پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، زەيىن - زەردەنى، كۇش - قۋاتتى شوعىرلاندىرىپ، رەفورمانىڭ ورنىقتى، باياندى جۇرگىزىلۋىن ىلگەرىلەتۋ كەرەك

10 - ايدىڭ 29 - كۇنى ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقىلاۋ كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

«حالىق گازەتى»، 10 - ايدىڭ 29 - كۇنى، بەيجيڭ. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقىلاۋ كۋرسى 10 - ايدىڭ 29 - كۇنى تۇستەن بۇرىن ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەپ بىلاي دەپ باسا دارىپتەدى: پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، بۇكىل پارتيانى، بۇكىل ەل حالقىن رەفورما سەنىمىن بەكەمدەۋگە جەتەكتەپ، زەيىن - زەردەنى، كۇش - قۋاتتى اناعۇرلىم ويداعىداي شوعىرلاندىرىپ، رەفورمانىڭ نىق قاداممەن ۇزاققا جالعاسۋىن ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي چياڭ ساباق باستاۋ سالتىن باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ ساباق باستاۋ سالتىنا قاتىناستى.

شي جينپيڭ بىلاي دەپ اتاپ كورسەتتى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جاڭا داۋىردە رەفورمانى جاپپاي تەرەڭدەتىپ، رەفورمانى جۇيەلى، جالپى تۇلعالىق جوبالاپ ىلگەرىلەتۋدىڭ جاڭا جورىعىن باستاپ، ەلىمىزدىڭ رەفورما جاساپ، ەسىك اشۋىنىڭ شىت جاڭا جاعدايىن اشتى، بۇل ءداۋىر بولگىش مانگە يە. جاڭا داۋىردە رەفورمانى جاپپاي تەرەڭدەتۋدە كەلەلى امالياتتىق جەتىستىككە، تۇزىمدىك جەتىستىككە، نازاريالىق جەتىستىككە قول جەتتى، بۇل ەلىمىزدىڭ رەفورما جاساپ، ەسىك اشۋ تاريحي ۇردىسىندەگى ەڭ ايبىندى تاراۋدىڭ ءبىرى بولىپ، جاپپاي دوڭگەلەك داۋلەتتى قوعام ورناتۋعا، ”ەكى كەرەمەتتى“ ۇزدىكسىز جازۋعا قۇدىرەتتى قوزعاۋشى كۇش جانە تۇزىمدىك قامتاماسىزدىق ازىرلەدى ءارى جاڭا جورىقتا رەفورمانى ونان ارى جاپپاي تەرەڭدەتۋگە بەرىك نەگىز جانە باعالى تاجىريبە ازىرلەدى.

