شي جينپيڭ تەلەگرامما جولداپ، نوبوانىڭ ەكۆادوردىڭ زۇڭتۇڭى بولىپ تاعى دا سايلانعاندىعىن قۇتتىقتادى

شينحۋا اگەنتتىگى، 4 - ايدىڭ 21 - كۇنى، بەيجيڭ. 4 - ايدىڭ 19 - كۇنى مەملەكەت ءتوراعاسى شي جينپيڭ دانيەل نوبواعا تەلەگرامما جولداپ، ونىڭ ەكۆادور رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ەكۆادور − جان - جاقتى ستراتەگيالىق سەرىكتەر. تاياۋ جىلداردان بەرى جۇڭگو مەن ەكۆادوردىڭ قارىم - قاتىناسى تاماشا دامۋ جاعدايىن ساقتادى، ەكى ەلدىڭ ساياسي ءوزارا سەنىمدىلىگى ۇزدىكسىز تەرەڭدەپ، ءار سالاداعى سەلبەستىگى سۇبەلى تابىستارعا قول جەتكىزدى، ەكى ەل حالقىنىڭ دوستىعى جۇرت جۇرەگىنە اناعۇرلىم تەرەڭ ۇيالادى. بيىل − جۇڭگو مەن ەكۆادوردىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعى، مەن زۇڭتۇڭ مىرزامەن بىرگە قۇلشىنىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

سول كۇنى مەملەكەت ءتوراعاسىنىڭ ورىنباسارى حان جىڭ ەكۆادور زۇڭتۇڭىنىڭ ورىنباسارى بولىپ سايلانعان پيڭتوعا قۇتتىقتاۋ تەلەگرامماسىن جولدادى.

كەلۋ قاينارى: حالىق تورابى