ينتەرنەت ارقىلى باعاسىن سالىستىرۋعا بولادى! 29 ولكەدە بەلگىلەنگەن ءدارى – دارمەك دۇكەندەرىندەگى ءدارى – دارمەكتىڭ باعاسىن سالىستىراتىن يقۋات ىسكە قوسىلدى 

شينحۋا اگەنتتىگىنىڭ ءتىلشىسى شۇي پىڭحاڭ 2 – ايدىڭ 20 – كۇنى بەيجيڭنەن حابارلايدى. ءتىلشىنىڭ 2 - ايدىڭ 20 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنشا، قازىرگە دەيىن، بۇكىل ەلىمىز بويىنشا 29 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانى بەلگىلەنگەن ءدارى – دارمەك دۇكەندەرىندەگى ءدارى – دارمەكتەردىڭ باعاسىن ينتەرنەت ارقىلى سالىستىراتىن يقۋات ىسكە قوسىلعان، ءدارى - دارمەكتەردىڭ باعاسىن قول تەلەفون ارقىلى ءبىر كنوپكامەن سۇراستىرۋعا، سول ۋاقىتتاعى باعاسىن سالىستىرىپ كورۋگە جانە دۇكەننىڭ ورنىن جولجەتەكپەن ىزدەۋگە بولادى.

شانشي ولكەلىك ەمدەۋدى قامتاماسىزداندىرۋ تاراۋلارى ”ءدارى – دارمەكتەردىڭ باعاسىن سالىستىرۋ“ يقۋاتىن ينتەرنەتكە شىعارعان سوڭ، قامسىزداندىرۋعا قاتىناسقانداردىڭ ءدارى – دارمەك ساتىپ الۋىنا كەتەتىن قاراجات شامامەن %10 تەن % 15كە دەيىن تومەندەيدى؛ حىبەي ولكەلىك ەمدەۋدى قامتاماسىزداندىرۋ تاراۋلارى بەلگىلەنگەن ءدارى – دارمەك دۇكەندەرىندەگى ءدارى – دارمەكتەردىڭ باعاسىن سالىستىراتىن جۇيە مەن بەلگىلەنگەن ءدارى - دارمەك دۇكەندەرىندەگى ءدارى - دارمەكتەردىڭ باعاسىنداعى وزگەرىستى ەسكەرتەتىن يقۋاتتى اشىپ، ءدارى – دارمەكتەردىڭ باعاسىنداعى پارقى ءبىرشاما زور بولعان، باعاسى كورنەكتى جوعارى بولعان جاعدايدا تۇزەتۋگە بۇيىرادى... بۇكىل ەلىمىزدەگى كوپ جەردەگى ەمدەۋدى قامتاماسىزداندىرۋ تاراۋلارى ”باعا سالىستىرۋ اسپابىن“ ينتەرنەتكە شىعارىپ، ەگجەي ـ تەگجەيلى ەسەپتەۋ ادىسىنەن پايدالانىپ، قامسىزداندىرۋعا قاتىناسقان جۇرتشىلىقتىڭ جوعارى ونىمدىلىكپەن ءدارى - دارمەك ساتىپ الۋىنا كومەكتەستى.

”باعا سالىستىرۋ اسپابىن“ قالاي قولدانۋعا بولادى؟ حۋبەي ولكەسىن مىسالعا الساق، ”حۋبەيدە ەمدەۋدى قامتاماسىزداندىرۋ“ اتتى ۋيشين نەمەسە جىفۋباۋ شاعىن پروگرامماسى ارقىلى ”بەلگىلەنگەن ءدارى – دارمەك دۇكەندەرىندەگى ەمدەۋدى قامسىزداندىرۋ كولەمىندەگى ءدارى - دارمەكتەردىڭ باعاسىن سالىستىرىپ تەكسەرۋ“ يقۋاتىنا كىرىپ، ساتىپ الماقشى بولعان ءدارى - دارمەكتەردى تاڭداپ، ”بولشەك ساتاتىن ءدارىحانالار“ دەگەن جەردى باسساڭىز، باعاسى، ارالىعى قاتارلى شارت - جاعدايلار بويىنشا جوعارى – تومەن ءتارتىبىن رەتكە تۇرعىزىپ، ۇقساس ءبىر ءتۇرلى ءدارى - دارمەكتىڭ ۇقساماعان ءدارى دۇكەندەرىندەگى باعا پارقىن سالىستىرۋعا بولادى، سونداي - اق ءوزىڭىز تاڭداعان ءدارى دۇكەندەرىنە تىكەلەي جول نۇسقايدى.

كەلۋ قاينارى: حالىق تورابى