شي جينپيڭ بىلاي دەپ باسا دارىپتەدى: دۇرىس جولدان تايماي جاڭالىق اشۋ − رەفورمانى جاپپاي تەرەڭدەتۋدە، ءسوز جوق، مىقتاپ يگەرۋگە، باستان - اياق تاباندى بولۋعا ءتيىستى ماڭىزدى پرينسيپ. ءبىزدىڭ رەفورمامىزدىڭ باعىتى، پرينسيبى بار. پارتيانىڭ جالپى بەتتىك باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزمگە تاباندى بولۋ، حالىق دەموكراتياسى ديكتاتۋراسىنا تاباندى بولۋ، قوعامدىق ادىلدىك پەن ادىلەتتىلىكتى جەبەۋدى، حالىقتىڭ ىرىسىن ارتتىرۋدى شىعار ءتۇيىن جانە تياناق ەتۋ، بۇلاردىڭ بارلىعى ءتۇبىرلى نەگىزگە، بەتالىسقا، ۇزاق بولاشاققا سايادى، پارتيانىڭ سيپاتى مەن تۇپكى ماقساتىن ايگىلەيدى، ەلىمىزدىڭ جاعدايىنا، حالىقتىڭ ءتۇبىرلى مۇددەسىنە ۇيلەسەدى، ءارقانداي ۋاقىتتا، ءارقانداي جاعدايدا تيتتەي دە سولقىلداقتىق ىستەۋگە بولمايدى. جۇڭگوشا سوتسياليستىك ءتۇزىمدى ۇزدىكسىز كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى رەفورما باس نىساناسىنا تاباندى بولىپ، باستان - اياق باس نىسانا نۇسقاعان بەتالىسقا قاراي ىلگەرىلەپ، وزگەرتۋگە تيىستىلەرىن باتىل وزگەرتۋ، وزگەرتپەۋگە تيىستىلەرىن وزگەرتپەۋ كەرەك. ءداۋىر دامۋىنىڭ جاڭا اۋقىمىنا، امالياتتىق دامۋدىڭ جاڭا تالابىنا، حالىق بۇقاراسىنىڭ جاڭا تىلەگىنە سايكەسىپ، ەكونوميكالىق ءتۇزىلىس رەفورماسى سىندى وسى ءتۇيىندى كورنەكتىلەندىرىپ، ءار جاقتاعى رەفورمانى جاپپاي سايكەستى ىلگەرىلەتىپ، نازاريادا، امالياتتا، تۇزىمدە، مادەنيەتتە، سونداي - اق باسقا جاقتاردا جاڭالىق اشۋدى زور كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋعا قۇدىرەتتى قوزعاۋشى كۇش جانە ءتۇزىم قامتاماسىزدىعىن ازىرلەۋ كەرەك.

شي جينپيڭ بىلاي دەپ اتاپ كورسەتتى: رەفورما − جۇيەلى ينجەنەريا، عىلمي ادىسكە ءمان بەرىپ، ءار جاقتىڭ قاتىناسىن ويداعىداي ءبىر جاقتى ەتۋ قاجەت. رەفورما مەن زاڭمەن باسقارۋدىڭ بىرلىگىنە تاباندى بولىپ، رەفورما كۇشى ارقىلى زاڭمەن باسقارۋدى كەمەلدەندىرىپ، زاڭمەن باسقارۋ سالاسىنداعى رەفورمانى ونان ارى تەرەڭدەتىپ، جۇڭگوشا سوتسياليستىك زاڭمەن باسقارۋ جۇيەسىن ۇزدىكسىز كەمەلدەندىرۋ؛ زاڭمەن باسقارۋدىڭ رەفورما كەدەرگىلەرىن الاستاۋ، رەفورما جەتىستىكتەرىن بەكەمدەۋ بارىسىنداعى بەلسەندى رولىن اناعۇرلىم ويداعىداي ساۋلەلەندىرىپ، زاڭمەن باسقارۋ وي جەلىسى مەن زاڭمەن باسقارۋ تاسىلىنەن پايدالانىپ رەفورمانى ىلگەرىلەتۋگە شەبەر بولىپ، كەلەلى رەفورمالاردىڭ زاڭدىق نەگىزى بولۋىن جۇزەگە اسىرىپ، بارلىق ازاماتتار مەن زاڭدىق يەلەردىڭ زاڭدى ۇقىق - مۇددەسىن تەڭ تۇرعىدا قورعاۋ كەرەك. كۇشىنەن قالدىرۋ مەن ورناتۋدىڭ ديالەكتيكالىق بىرلىگىنە تاباندى بولىپ، كۇشىنەن قالدىرۋ مەن ورناتۋدى قاتار جۇرگىزىپ، الدىمەن ورناتىپ، ونان سوڭ كۇشىنەن قالدىرىپ، ورناتۋعا تيىستىلەرىن بەلسەندى، ىرىقتى تۇردە ورناتۋ، كۇشىنەن قالدىرۋعا تيىستىلەرىن ورناتۋ نەگىزىندە دەر كەزىندە كۇشىنەن قالدىرۋ، كۇشىنەن قالدىرۋ مەن ورناتۋدىڭ بىرلىگى بارىسىندا رەفورمانىڭ تەز، ورنىقتى جۇرگىزىلۋىن جۇزەگە اسىرۋ كەرەك. رەفورما مەن ەسىك اشۋدىڭ بىرلىگىنە تاباندى بولىپ، تۇزىمدىك ەسىك اشۋدى ورنىقتى كەڭەيتىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن ۇشتاستىرىپ، سىرتقى ساۋدا، شەتەل ساۋداگەرلەرىنىڭ قارجى قوسۋى جانە سىرتقا قارجى قوسۋدى باسقارۋ ءتۇزىلىسى رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن قالىپتاستىرۋ كەرەك. ورنالاستىرۋ مەن تياناقتاندىرۋدىڭ قاتىناسىن ويداعىداي ءبىر جاقتى ەتۋ كەرەك، رەفورما جوباسىن جوبالاۋدا وبيەكتيۆ زاڭدىلىقتى يگەرىپ، ءتۇرلى رەفورما شارالارىن سايكەستىرۋگە، ۇشتاستىرۋعا ءمان بەرىپ، رەفورما بەتالىسىنىڭ بىردەيلىگىن كۇشەيتىپ، جاۋاپكەرشىلىگى ايقىن، تىزبەگى تولىق، بۋىندارى تىعىز بايلانىستى قىزمەت مەحانيزمىن ورناتىپ جانە كەمەلدەندىرىپ، ونىمدىلىگىن قاداعالاپ قۋزاستىرۋدى كۇشەيتىپ، رەفورما شارالارىنىڭ ناقتى، ەگجەي - تەگجەيلى، تىڭعىلىقتى تياناقتانۋىن ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: باسشى كادرلار، اسىرەسە، جوعارى دارەجەلى كادرلار رەفورمانى ىلگەرىلەتۋدىڭ ماڭىزدى قىزمەت جاۋاپكەرشىلىگىن ارقالاپ وتىر. ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتىپ، قيىندىقتان قامال الاتىن، قيىندىقتان تايسالماي العا ۇمتىلاتىن ساياسي باتىلدىقپەن قايشىلىقتار مەن ماسەلەلەردەن تايساقتاماي، ەسكىلىكتى دەرتتەردى الاستاپ، حاۋىپ - قاتەر مەن سىن - سايىسقا توتەپ بەرۋدە شەگىنبەي، رەفورمانىڭ، دامۋدىڭ جاڭا ءورىسىن قۇلشىنا اشۋ كەرەك. رەفورمانى عىلمي ادىسپەن ىلگەرىلەتۋگە شەبەر بولىپ، جۇيەلى ورنالاستىرىپ، جوبا - جوسپار جاساۋ كەرەك.

