لي چياڭ مەملەكەتتىك كەڭەستىڭ 12 - رەتكى ارناۋلى ۇيرەنۋىن باسقاردى

شينحۋا اگەنتتىگى، 2 - ايدىڭ 20 – كۇنى، بەيجيڭ. 2 - ايدىڭ 20 – كۇنى مەملەكەتتىك كەڭەس ”تۇتىنۋدى جەبەۋ مەن حالىق تۇرمىسىنا تيىمدىلىك جاساۋدى ۇشتاستىرۋعا تاباندى بولىپ، تۇتىنۋدى بارىنشا سەرپىلتىپ، ىشكى سۇرانىستى ۇلعايتۋدى“ نەگىزگى تاقىرىپ ەتىپ، 12 - رەتكى ارناۋلى ۇيرەنۋ وتكىزدى. مەملەكەتتىك كەڭەستىڭ زۇڭليى لي چياڭ ۇيرەنۋدى باسقارعاندا بىلاي دەپ باسا دارىپتەدى: باس شۋجي شي جينپيڭ مەن پارتيا ورتالىق كوميتەتىنىڭ ىشكى سۇرانىستى كەڭەيتۋ جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ورتاق تانىمدى ونان ارى ۇيىستىرىپ، وي جەلىسىن كەڭەيتىپ، ەكونوميكالىق ساياساتتىڭ كۇش سالۋ ءتۇيىنىن حالىق تۇرمىسىنا تيىمدىلىك جاساۋعا، تۇتىنۋدى جەبەۋگە كوبىرەك ويىستىرىپ، اناعۇرلىم زور تەبىنمەن جانە اناعۇرلىم دالمە - ءدال شارالارمەن تۇتىنۋدى سەرپىلتىپ، تۇتىنۋدىڭ ەكونوميكانىڭ دامۋىنداعى نەگىزدىك رولىن ۇزدىكسىز كۇشەيتۋ كەرەك.

شاڭحاي قازىنا - ەكونوميكا داشۋەسىنىڭ باستىعى ليۋ يۋانچۇن تۇسىنىك جاسادى. مەملەكەتتىك كەڭەس زۇڭليىنىڭ ورىنباسارلارى ديڭ شۋەشياڭ، حى ليفىڭ، مەملەكەتتىك كەڭەستىڭ مۇشەسى چىن ي - چين پىكىر اۋىستىرىپ ءسوز سويلەدى.

لي چياڭ لەكسيا مەن اۋىس - كۇيىس ءسوزىن تىڭداعاننان كەيىن بىلاي دەپ اتاپ كورسەتتى: ىشكى اينالىمنىڭ بولۋى، ىشكى سۇرانىمنىڭ جەتەكشى بولۋى − ءىرى ەل ەكونوميكاسىنىڭ وزگەشە باسىمدىعى. تۇتىنۋدى سەرپىلتۋ − قازىرگى ىشكى سۇرانىمدى ارتتىرۋدىڭ، ارتۋدى ورنىقتىرۋدىڭ ماڭىزدى تۇتقاسى ءارى ورتا، ۇزاق مەرزىمدىك دامۋ تاسىلىندە بۇرىلىس جاساۋدىڭ ماڭىزدى شاراسى. تۇتىنۋدى اناعۇرلىم كورنەكتى ورىنعا قويىپ، تۇتىنۋدى سەرپىلتۋگە سۇيەنىپ، ىشكى سۇرانىمدى كەڭەيتىپ، ەكونوميكالىق اينالىمدى ىركىلىسسىزدەندىرىپ، ەكونوميكانىڭ ارتۋىن جەبەۋ كەرەك. تۇتىنۋ قابىلەتىن ءتۇرلى ءادىس - امالمەن ارتتىرىپ، تۇتىنۋدى جەبەۋدىڭ اناعۇرلىم ءونىمدى ساياساتىن قولدانىپ، تۇتىنۋعا تۇساۋ بولاتىن كەدەرگىلەردى الاستاپ، تۇتىنۋ ورتاسىن كۇش سالا ساپالىلاندىرىپ، تۇتىنۋ ارقىلى قارجى قوسۋعا جەتەكتەيتىن، كاسىپ سالاسىنىڭ دارەجەسىن جوعارىلاتۋعا جەتەكتەيتىن، جۇمىستانۋ ارقىلى كىرىستى ارتتىرۋعا جەتەكتەيتىن تىزبەكتى قۇلشىنا اشۋ كەرەك.

