شارت - جاعدايى بار جەرلەردى كوپ بالالى وتباسىلاردىڭ ءۇي ساتىپ الۋىن قولداۋ تەبىنىن ارتتىرۋعا شابىتتاندىردى

جۇڭگو ۇكىمەت تورابىنىڭ حابارىنا قاراعاندا، 10 ـ ايدىڭ 19 ـ كۇنى مەملەكەتتىك كەڭەس كەڭسەسى «بالالى بولۋدى قولداۋ ساياسات جۇيەسىن جەدەل كەمەلدەندىرىپ، جاراسىمدى قوعام قۇرۋدى ىلگەرىلەتۋ جونىندەگى شارانى» (تومەندە قىسقارتىلىپ «شارا» دەلىنەدى) باسىپ تاراتىپ، بالالى بولۋدى قولداۋدىڭ جەلىلەس شارالارىن 4 جاقتان العا قويدى.

«شارادا» تۇرعىن ۇيمەن قولداۋ ساياساتىن كۇشەيتۋ ايقىن بەلگىلەندى. شارت - جاعدايى بار جەرلەردىڭ كوپ بالالى وتباسىلاردىڭ ءۇي ساتىپ الۋىن قولداۋ تەبىنىن ارتتىرۋىنا دەم بەرىپ، ءىس جۇزىندىك جاعدايمەن ۇشتاستىرىپ، تۇرعىن ءۇي الەۋمەتتىك قورىنىڭ قارىز اقشا مولشەرىن لايىقتى جوعارىلاتۋ سياقتى ساياساتتاردى شىعارۋعا بولادى. قامتاماسىزداندىرۋ سيپاتتى تۇرعىن ۇيمەن ۇتىمدى قامداۋدى ءتۇرلى جولدارمەن ارتتىرىپ، شارتقا ۇيلەسەتىن ءارى ازامات جاسىنا تولماعان پەرزەنتتەرى بار وتباسىلارىنا، ولاردىڭ ازامات جاسىنا تولماعان بالالارىنىڭ سانىنا قاراي، ءۇي تۇرپاتىن تاڭداۋ جاعىندا لايىقتى قامقورلىق جاساۋعا بولادى. تۇرعىن ءۇيدى مايعا بەرۋ بازارىن جەدەل دامىتىپ، جەرگىلىكتى جاعدايعا قاراي تۇرعىن ءۇي مايلايتىن، ساتىپ الاتىن قاۋىمنىڭ ۇقساس الەۋمەتتىك قىزمەت وتەۋ ۇقىعىنان يگىلىكتەنۋىنە بىرتىندەپ مۇمكىندىك جاساۋ كەرەك.

كەلۋ قاينارى: حالىق تورابى