىلى قىستاق تۇرعىندارىنىڭ الاڭسىز تۇرمىس كەشىرۋىنە دەم بەردى. 2018 – جىلدان بەرى اۋىل – قىستاق، اۋىل شارۋاشىلىعى، شارۋالار ينجەنەرياسى ءۇرتىس ورىستەتىلىپ، قىستاق ىستەرىنە، قىستاقتىڭ ەمشىلىگىنە، قىستاقتاعى وقىتۋعا دەم بەردى. ”ۇيقىنى باقىلاۋ توسەنىشى، جىعىلىپ قالۋدى پارىقتاۋ رادارى، ءبىر كنوپكامەن ساقشىعا مالىمدەپ كومەك سۇراۋ... پيڭ - اننىڭ قارتتاردى ۇيدە كۇتىمگە الۋعا قىزمەت وتەۋى كوڭىلىمدى جاي تاپتىردى“. شىنجىن قالاسىنىڭ تۇرعىنى ۋ مىرزا ۇيلەرىن قارتتارعا بەيىمدەپ وزگەرتتى، كۇندەلىكتى ارەكەتنە قولايلى بولدى. ۇعىسۋعا قاراعاندا، جۇڭگو پيڭ - ان ”بىرلەسكەن تۇلعاداعى“ قارتتاردى كۇتىمدەۋدى ولشەمدەندىرۋ قىزمەت وتەۋ جۇيەسىن ۇزدىكسىز ساپالىلاندىرىپ، بۇقارانىڭ قارتتاردى كۇتىمدەۋ جاعىنداعى الۋان ءتۇرلى قاجەتىن ۇزدىكسىز قاناعاتتاندىرعان.

”جاساندى سەرىكتەن كەلگەن ساندى مالىمەتتەر ارقىلى مەن شاي باقشاسىنىڭ توپىراق ساپاسىن كەز كەلگەن ۋاقىتتا بىلە الامىن، اۆتوماتتاندىرىلعان جابدىقتار ارقىلى اتىز باپتاۋدى ويداعىداي ىستەيمىن“. گۋاڭدۇڭ حىيۋان قالاسى زىجين اۋدانىنداعى شاي ەگۋشى ۋىن ۋەيبيڭ بىلاي دەدى: پيڭ - اننىڭ بانكە جۇلدىزى زات بىرلەستىگى مەنىڭ سيفرلى اۋىل شارۋاشىلىق ءوندىرىسىن جۇزەگە اسىرىپ، ونىمدىلىكتى ارتتىرىپ، وزىندىك قۇندى تومەندەتۋىمە كومەكتەستى.

ساندى مالىمەتتە كورسەتىلۋىنشە، 6 - ايدىڭ سوڭىنا دەيىن جۇڭگو پيڭ - ان جيىنى 9 تريلليون 460 ميلليارد يۋانعا جۋىق قارجى قوسىپ، ناقتى ەكونوميكانىڭ دامۋىنا قولداۋ كورسەتكەن. ”جۇڭگو پيڭ – ان ناقتى ەكونوميكاعا قىزمەت وتەۋ سىندى ءتۇبىرلى ماقساتقا تاباندى بولىپ، فينانسقا قاتىستى 5 ءىرى ءىستى اناعۇرلىم جاقسى ىستەيدى“ دەدى ما ميڭجى.

سەرىكتەستىكتى باسقارۋدى كەمەلدەندىرۋ بارىسىندا پارتيانىڭ باسشىلىعىن كۇشەيتتى

8 - ايدىڭ باس شەنىندە حىبەي شىجياجۋاڭ قالاسىندا نوسەرلى جاڭبىردا ”پيڭ - ان اپەلسينى“ ڧورماسىن كيگەن پارتيا مۇشەلەرىنىڭ اۆانگارد قوسىنى سۋ جينالعان ويپاڭ جول بولىكتەرىنە كەزەكشىلىك ىستەپ، ارى - بەرى وتكەن اۆتوموبيلدەر مەن جۇرگىنشىلەرگە ابايلاپ ءجۇرۋدى ەسكەرتتى.

