مەملەكەت تۇرعىن ۇيلەردىڭ دىبىس وتكىزبەۋى، سۋ ىعىستىرۋى قاتارلى جاقتارىن ءتۇيىندى تۇردە جونگە سالماقشى

ءتىلشىنىڭ 4 – ايدىڭ 14 – كۇنى تۇرعىن ءۇي جانە قالا - اۋىل قۇرىلىسى مينيسترلىگىنەن ۇعىسۋىنشا، تۇرعىن ءۇي ينجەنەرياسىنىڭ ساپا دەڭگەيىن شىنايى جوعارىلاتۋ ءۇشىن، تۇرعىن ءۇي جانە قالا - اۋىل قۇرىلىسى مينيسترلىگى بۇكىل ەل كولەمىندە قالا - قالاشىقتارداعى تۇرعىن ءۇي ينجەنەريالارىنىڭ دىبىس وتكىزۋ، ءيىس وتكىزۋ، سۋ وتكىزۋ قاتارلى ساپا ماسەلەلەرىن ءتۇيىندى تۇردە جونگە سالادى.

تۇرعىن ءۇي جانە قالا - اۋىل قۇرىلىسى مينيسترلىگى جەر - جەردەن جاڭادان سالىنعان تۇرعىن ءۇي قۇرىلىستارىن جاڭا ولشەم بويىنشا قاتاڭ اتقارۋدى ءارى دىبىس وتكىزبەۋ، ءيىس وتكىزبەۋ، سۋ وتكىزبەۋ قاتارلى جوبالاردى قۇرىلىس چەرتوجىن جوبالاۋ قۇجاتىن تەكسەرۋدىڭ ماڭىزدى ءتۇيىنى ەتۋدى تالاپ ەتتى. جوبالاۋشى ورىننىڭ ”جوبانى ساپالىلاندىرۋ“ دەگەن اتپەن جوبالاۋ ولشەمىن ءتۇسىن وزگەرتىپ تومەندەتۋىنە بولمايدى، قۇرىلىس جۇرگىزۋشى ورىننىڭ قۇرىلىس جۇرگىزۋدىڭ تەحنيكالىق ولشەمىنە قايشىلىق جاساپ قۇرىلىس جۇرگىزۋىنە قاتاڭ تيىم سالىنادى.

ءبىرىنشى، تۇرعىن ءۇيدىڭ دىبىس وتكىزبەۋىندە ىرىقتى تۇردە شۋىلدى تومەندەتۋ جانە ىرىقسىز تۇردە دىبىس وتكىزبەۋدى جوبالاۋ شارالارىنا نازار اۋدارۋ كەرەك.

ەكىنشى، تۇرعىن ۇيلەردەگى ءيىس وتكىزۋدەن ساقتانۋدا جەردەن سۋ ءوتۋ، ءتۇتىن ىعىستىرۋ جولى، سۋ ىعىستىرۋ قۇبىرىنىڭ سۋ ساقتاۋى قاتارلى ورىنداردىڭ ەگجەي - تەگجەيلى جوبالانۋ - جوبالانباۋىنا نازار اۋدارۋ كەرەك.

ءۇشىنشى، تۇرعىن ۇيلەردە سۋدان ساقتانۋدا ”سۋ ىعىستىرۋدى ۇشتاستىرۋ، سۋ ىعىستىرۋدى الدىڭعى ورىنعا قويۋ“ پرينسيبى بويىنشا، سۋ ىعىستىرۋ جانە سۋدان ساقتانۋ شارالارىنىڭ كەمەلدى بولعان - بولماعاندىعىنا نازار اۋدارۋ كەرەك.

سونىمەن بىرگە، جەر - جەر سالىنىپ بولعان تۇرعىن ءۇي قۇرىلىسىن تەكسەرىپ وتكىزىپ الۋدان بۇرىن، قۇرىلىس سالعىزۋشى ورىنداردى دىبىس وتكىزبەۋ، ءيىس وتكىزبەۋ، سۋ وتكىزبەۋ قاتارلى تۇلعالىق قاسيەتىن تەكسەرۋگە ۇيىمداستىرىپ، تەكسەرۋ ناتيجەسىن تۇرعىن ءۇي ساپاسى كەپىلدىگىنە ەنگىزۋ كەرەك. تۇرعىن ءۇيدىڭ دىبىس وتكىزبەۋ قاسيەتىن تەكسەرۋدە ەسىك - تەرەزەنىڭ، ٴبولىس تامنىڭ قابىرعالارىنىڭ دىبىسىنا، عيمارات تاقتاسىنىڭ سوعىلۋ دىبىسىنا ءتۇيىندى تۇردە نازار اۋدارۋ كەرەك. ءتۇتىن ىعىستىرۋ جۇيەسى ورناتىلىپ بولعاننان كەيىن، اۋا تىعىزدىعى، اۋا الماستىرۋ قۋاتى جانە ءۇي توبەسىندەگى جەلدىك قاتارلىلاردىڭ جۇمىسىن تەكسەرۋ كەرەك. تۇرعىن ۇيدەن سۋ ءوتۋدىڭ الدىن الۋ ءۇشىن سۋ وتكىزبەۋىن جانە سۋدى اعىزۋىن تەكسەرۋ كەرەك.

بۇدان سىرت، تۇرعىن ءۇي جانە قالا - اۋىل قۇرىلىسى مينيسترلىگى ساپاسىز ”قۇرىلىس تەرەزەسى“ مەن تاعاننان سۋ ءوتۋ قاتارلى قۇرىلىس ماتەريالدارىنىڭ قۇرىلىس ورىندارىنا كىرۋىن باتىل تيۋدى ايقىندادى. ەسىك - تەرەزە، تاعاننان سۋ ٴوتۋ، سۋدان ساقتانۋ ماتەريالى قاتارلى شەشۋشى ماتەريالداردى ۇلگى الىپ تەكسەرۋ سالىستىرماسىن لايىقتى جوعارىلاتىپ، ولشەمگە ۇيلەسپەيتىندەرىن ۇلگى الىپ تەكسەرۋ كولەمىن ونان ارى كەڭەيتۋ كەرەك. سونىمەن بىرگە، جەر - جەر تۇتاس تىزبەكتى باقىلاۋ - تەكسەرۋدى ۇيىمداستىرىپ، بەلگىلەمەگە قايشىلىق جاساپ، سەنىمنەن ايرىلعان كاسىپورىنداردى زاڭ بويىنشا قاتاڭ جازالاۋى كەرەك. ساپا شىرعالاڭى نەمەسە اۋىر ساپا ماسەلەسى تۋىلىپ، جۇمىستى جاپپاي توقتاتۋعا بۇيىرىلعان، سونداي – اق جۇمىس بارىسىندا ماتەريالدى از ىستەتكەن، جوبا بويىنشا قۇرىلىس جۇرگىزبەگەن ورىندار مەن جەكەلەردى زاڭ بويىنشا قاتاڭ تەكسەرىپ ءبىر جايلى ەتىپ، تولىمدىلىق ولشەمىن كۇشەيتۋ، كاسىپپەن شۇعىلدانۋىنا شەك قويۋ قاتارلى جازالاردى كۇشەيتىپ، سەنىمدىلىك بويىنشا جازالاۋدى زاڭ - ەرەجە بويىنشا كۇشەيتىپ، بازارعا كىرۋگە تيىم سالۋ شارالارىن تياناقتاندىرۋ كەرەك.

كەلۋ قاينارى: حالىق تورابى