تۋراشىلدىقتان اينىماي جاڭالىق اشۋ − رەفورمانى ونان ارى جاپپاي تەرەڭدەتۋدە، ءسوز جوق، مىقتاپ يگەرەتىن، باستان - اياق تاباندى بولاتىن كەلەلى پرينسيپ

تۋراشىلدىقتان اينىماۋ جانە جاڭالىق جاراتۋ ديالەكتيكالىق بىرلىككە يە، تۋراشىلدىقتان اينىماعاندا عانا جاڭالىق جاراتۋدىڭ باستان - اياق دۇرىس بەتالىسپەن العا باسۋىنا كەپىلدىك ەتۋگە بولادى، تەك ۇزدىكسىز جاڭالىق جاراتقاندا عانا دۇرىس جولدان جازباۋعا بولادى. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ: ”تۋراشىلدىقتان اينىماي جاڭالىق اشۋ − رەفورمانى ونان ارى جاپپاي تەرەڭدەتۋدە، ءسوز جوق، مىقتاپ يگەرەتىن، باستان - اياق تاباندى بولاتىن كەلەلى پرينسيپ“ دەپ باسا دارىپتەدى، ”جۇڭگوشا سوتسياليستىك ءتۇزىمدى ۇزدىكسىز كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى رەفورما باس نىساناسىنا تاباندى بولىپ، قاي - قاشان دا باس نىسانا نۇسقاعان بەتالىسپەن العا ىلگەرىلەۋ كەرەك“ دەپ اتاپ كورسەتتى.

ءبىزدىڭ رەفورمامىزدىڭ باعىتى، پرينسيبى بار. نەنى وزگەرتۋدە، نەنى وزگەرتپەۋدە، قاي جەرىن وزگەرتۋدە، قالاي وزگەرتۋدە باستان - اياق وي - سانانى سەرگەك ۇستاپ، ساياسيدا اڭعارلى ادام بولۋ كەرەك.

باس شۋجي شي جينپيڭ بىلاي دەپ باسا دارىپتەدى: ”پارتيانىڭ جاپپاي باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزم جولىنا تاباندى بولۋ، حالىق دەموكراتياسى ديكتاتۋراسىنا تاباندى بولۋ، قوعامنىڭ ادىلدىگىن، تۋراشىلدىعىن جەبەۋدى، حالىقتىڭ قۇت - ىرىسىن ارتتىرۋدى شىعار ءتۇيىن جانە تابان تىرەر تياناق ەتۋ كەرەك، وسىنىڭ بارلىعى ءتۇبىردى مەڭگەرگەندىك، بەتالىستى مەڭگەرگەندىك، ۇزاق بولاشاقتى مەڭگەرگەندىك، ول پارتيانىڭ سيپاتى مەن باس ماقساتىن ايگىلەيدى، ەلىمىزدىڭ مەملەكەت جاعدايىنا ۇيلەسەدى، حالىقتىڭ ءتۇبىرلى مۇددەسىنە ۇيلەسەدى، ءارقانداي كەزدە، ءارقانداي جاعدايدا ودان تيتتەي دە اۋىتقۋعا بولمايدى“. مىنانى تەرەڭ تانۋىمىز كەرەك: ءبىز ارينە، رەفورما تۋىن بيىك ۇستاۋىمىز كەرەك، ءبىراق ءبىزدىڭ رەفورمامىز − جۇڭگوشا سوتسياليزم جولىندا ۇزدىكسىز العا باسقان رەفورما. تۇيىقتالعان، قاتىپ - سەمگەن كونە سۇردەكپەن دە، تۋدى وزگەرتەتىن تەرىس جولمەن دە جۇرمەيمىز، وزگەرتۋگە تيىستىلەرىن باتىل وزگەرتىپ، وزگەرتپەۋگە تيىستىلەرىن وزگەرتپەگەندە عانا رەفورمانىڭ دۇرىس بەتالىسپەن، نىق قاداممەن الىسقا جەتۋىنە كەپىلدىك ەتۋگە بولادى.

