بالالى بولۋدى قولداۋ شارالارىن كەمەلدەندىرىپ، ادام ىستەتەتىن ورىنداردى ءىس جۇزىندىك جاعدايمەن ۇشتاستىرىپ جۇمىسقا كەلىپ – كەتۋ ۋاقىتىن رەتتەۋگە، ۇيدە وتىرىپ جۇمىس ىستەۋگە شابىتتاندىرۋ كەرەك

جۇڭگو ۇكىمەت تورابىنىڭ حابارىنا قاراعاندا، 10 ـ ايدىڭ 19 ـ كۇنى مەملەكەتتىك كەڭەس كەڭسەسى «بالالى بولۋدى قولداۋ ساياسات جۇيەسىن جەدەل كەمەلدەندىرىپ، جاراسىمدى قوعام قۇرۋدى ىلگەرىلەتۋ جونىندەگى شارانى» (تومەندە قىسقارتىلىپ «شارا» دەلىنەدى) باسىپ تاراتىپ، بالالى بولۋدى قولداۋدىڭ جەلىلەس شارالارىن 4 جاقتان العا قويدى.

«شارادا» جۇمىسشى - قىزمەتكەرلەردىڭ ۇقىق - مۇددەسىن قامتاماسىز ەتۋدى كۇشەيتۋ ايقىن بەلگىلەندى. ايەلدەردىڭ جۇمىستانۋىن جەبەۋ ساياساتىن كەمەلدەندىرىپ، ايەل ەڭبەكشىلەردى، اسىرەسە، قايتالاي جۇمىستانعان ايەلدەردى كاسىپتىك ونەرگە باۋلۋدى كۇشەيتۋ كەرەك. ادام ىستەتەتىن ورىنداردى ايەل جۇمىسشى - قىزمەتكەرلەردى، اسىرەسە جۇكتىلىك، تۋىت مەزگىلىندەگى ايەل جۇمىسشى - قىزمەتكەرلەردى ەرەكشە ەڭبەكتە قورعاۋدى زاڭ - بەلگىلەمە بويىنشا تياناقتاندىرۋعا قۋزاۋ كەرەك. ادام ىستەتەتىن ورىنداردى ءىس جۇزىندىك جاعدايمەن ۇشتاستىرىپ، جۇمىسقا كەلىپ – كەتۋ ۋاقىتىن رەتتەۋ، ۇيدە وتىرىپ جۇمىس ىستەۋ سياقتى تاسىلدەردى قولدانۋعا شابىتتاندىرىپ، وتباسىلىق جاراسىمدى قىزمەت ورتاسىن قالىپتاستىرۋ كەرەك. شارت - جاعدايى بار ادام ىستەتەتىن ورىنداردى انالار مەن نارەستەلەر قۇرىلعىلارىن سالۋعا شابىتتاندىرىپ، يگىلىك سيپاتتى اماناتپەن تاربيەلەۋ قىزمەت وتەۋىمەن قامداپ، قىسقى، جازعى دەمالىس كەزىندەگى جانە ساباقتان كەيىنگى بالالاردى باسقارۋعا الۋ قيمىلىن ۇيىمداستىرىپ جانە ورىستەتىپ، جۇمىسشى - قىزمەتكەرلەردىڭ بالا تاربيەلەۋ قىسىمىن بىرگە ارقالاۋىنا بەلسەنە كومەكتەسۋ كەرەك.

كەلۋ قاينارى: حالىق تورابى