جاۋ لىجي زامبيا حالىقتىق پارلامەنتىنىڭ باستىعى مۋتيمەن كەڭەس وتكىزدى

شينحۋا اگەنتتىگى، 10 - ايدىڭ 30 – كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 10 - ايدىڭ 30 – كۇنى تۇستەن كەيىن حالىق سارايىندا زامبيا حالىقتىق پارلامەنتىنىڭ باستىعى مۋتيمەن كەڭەس وتكىزدى.

جاۋ لىجي بىلاي دەدى: بيىل 9 - ايدا ءتوراعا شي جينپيڭ حيچيلەما زۇڭتۇڭمەن جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى كەزىندە تابىستى ديدارلاسىپ، ەكى ەل قارىم - قاتىناسىنىڭ بولاشاقتاعى دامۋى جونىندە ماڭىزدى ستراتەگيالىق جەتەكشىلىك جاسادى. كەشە ەكى ەل مەملەكەت باسشىلارى ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن قۇتتىقتادى. جۇڭگو جاق زامبيا جاقپەن بىرگە، ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرىپ، ديپلوماتيالىق قارىم - قاتىناس ورناتۋدىڭ 60 جىلدىعىن وراي ەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتۋدى زامبيا جاقتىڭ ”مەملەكەتتى دامىتۋ 8 - جوباسىمەن“ تىعىز ۇشتاستىرىپ، ەكى ەلدىڭ ءداستۇرلى دوستىعىن جانە جان - جاقتى ناقتى ىستەر سەلبەستىگىن ۇزدىكسىز تەرەڭدەتىپ، جۇڭگو مەن زامبيانىڭ اناعۇرلىم تىعىز تاعدىرلاس ورتاق تۇلعاسىن قول ۇستاسا قۇرۋدى قالايدى.

جاۋ لىجي مىنالاردى ءبىلدىردى: جۇڭگو مەن زامبيانىڭ زاڭ شىعارۋ قۇرىلىمدارىنىڭ اۋىس - كۇيىسى، سەلبەستىگى − ەكى ەلدىڭ دوستىق قارىم - قاتىناسىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى زامبيا حالىقتىق پارلامەنتىمەن بىرگە كوپ ساتىلى، كوپ سالالى اۋىس - كۇيىستى، بارىس - كەلىستى ۇزدىكسىز كۇشەيتىپ، جۇڭگو مەن زامبيانىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ دامۋىنا ۇلەس قوسۋدى قالايدى. ساياسي سەنىمدىلىكتى ۇزدىكسىز تەرەڭدەتىپ، ەكى ەل قارىم - قاتىناسىنىڭ ساياسي نەگىزىن ونان ارى بەكەمدەۋ كەرەك. زامبيا جاقتىڭ جۇڭگونىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە جۇڭگو جاقتى باتىل قولداعاندىعىنا العىس ايتامىن. زاڭ شىعارۋ قۇرىلىمدارىنىڭ فۋنكتسيالىق مىندەتىن تياناق ەتىپ، ناقتى سەلبەستىكتى كەڭەيتۋگە دەم بەرىپ، ساياساتتىق ينفورماتسيا، زاڭ، زاڭدىق ەرەجە سياقتى جاقتارداعى تىلدەسۋدى، سايكەسۋدى ويداعىداي ىستەپ، قاتىستى زاڭدىق قۇجاتتاردى شىعارۋدى جانە وعان وزگەرىس ەنگىزۋدى ىلگەرىلەتىپ، ناقتى سەلبەستىكتى زاڭدىق كەپىلمەن قامداۋ كەرەك. زامبيا حالىقتىق پارلامەنتىنىڭ تانزانيا، زامبيا تەمىر جولىنىڭ بازارلانعان نىساندارىنا كوڭىل ءبولۋىن جانە قولداۋ كورسەتۋىن ءۇمىت ەتەمىن. حالىقارالىق سەلبەستىكتى بەلسەنە ىلگەرىلەتىپ،ءار ەل پارلامەنتتەرى وداعى سياقتى كوپ جاقتى مەحانيزمدەگى سايكەسۋدى، سەلبەسۋدى جيىلەتىپ، حالىقارالىق كوپ جاقتى قۇرىلىمدار رەفورماسى، كليمات وزگەرىسىنە توتەپ بەرۋ سياقتى ماسەلەلەردە تىلدەسۋدى، سايكەسۋدى كۇشەيتىپ، ناعىز كوپ جاقتىلىقتى قول ۇستاسا امالياتتا ايگىلەۋ كەرەك. جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن بىرگە ويداعىداي تياناقتاندىرىپ، باسشىلار ءماجىلىسى العا قويعان ارەكەت جوسپارى مەن سەلبەستىك شارالارى بويىنشا، قاتىستى قىزمەتتەردى تىڭعىلىقتى، ورنىقتى ىلگەرىلەتىپ، العاشقى ناتيجەگە قول جەتكىزۋگە شىنايى كەپىلدىك ەتۋ كەرەك.

مۋتي مىنالاردى ءبىلدىردى: جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن جانە زامبيا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن قۇتتىقتايمىن. ەكى ەل مەملەكەت باسشىلارىنىڭ جەتەكشىلىگىندە، زامبيا - جۇڭگو قارىم - قاتىناسى جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرىلدى. جۇڭگو باستان – اياق زامبيا جاقتا تۇرىپ كەلەدى، سەنىمدى جاقسى سەرىگىمىز. ەكى جاقتىڭ ەكونوميكا - ساۋدا ، قارجى قوسۋ، ەنەرگيا، نەگىزدىك قۇرىلعى قۇرىلىسى سياقتى سالالارداعى سەلبەستىگىن ۇزدىكسىز تەرەڭدەتۋدى ءۇمىت ەتەمىز. زامبيا حالىقتىق پارلامەنتى جۇڭگو مەملەكەتتىك حالىق قۇرىلتايىمەن دوستىق قارىم – قاتىناستى كۇشەيتىپ، ەكى جاق دوستق گرۋپپاسىنىڭ رولىن ونان ارى ساۋلەلەندىرىپ، ءار ەل پارلامەنتتەرى وداعى سياقتى كوپ جاقتى ورتاداعى تىلدەسۋدى، سەلبەستىكتى كۇشەيتىپ، زامبيا - جۇڭگو قارىم – قاتىناسىنىڭ ىشكەرىلەي دامۋىن ىلگەرىلەتۋ ءۇشىن زاڭ شىعارۋ ورگاندارىنىڭ رولىن ويداعىداي ساۋلەلەندىرەدى.

ساي دافىڭ كەڭەسكە قاتىناستى.

كەلۋ قاينارى: حالىق تورابى