پارتيانىڭ وزەكتى مىندەتىن ارقاۋ ەتە وتىرىپ رەفورمانى جوبالاۋ جانە ىلگەرىلەتۋ − رەفورمادا تابىسقا جەتۋدەگى ماڭىزدى تاجىريبە. رەفورمانى ونان ارى جاپپاي تەرەڭدەتۋدە، ءسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى نەگىزگى تاقىرىپتى مىقتاپ ارقاۋ ەتە وتىرىپ ورىستەتۋ كەرەك. جۇڭگو ۇلگىسىندەگى وسىزامانداندىرۋدى ىلگەرىلەتۋ − شىت جاڭا ءىس، جاپالىلىعى مەن كۇردەلىلىگى بۇرىن بولىپ كورمەگەن العا باسۋ جولىندا، ءسوز جوق، ءتۇرلى قايشىلىقتار مەن حاۋىپ – قاتەرگە جانە سىن - سايىسقا تاپ بولامىز. ايبىندى جوبانى تاماشا رەالدىققا اينالدىرۋدىڭ نەگىزى رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەرگى بولاتىن يدەيالىق كوزقاراستار مەن تۇزىلىستىك، مەحانيزمدىك كىناراتتاردى باتىل الاستاپ، رەفورما جاساپ، جاڭالىق اشۋ ارقىلى ىستەرىمىزدىڭ دامۋىن ىلگەرىلەتۋدە، مۇندا قايىققا بەلگى سالىپ قانجار ىزدەۋگە، الما پىس، اۋزىما ءتۇس دەپ قاراپ وتىرۋعا، استە، بولمايدى. ءبىز العان بەتىنەن قايتپايتىن جىگەر جانە باتىلدىقپەن ءداۋىر دامۋىنىڭ جاڭا اۋقىمىنا، امالياتتىق دامۋدىڭ جاڭا تالابىنا، حالىق بۇقاراسىنىڭ جاڭا تىلەگىنە سايكەسىپ، ەكونوميكالىق ءتۇزىلىس رەفورماسى سىندى ءتۇيىندى كورنەكتىلەندىرىپ، ءار جاقتاعى رەفورمانى جاپپاي سايكەستى ىلگەرىلەتىپ، نازاريادا، امالياتتا، تۇزىمدە، مادەنيەتتە، سونداي - اق باسقا جاقتاردا جاڭالىق اشۋدى زور كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋدى قۇدىرەتتى قوزعاۋشى كۇشپەن جانە تۇزىممەن قامتاماسىز ەتۋىمىز كەرەك.

ەكونوميكالىق ءتۇزىلىس رەفورماسى − رەفورمانى جاپپاي تەرەڭدەتۋدىڭ ءتۇيىنى ءارى رەفورمانى ونان ارى جاپپاي تەرەڭدەتۋدىڭ جەتەكشىسى. پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە: ”بازاردىڭ بايلىقتى ورنالاستىرۋدا شەشۋشى رول اتقارۋىنا مۇمكىندىك جاساۋ جانە ۇكىمەتتىڭ رولىن اناعۇرلىم ويداعىداي ساۋلەلەندىرۋ“ جاسامپازدىقپەن ورتاعا قويىلعاننان پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋدى كورنەكتى ورىنعا قويىپ، ”ەكىدەن استە اۋىتقىماۋعا“ تاباندى بولىپ جانە ونى تياناقتاندىرىپ، مەملەكەت بويىنشا بىرلىككە كەلگەن ءىرى بازار قۇرۋ سياقتى ماڭىزدى رەفورما شارالارىن ورتاعا قويۋعا دەيىن، اماليات جاڭا داۋىردە رەفورمانى جاپپاي تەرەڭدەتۋ باستان - اياق سوتسياليستىك بازار شارۋاشىلىعى رەفورماسىنىڭ بەتالىسىنا تاباندى بولعاندىعىن تولىق دالەلدەدى. جاڭا جورىقتا ماڭىزدى ءتۇيىندى ۇزدىكسىز كورنەكتىلەندىرىپ، ۇكىمەت پەن بازاردىڭ قاتىناسى سىندى وزەكتى ماسەلەنى ويداعىداي شەشىپ، ەلىمىزدىڭ نەگىزگى ەكونوميكالىق تۇزىمىنە تاباندى بولىپ جانە ونى دامىتىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن جەدەل ورناتىپ، قوعامدىق وندىرگىش كۇشتەردى ۇزدىكسىز ازات ەتىپ جانە دامىتىپ، قوعامنىڭ ومىرشەڭدىك كۇشىن تاسقىنداتىپ جانە كۇشەيتىپ، وندىرىستىك قاتىناس پەن وندىرگىش كۇشتىڭ، قوندىرما مەن بازيستىڭ، مەملەكەتتى باسقارۋ مەن قوعامنىڭ دامۋىنىڭ اناعۇرلىم ويداعىداي سايكەسۋىن ىلگەرىلەتۋ كەرەك.

