نەگىزگى ساتىنىڭ ۇنىنە قۇلاق اسىپ، ونەردى جوعارىلاتۋعا دەم بەردى (رەفورمانى تاعى دا تەرەڭدەتىپ، ەكپىندەي ىلگەرىلەۋدىڭ جاڭا ساپارى − ۋاكىلدەردىڭ، مۇشەلەردىڭ مىندەت وتەۋ حيكاياسى)

جياڭسۋ سۋجوۋ تايساڭ پورتىندا مەملەكەتتىك حالىق قۇرىلتايىنىڭ ۋاكىلى، سۋجوۋ پورت توبى تايساڭ ۋانفاڭ حالىقارالىق كەمەجاي شەكتى سەرىكتەستىگى قاقپا قىزمەتى توبىنىڭ ورىنباسار ۇلكەن بانجاڭى، اعا تەحنيك چۋ فىڭجىڭ ءبىرىنشى شەپتەگى مەڭگەرۋشىلەرمەن پىكىر اۋىستىرۋدا.

”ءبىز جۇمىس ونىمدىلىگىن جوعارىلاتۋمەن بىرگە، جۇمىسشى - قىزمەتكەرلەردىڭ شەبەرلىگىن وسىرۋگە دە نازار اۋدارۋىمىز كەرەك، اسىرەسە، جاڭا تەحنيكانى قولدانۋ جاعىندا“. ”جۇمىسشىلار اراسىنداعى تەحنيكالىق پارىق از ەمەس، كوپتەگەن جۇمىس شەبەرلىكتەرى مەن جاڭالىق اشۋ ادىستەرىن ءالى دە جالپىلاستىرۋعا تۋرا كەلەدى“. ەسىكتىڭ گۇرىلى ەستىلىپ تۇرعانىمەن، كوپشىلىكتىڭ اۋىس - كۇيىس ىنتاسىنا بوگەت بولا المادى.

”زەردەلىلەندىرىپ تيپتە بۇرىلىس جاساۋ بارىسىندا ونەركاسىپ جۇمىسشىلارىن شەبەرلىككە باۋلۋ مەن ورەسىن ءوسىرۋدى تەڭ جۇرگىزۋ كەرەك“. چۋ فىڭ بىلاي دەدى: بيىل كوكتەم مەرەكەسىنىڭ الدى - ارتىندا تايساڭ كەمەجايى مەن توڭىرەكتەگى كوپتەگەن پورت كاسىپورىندارىن ارالاپ، كاسىپ سالاسىنىڭ دامۋىنداعى كەدەرگىلەر مەن سۇرانىستاردى ۇعىسىپ، ونەركاسىپ جۇمىسشىلارى قوسىنى قۇرىلىسىنا بايلانىستى جاڭا وي جەلىسىن قاراستىردىم.

وسى جىلداردا چۋ فىڭ ونەركاسىپ جۇمىسشىلارىنىڭ دامۋىنا باستان - اياق نازار اۋدارىپ كەلدى. 2024 - جىلى مەملەكەتتىك ەكى ماجىلىستە چۋ فىڭ كاسىپورىنداردىڭ ونەركاسىپ جۇمىسشىلارى قوسىنى قۇرىلىسى رەفورماسىنا قاتىناسۋىنا دەم بەرۋ جونىندەگى ۇسىنىستى تاپسىردى: كاسىپورىنداردى اناعۇرلىم كوپ بايلىقتى جۇمىسشى - قىزمەتكەرلەردى تاربيەلەۋ مەن تەحنيكالىق كۋرستان وتكىزۋگە جۇمساۋعا شابىتتاندىرىپ، كاسىپورىنداردىڭ تاربيەلەۋ جاعىنداعى اۋىرتپالىعىن جەڭىلدەتۋ كەرەك، ت. ب. بۇل ۇسىنىستارعا قاتىستى تاراۋلار بەلسەنە ءۇن قوستى.

