شي جينپيڭ تەلەگرامما جولداپ، كامبودجانىڭ پاتشاسى سيحامونيدىڭ تاققا وتىرعاندىعىنىڭ 20 جىلدىعىن قۇتتىقتادى

شينحۋا اگەنتتىگى، 10 - ايدىڭ 29 - كۇنى، بەيجيڭ. 10 - ايدىڭ 29 - كۇنى مەملەكەت ءتوراعاسى شي جينپيڭ كامبودجانىڭ پاتشاسى سيحامونيعا تەلەگرامما جولداپ، ونىڭ تاققا وتىرعاندىعىنىڭ 20 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: سيحاموني پاتشا تاققا وتىرعاننان بەرى كامبودجانىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە، حالىقارالىق بارىس - كەلىسىنە ماڭىزدى ۇلەس قوسىپ، جۇڭگو مەن كامبودجانىڭ ءداستۇرلى دوستىعىن ساۋلەلەندىرۋگە ۇزاق ۋاقىت كۇش سالدى. ءبىزدىڭ بىرگە جەتەكشىلىك ەتۋىمىزدە، جۇڭگو - كامبودجا تاعدىرلاس ورتاق تۇلعاسى جوعارى ساپالى، جوعارى دەڭگەيلى، جوعارى ولشەمدى جاڭا داۋىرگە ءوتتى، ”گاۋھاردىڭ التى جاعى“ سەلبەستىك جۇلگەسى ۇزدىكسىز تەرەڭدەپ، ناقتىلانىپ، ”ونەركاسىپتى دامىتۋ ءدالىزى“ جانە ”بالىق، كۇرىش ءدالىزى“ قۇرىلىسىندا بەلسەندى ىلگەرىلەۋشىلىككە قول جەتكىزىلىپ، ”جۇڭگو - كامبودجا گۋمانيتارلىق اۋىس - كۇيىس جىلى“ دابىرالى وتكىزىلىپ، ەكى ەل حالىقتارىنا ناقتى پايدا جەتكىزدى.

شي جينپيڭ بىلاي دەپ باسا دارىپتەدى: جۇڭگو مەن كامبودجا − راقاتتا دا، بەينەتتە دە بىرگە بولاتىن، ءبىر - بىرىنە قارايلاساتىن اينىماس دوستار. مەن جۇڭگو - كامبودجا قارىم - قاتىناسىنىڭ دامۋىنا ايرىقشا ءمان بەرەمىن، كامبودجا پاتشا اۋلەتىمەن ءداستۇرلى دوستىقتى توتەنشە قاستەرلەيمىن، سيحاموني پاتشامەن بىرگە قۇلشىنىپ، ەكى ەل قارىم - قاتىناسىنا ستراتەگيالىق جەتەكشىلىكتى كۇشەيتىپ، جۇڭگو - كامبود تاعدىرلاس ورتاق تۇلعاسى قۇرىلىسىنىڭ اناعۇرلىم مول جەمىس بەرۋىن ىلگەرىلەتۋدى قالايمىن.

كەلۋ قاينارى: حالىق تورابى