جۇڭگو ۇلگىسىندەگى وسىزامانداندىرۋدىڭ مازمۇنى توتەنشە باي، رەفورمانى ونان ارى جاپپاي تەرەڭدەتۋ دە، ءسوز جوق، جان - جاقتى بولادى. جاڭا داۋىردەن بەرى جالپى بارىستىق حالىق دەموكراتياسى ءتۇزىم جۇيەسىن اقاۋسىزداندىرىپ، سوتسياليستىك كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتۋدەن ءادىليا ءتۇزىلىسىنىڭ جالپىلىق سايكەستى رەفورماسىن تەرەڭدەتىپ، ءادىليالىق جاۋاپكەرلىك ءتۇزىمىن جاپپاي دۇرىس تياناقتاندىرۋعا دەيىن، ونان ەكولوگيالىق وركەنيەت ءتۇزىلىسى رەفورماسىن تەرەڭدەتىپ، ەكولوگيالىق وركەنيەت قۇرىلىسىن تۇزىمدەندىرۋ، زاڭمەن باسقارۋ ارناسىنا تۇسىرۋگە دەيىن... ءتۇرلى سالاداعى رەفورما ورنىقتى ىلگەرىلەپ، كورنەكتى ناتيجەگە قول جەتتى. جالپى ءماجىلىس «قاۋلىسى» ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ اياسىندا رەفورما شارالارىن جوبالادى جانە ورنالاستىردى، وندا ەكونوميكا، دەموكراتيا، زاڭمەن باسقارۋ، مادەنيەت، قوعام، ەكولوگيالىق وركەنيەت، مەملەكەت حاۋىپسىزدىگى، مەملەكەت قورعانىسى جانە ارميا قۇرىلىسى سياقتى جاقتارداعى ءتۇزىلىس، مەحانيزمدە جاڭالىق اشۋ جانە پارتيا قۇرىلىسى ءتۇزىمى رەفورماسى قامتىلدى. ءبىز جاپپاي دايەكتىلەندىرىپ، تياناقتاندىرىپ، جاپپاي سايكەستى ىلگەرىلەتىپ، جالپى تۇلعالىق ونىمدىلىك قالىپتاستىرۋعا كۇش سالۋىمىز كەرەك.

ءبىز بۇرىنعىلار ىستەپ كورمەگەن ۇلى ىسپەن شۇعىلدانىپ وتىرمىز، جۇرگەنىمىز دۇرىس جول، باسقانىمىز داڭعىل جول. جولدى وزگەرتپەيتىن، مۇراتتان اينىمايتىن قۇدىرەتتى ۇستامدىلىقتى ساقتاپ، جاڭالىق اشۋعا باتىلدىق ەتەتىن، باتىلدىقپەن قامال الاتىن جىگەردى تاسقىنداتىپ، رەفورمانىڭ ۇزدىكسىز تىڭ تابىستارعا قول جەتكىزۋىن ىلگەرىلەتكەندە عانا، ءسوز جوق، ەلىمىزدىڭ دامۋ، العا باسۋ تاعدىرىن ءوز قولىمىزدا بەرىك ۇستاپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتىپ، بوگەتتەردى بۇزىپ، العان بەتتەن قايتپايتىن بولامىز.

كەلۋ قاينارى: حالىق تورابى