لي چياڭ بىلاي دەپ اتاپ كورسەتتى: تۇرعىنداردىڭ قاجەتىن تىعىز ارقاۋ ەتىپ، ەلىمىزدىڭ وراسان زور تۇتىنۋ كومەسكى كۇشىن تولىق اشۋ كەرەك. قىزمەت وتەۋ تۇتىنۋىن زور كۇشپەن جەبەپ، وقۋ - اعارتۋ، ەمدەۋ، مادەنيەت، دەنە تاربيە، ساياحات، زەينەتكەرلىك، وتباسىلىق قىزمەت وتەۋ سياقتى سالالارداعى قامداۋ دەڭگەيىن جاپپاي جوعارىلاتۋ، اسىرەسە، حالىق سانىنىڭ قارتتانۋىنا توتەپ بەرۋ، اۋىل شارۋاشىلىعىنان اۋىسقان حالىقتىڭ قالا تۇرعىنىنا اينالۋىن ىلگەرىلەتۋ سياقتى ماڭىزدى تۇيىندەردى ارقاۋ ەتىپ، سايكەستى قىزمەت وتەۋدەگى ولقىلىقتاردى جەدەل تولىقتاۋ كەرەك. عىلىم - تەحنيكالىق تۇتىنۋدى زور كۇشپەن جەبەپ، ەلىمىزدىڭ قولدانىس ورتاسى مول، تەحنيكالاردىڭ جاڭالانۋ قابىلەتى كۇشتى بولۋ سياقتى ارتىقشىلىقتارىنان ويداعىداي پايدالانىپ، جاساندى زەردە تەحنيكاسىن جالپىلاستىرۋدى جەدەلدەتىپ، جاساندى زەردەنىڭ تەرمينالدىق ونىمدەرى سياقتى تۇتىنۋ كومەسكى كۇشىن ىسكە قوسۋ كەرەك. بازار تۇتىنۋىن بارىنشا جەبەپ، ەلىمىزدىڭ وراسان زور حالىق سانى نەگىزدىك سانىن تياناق ەتىپ، كوپ نەگىزدەنۋ، پارىقتى بولۋ بەتالىسىنا سايكەسىپ، اناعۇرلىم كوپ ەگجەي - تەگجەيلى سالادا ساپالى ونىمدەر مەن قىزمەت وتەۋدى اشىپ، جاڭا تۇتىنۋ قاجەتىن تاسقىنداتۋ كەرەك.

لي چياڭ بىلاي دەپ باسا دارىپتەدى: تۇتىنۋدى سەرپىلتۋدە اۋرۋىنا قاراي ءدارى بەرىپ، ءبىر تۇتاس شارا قولدانىپ، ساياساتتىڭ ونىمدىلىگىن ونان ارى جوعارىلاتىپ، رەفورمانىڭ ونىمدىلىگىن ساۋلەلەندىرۋ كەرەك. ءتۇيىندى كورنەكتىلەندىرىپ، ساياساتتىق قولداۋدى كۇشەيتىپ، باعالى ساياسات بايلىعىن قوزعاۋشى كۇشكە اينالاتىن، جەتەكشىلىك سيپاتى كۇشتى سالالارعا كوبىرەك جۇمساپ، ساياسات قۇرالدارىندا جاڭالىق اشۋعا شەبەر بولىپ، بازار كۇشتەرىنىڭ تۇتىنۋدى ارتتىرۋىن اناعۇرلىم ويداعىداي ساۋلەلەندىرۋ كەرەك. رەفورمانىڭ قامال الۋ ءتۇيىنىن ءداپ باسىپ تاۋىپ، تۇتىنۋدىڭ ۇيلەسىمسىز شەكتەمەلەرىن اداقتاپ، قاتىستى سالالاردىڭ بازارعا كىرۋ رۇقساتىن ونان ارى كەڭەيتىپ، جوعارى ساپالى تۇتىنۋ جاعىنداعى قامداۋدى ارتتىرىپ، جاڭادان گۇلدەنگەن تۇتىنۋدى دامۋ بارىسىندا ارناعا ءتۇسىرىپ باقىلاۋ ـ باسقارۋ كەرەك. قولداۋ ساياساتى مەن رەفورما شارالارىن سايكەستىرىپ، ءار جاقتىڭ بەلسەندىلىگىن جۇمىلدىرىپ، تۇتىنۋدى جەبەيتىن بىرىككەن كۇش قالىپتاستىرۋ كەرەك.

كەلۋ قاينارى: حالىق تورابى