شي جينپيڭ بىلاي دەپ اتاپ كورسەتتى: ورتاق تانىمدى كەڭىنەن ۇيىستىرۋ، بارلىق بەلسەندى فاكتوردى تولىق جۇمىلدىرۋ رەفورمانى ءساتتى ىلگەرىلەتۋ جونىنەن توتەنشە ماڭىزدى. رەفورمادا قوعامدىق پىكىرگە جەتەكشىلىك ەتۋ قىزمەتىن شىنايى جاقسى ىستەپ، ۇنامدى ۇگىتتى كۇشەيتىپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك. جالپى ءماجىلىس «قاۋلىسىندا» العا قويىلعان كەيبىر كەلەلى نازاريالىق كوزقاراستاردى زەرتتەۋدى جانە ءتۇسىندىرۋدى كۇشەيتىپ، اسىرەسە، نەگىزگى ساتىعا جانە بۇقاراعا باعىتتالعان ۇگىتتى، ءتۇسىندىرۋدى كۇشەيتىپ، كۇدىك - كۇماننان دەر كەزىندە ارىلتىپ، قوعام ءجىتى قاداعالاپ وتىرعان ىستەرگە اڭىس قايتارىپ، ورتاق تانىمدى كەڭىنەن ۇيىستىرىپ، بۇكىل پارتيانىڭ، بۇكىل قوعامنىڭ رەفورمانى بىرگە يگەرۋدەگى يدەيالىق نەگىزىن، بۇقارالىق نەگىزىن بەكەمدەۋ كەرەك. كادرلار مەن بۇقارانى جالپى جاعداي تانىمىن كۇشەيتۋگە جەتەكتەپ، رەفورما بارىسىنداعى مۇددە قاتىناسىن رەتكە سالۋ مەن جەكە باستىڭ پايدا - زيانىنا دۇرىس مامىلە جاساۋ كەرەك.