تەكسەرۋ - زەرتتەۋ بارىسىندا چۋ فىڭ كوپتەگەن كاسىپورىندا ونەرگە باۋلۋ جاعىندا تاربيەلەۋ بايلىعىنىڭ بىركەلكى بولماۋى، ءبىلىمنىڭ جەتكىزىلۋى ىركىلىسسىز بولماۋ سياقتى ماسەلەلەردىڭ ورىن تەۋىپ وتىرعانىن، اسىرەسە، حالىقتىق كاسىپورىندار مەن شاعىن كاسىپورىنداردا جۇمىسشى - قىزمەتكەرلەردى تاربيەلەۋ ورايى مەن ءوسىرۋ ارناسىنىڭ ءبىرشاما شەكتى ەكەنىن بايقادى. ”ونەركاسىپ جۇمىسشىلارى قوسىنىنىڭ جوعارى ساپالى دامۋىن شىن مانىندە جۇزەگە اسىرۋ ءۇشىن، تاعى دا شەبەرلىككە باۋلۋدىڭ جالپىلاسۋىن ونان ارى ىلگەرىلەتۋ كەرەك“. چۋ فىڭ بىلاي دەدى: ارناۋلى قور قۇرۋ ارقىلى كاسىپورىنداردىڭ تاربيەلەۋىنە كومەكتەسۋدى، سونىمەن بىرگە، كاسىپ سالاسى رەفورماسى مەن جۇمىسشى - قىزمەتكەرلەردىڭ جاڭالىق اشۋ قيمىلىنىڭ ىشكەرىلەي ۇشتاسۋىن ىلگەرىلەتىپ، جۇمىسشىلاردى ءىس جۇزىندىك ءوندىرىس بارىسىندا تەحنيكالىق جاڭالىق اشۋعا جانە جۇمىس ءتارتىبىن ساپالىلاندىرۋعا شابىتتاندىرىپ، ءوندىرىس ونىمدىلىگى مەن ءونىم ساپاسىن جوعارىلاتۋدى ءۇمىت ەتەمىن.

بيىل چۋ فىڭ ونەركاسىپ جۇمىسشىلارىنىڭ تەحنيكالىق قابىلەتىن جوعارىلاتۋعا ۇزدىكسىز نازار اۋدارۋمەن بىرگە، سالىق ساياساتىن، شابىتتاندىرۋ مەحانيزمىن قالاي كەمەلدەندىرۋ سياقتى جاقتاردا اناعۇرلىم ناقتى ۇسىنىستار قويىپ، ءتىپتى دە كوپ ونەركاسىپ جۇمىسشىلارىن رەفورمانىڭ پايداسىنان يگىلىكتەندىرمەك.

ءتىلشى ەستەلىگى

”ونەركاسىپ جۇمىسشىلارىنا اناعۇرلىم كوپ نازار اۋدارۋ جانە قولداۋ كورسەتۋ كەرەك“

ۇزاق ۋاقىت بويى پورت جۇمىسىمەن جانە تەحنيكادا جاڭالىق جاراتۋمەن شۇعىلدانعان جۇمىسشى ۋاكىلى رەتىندە، چۋ فىڭنىڭ ۋاقىتى نەگىزىنەن كەمەجاي، سەح جانە كاسىپورىن اراسىنداوتەدى. ول ونەركاسىپ جۇمىسشىلارىنىڭ تەحنيكالىق قابىلەتىن جوعارىلاتۋدى قوعامنىڭ قاجەتىمەن ۇشتاستىرۋ كاسىپ سالاسىنىڭ دارەجەسىن جوعارىلاتۋ مەن كاسىپ سالاسىنىڭ العا باسۋىنىڭ تابيعي تالابى ەكەنىن ابدەن بىلەدى. ”بۇكىل قوعام ونەركاسىپ جۇمىسشىلارىنا اناعۇرلىم كوپ كوڭىل ءبولۋى جانە قولداۋ كورسەتۋى كەرەك“. چۋ فىڭ مىنانى ءبىلدىردى: ءبىرىنشى شەپتەگى ونەركاسىپ جۇمىسشىلارىنىڭ ۋاكىلى رەتىندە جۇمىسشىلاردىڭ تەحنيكالىق قابىلەتىن جوعارىلاتۋ، كاسىپتىك دامۋ، سونداي - اق قوعامدىق قامتاماسىزداندىرۋ سياقتى جاقتارداعى قاجەتىنە نازار اۋدارىپ، اناعۇرلىم كوپ شىنايى جارامدى ۇسىنىس قويىپ، ساياساتتىڭ جۇمىسشىلار قاۋىمىنا اناعۇرلىم ويداعىداي قىزمەت وتەۋىن ىلگەرىلەتەمىن.

كەلۋ قاينارى: حالىق تورابى