قوعامدىق قىزمەت ءبولىم باستىقتارىنىڭ مەملەكەتتىك ءماجىلىسى بەيجيڭدە اشىلدى

«حالىق گازەتى»، 2 - ايدىڭ 20 – كۇنى، بەيجيڭ (ءتىلشى جاۋ بيڭ). قوعامدىق قىزمەت ءبولىم باستىقتارىنىڭ مەملەكەتتىك ءماجىلىسى 2 - ايدىڭ 20 – كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، قوعامدى جونگە سالۋدىڭ جۇڭگوشا سوتسياليستىك جولىنان اۋىتقىماي، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانۋشىلار شوعىرىنىڭ پارتيا قۇرىلىسىن كورنەكتى تۇردە مىقتى يگەرۋ، پارتيا قۇرىلىسىنىڭ نەگىزگى ساتىنى جونگە سالۋعا جەتەكشىلىك ەتۋىن جانە نەگىزگى ساتىنىڭ بيلىك قۇرىلىسىن مىقتى يگەرۋ، بۇقارانى ۇيىستىرۋ، بۇقاراعا قىزمەت وتەۋ قىزمەتىن مىقتى يگەرىپ، ءتۇزىلىس، مەحانيزمدى اقاۋسىزداندىرىپ، جالپى تۇلعالىق ونىمدىلىكتى جوعارىلاتىپ، جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋمەن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ ۇلەس قوسۋ كەرەك.

ساي چي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى قوعامدى جونگە سالۋ قىزمەتىنە ايرىقشا ءمان بەرىپ، قوعامدى جونگە سالۋدىڭ جۇڭگوشا سوتسياليستىك جولىن ايقىن العا قويىپ، ءبىرسىپىرا ماڭىزدى ورنالاستىرۋ جاسادى، ءبىز دايەكتىلەندىرۋدى، تياناقتاندىرۋدى مۇقيات يگەرۋىمىز كەرەك.

ساي چي بىلاي دەپ باسا دارىپتەدى: پارتيانىڭ باسشىلىعىنا تاباندى بولىپ جانە ونى كۇشەيتىپ، حالىقتى وزەك ەتۋگە تاباندى بولىپ، قوعامدىق اينالىم زاڭدىلىعى مەن جونگە سالۋ زاڭدىلىعىن اناعۇرلىم ويداعىداي يگەرىپ، قوعامدىق جونگە سالۋدىڭ وسىزاماندانۋىن ۇزدىكسىز ىلگەرىلەتۋ كەرەك. يدەيالىق - ساياسي جەتەكشىلىكتى كۇشەيتىپ، پارتيانىڭ جاسامپاز نازارياسىمەن بۇقارانى تاربيەلەپ، قوعامعا جەتەكشىلىك ەتىپ، سوتسياليستىك وزەكتى قۇن كوزقاراسىمەن ادام تاربيەلەۋدى ىلگەرىلەتىپ، تۇتاس قوعامنىڭ العا باسۋعا، ىزگىلىككە تالپىناتىن وڭ ەنەرگياسىن قاۋلاتۋ كەرەك. تۇرلىشە قوعامدىق توپتاردى ارقاۋ ەتىپ، قامقورلىق جاساۋدى، قىزمەت وتەۋدى كۇشەيتىپ، ولار كوڭىل ءبولىپ وتىرعان ءىس جۇزىندىك ماسەلەلەردى كۇش سالا شەشۋ كەرەك. جاڭا داۋىردەگى ”فىڭچياۋ تاجىريبەسىنەنە تاباندى بولىپ جانە ونى دامىتىپ، قوعامدىق قايشىلىقتىڭ، حاۋىپ - قاتەردىڭ الدىن الۋدى جانە ونى جويۋدى ويداعىداي يگەرۋ كەرەك. بىرگە قۇرۋ، بىرگە جونگە سالۋ، بىرگە يگىلىكتەنۋ ۇستانىمىن امالياتتا ايگىلەپ، پىكىر - ۇسىنىستى تىڭداۋ ارناسىن ىركىلىسسىزدەندىرىپ، كوپشىلىكتىڭ ءىسىن كوپشىلىك اقىلداسىپ ءبىتىرىپ، ءار جاقتى قوعامدى جونگە سالۋعا بەلسەنە ات سالىسۋعا جەتەكتەۋ كەرەك.

ساي چي بىلاي دەپ باسا دارىپتەدى: قىزمەت ءتۇيىنىن كورنەكتىلەندىرىپ، بەلسەنە ىزدەنىس جاساپ، جاڭالىق اشىپ، قوعامدىق قىزمەتتى ءبىر تۇتاس جوسپارلاپ، ويداعىداي ىستەۋ كەرەك. پارتيانىڭ ۇيىمدىق جۇيەسىن اقاۋسىزداندىرىپ، پارتيانىڭ ۇيىمدىق قامتىمى مەن قىزمەت قامتىمىن كۇش سالا جوعارىلاتىپ، پارتيا ۇيىمى مەن پارتيا مۇشەلەرىنىڭ رولىن ءونىمدى ساۋلەلەندىرەتىن دانەكەر مەحانيزمى جونىندە ىزدەنىس جاساپ، جاڭادان گۇلدەنگەن سالالارداعى پارتيا قۇرىلىسى قىزمەتىندە تىڭ تابىستارعا قول جەتكىزۋدى ىلگەرىلەتۋ كەرەك. نەگىزگى ساتى پارتيا ۇيىمدارىنىڭ رولىن كۇشەيتىپ، نەگىزگى ساتىنىڭ بيلىك قۇرىلىسىن كۇشەيتىپ، نەگىزگى ساتىنى جونگە سالۋداعى الىنە قاراماي الەك بولۋ ماسەلەسىن شەشىپ جانە فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن ۇزدىكسىز ىلگەرىلەتىپ، پارتيا قۇرىلىسىمەن نەگىزگى ساتىنى جونگە سالۋدى جانە نەگىزگى ساتىنىڭ بيلىك قۇرىلىسىنا جەتەكشىلىك ەتۋدى ىلگەرىلەتۋدە تىڭ ناتيجەگە قول جەتكىزۋ كەرەك. حالىقتىق ارىز - ارمان، حالىقتىڭ ۇسىنىسىن جيناۋ، ەرىكتى قىزمەت وتەۋ سياقتى قىزمەتتەردى تىڭعىلىقتى ىستەپ، بۇقارانى ۇيىستىرۋ، بۇقاراعا قىزمەت وتەۋ قىزمەتىندە تىڭ ىلگەرىلەۋشىلىككە قول جەتكىزۋدى ىلگەرىلەتۋ كەرەك. ءار دارەجەلى پارتكومدار (پارتيا باسشىلىق گرۋپپالارى) ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن نىعايتىپ، قىزمەتتى قامتاماسىز ەتۋدى كۇشەيتىپ، قوعامدىق قىزمەت تاراۋلارىنىڭ وزىندىك قۇرىلىسىن كۇشەيتىپ، قوعامدىق قىزمەتتە ۇزدىكسىز جاڭا جاعداي اشۋى كەرەك.

كەلۋ قاينارى: حالىق تورابى