شي جينپيڭ سوڭىندا بىلاي دەپ باسا دارىپتەدى: جەر - جەر، تاراۋلار ورتالىق كوميتەت ساياسي بيۋروسىنىڭ ءماجىلىسى تۇراقتاندىرعان ءبىر قىدىرۋ كەلەلى شارالاردى مۇقيات دايەكتىلەندىرىپ، ءتۇرلى ىركىندى ساياسات پەن ارتۋ مولشەرىن تياناقتاندىرۋ ساياساتىن تىڭعىلىقتى تياناقتاندىرىپ، كەشەندى شارالاردى ويداعىداي اتقارىپ، سوڭعى 2 ايداعى قىزمەتتەردى شىنايى ويداعىداي يگەرىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن قۇلشىنا جۇزەگە اسىرۋ كەرەك.

لي چياڭ ساباق باستاۋ سالتىن باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، بايىمداۋى سىندارلى، مازمۇنى باي، اسا كۇشتى ساياسي سيپاتقا، نازاريالىق سيپاتقا، باعىتتامالىلىق سيپاتقا، جەتەكشىلىك سيپاتقا يە، بۇكىل پارتيانىڭ، اسىرەسە، جوعارى دارەجەلى كادرلاردىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جاپپاي، ءدال ءتۇسىنىپ، رەفورمانى اناعۇرلىم جاپپاي تەرەڭدەتۋدىڭ جەتەكشى يدەياسىن، جالپى تۇلعالىق نىساناسىن، كەلەلى پرينسيبىن، عىلمي ءادىسىن ىشكەرىلەي يگەرىپ، رەفورما سەنىمىن بەكەمدەپ، رەفورما بەتالىسىن ءدال يگەرىپ، رەفورما جاۋاپكەرشىلىگىن كۇشەيتىپ، رەفورمانىڭ بىرىككەن كۇشىن ۇيىستىرىپ، ءتۇرلى رەفورما شارالارىنىڭ دالمە - ءدال تياناقتانىپ، ناتيجە بەرۋىن ىلگەرىلەتۋى جونىنەن توتەنشە ماڭىزدى مانگە يە. بورىشتىلىقپەن ۇيرەنىپ، جاۋاپكەرشىلىكپەن ۇيرەنىپ، ماسەلەگە باعىتتاي وتىرىپ ۇيرەنىپ، باس شۋجيدىڭ ماڭىزدى ءسوزىنىڭ باي مازمۇنىن، ءنارىن جانە امالياتتىق تالابىن تەرەڭ ءتۇسىنىپ، يگەرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى باس شۋجيدىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، رەفورما مىندەتتەرىنىڭ تياناقتانۋىن جاسامپازدىقپەن ويداعىداي يگەرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، مەملەكەتتىك ساياسي كەڭەستىڭ پارتيالى ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى ساباق باستاۋ سالتىنا قاتىناستى.

ولكەلەردەگى، اۆتونوميالى رايوندارداعى، قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىقتىڭ باسقارۋىنداعى فينانس قۇرىلىمدارىنداعى، كاسىپورىندارداعى، جوعارى مەكتەپتەردەگى، ازاتتىق ارميانىڭ ءارقايسى ورىندارىنداعى جانە قارۋلى ساقشى بولىمدەرىندەگى نەگىزگى جاۋاپتى جولداستار زەرتتەۋ - تالقى كۋرسىنا قاتىناستى. ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە قاتىستى جاقتاردىڭ جاۋاپتى جولداستارى ساباق باستاۋ سالتىنا سىرتتاي قاتىناستى.

كەلۋ قاينارى: حالىق تورابى