”ۋاكىلدىك رەتىندە قامسىزداندىرۋدى قايتارۋ تەلەفونىن قابىلداعاندا استە جەڭىل - جەلپى سەنۋگە بولمايدى“. ”ۇيدە تۇرعان قامسىزداندىرۋ تالونىن تەكسەرىپ، قامتاماسىزداندىرۋ الدامشىلىعىنان ساقتانۋ كەرەك“. جۋىردا جۇڭگونىڭ پيڭ - اننىڭ يۇننان كۇنميڭدەگى بولىمشە قۇرىلىمىنىڭ پارتيا مۇشەلەرى ”قامسىزداندىرۋ لاباسى“ ۇگىت اترەتىن ۇيىمداستىرىپ، توراپ تۇيىندەرى، الەۋمەتتىك اۋماق، الاڭ قاتارلى ورىنداردا فينانس بىلىمدەرىن ۇگىتتەپ جالپىلاستىردى.

پارتيا 20 - قۇرىلتايىنىڭ بايانداماسىندا مەملەكەت مەنشىگىندەگى كاسىپورىنداردىڭ، فينانس كاسىپورىندارىنىڭ سەرىكتىكتەستىكتى باسقارۋدى كەمەلدەندىرۋ بارىسىندا پارتيانىڭ باسشىلىعىن كۇشەيتۋىن، ارالاس مەنشىكتەگى كاسىپورىنداردىڭ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن كۇشەيتۋىن ىلگەرىلەتىپ، كاسىپتىك قوعامداردىڭ، عىلمي قوعامداردىڭ، ساۋدا قوعامدارىنىڭ پارتيا قۇرىلىسى قىزمەتىن باسقارۋ ءتۇزىلىسىن رەتكە سالۋ ورتاعا قويىلدى.

جۇڭگو پيڭ - ان پارتكومنىڭ سەرىكتەستىكتى باسقارۋداعى ورنىن كۇشەيتىپ، نەگىزگى ساتى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىردى.

”پارتيانىڭ باسشىلىعىن سەرىكتەستىكتى باسقارۋدىڭ ءارقايسى بۋىنىمەن تەرەڭ توعىستىرىپ، سەرىكتەستىكتىڭ دامۋ بەتالىسىنىڭ، شارۋاشىلىق باسقارۋىنىڭ پارتيا مەن مەملەكەتتىڭ باعىت - ساياساتىنا ۇيلەسۋىنە شىنايى كەپىلدىك ەتەمىز“. جۇڭگو پيڭ – ان پارتكومىنىڭ شۋجيى حۋ جيانفىڭ بىلاي دەدى: جۇڭگو پيڭ - ان پارتيا قۇرىلىسىمەن جەتەكشىلىك ەتۋدى كۇشەيتىپ، پارتيا قۇرىلىسى ارقىلى كاسىپتى جەبەپ، قوعامدى باسقارۋعا ىشكەرىلەي ات سالىسۋ، اۋىل - قىستاقتى جاپپاي گۇلدەندىرۋگە قىزمەت وتەۋ، جاڭا وندىرگىش كۇشتەردى دامىتۋ سياقتى جاقتاردا كوپ ءتۇرلى شارا شىعارىپ، كاسىپورىننىڭ باياندى دامۋدى جۇزەگە اسىرۋىنا بەرىك نەگىز قالادى.

كاسىپورىننىڭ قوعامدىق جاۋاپكەرشىلىگىن اناعۇرلىم ويداعىداي اتقارۋ ءۇشىن، تاياۋ جىلداردان بەرى جۇڭگو پيڭ - ان ESG ( ورتا، قوعام جانە سەرىكتەستىكتى باسقارۋ) باسقارۋ جۇيەسىن ۇزدىكسىز ورناتۋ جانە كەمەلدەندىرۋ ارقىلى كورسەتكىشى عىلمي، كەمەلدى، ءتارتىبى ايقىن، جۇيەلى قىزمەت ناتيجەسىن باعالاۋ مەحانيزمىن قالىپتاستىردى. قازىر جۇڭگو پيڭ - ان ەل ءىشى - سىرتىنداعى نەگىزگى ESG دارەجەسىن باعالاۋ ناتيجەسىندە كاسىپ سالاسىنىڭ وزىق ورەسىندە تۇر.

”جۇڭگو پيڭ - ان جۇڭگوشا فينانستى دامىتۋ جولىمەن بۇلجىماي ءجۇرىپ، حالىقتى وزەك ەتكەن قۇن بەتالىسىنا تاباندى بولىپ، قاريدارلارعا، قىزمەتكەرلەرگە، جارناگەرلەرگە جانە قوعامعا قۇن قارىمجىسىن قايتارىپ، فينانستىڭ جوعارى ساپالى دامۋى ارقىلى ەكونوميكانىڭ، قوعامنىڭ جوعارى ساپالى دامۋىنا قىزمەت وتەيدى“ دەدى ما ميڭجى.

كەلۋ قاينارى: حالىق تورابى