ديڭ شۋەشياڭ اراب بىرىككەن امىرلىگى زۇڭتۇڭىنىڭ ورىنباسارى مانسۇرمەن بىرگە جۇڭگو - اراب بىرىككەن امىرلىگى قارجى قوسۋ سەلبەستىگى جوعارى دارەجەلى كوميتەتىنىڭ 1 - رەتكى ءماجىلىسىن باسقاردى

شينحۋا اگەنتتىگى، 4 - ايدىڭ 21 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 4 - ايدىڭ 21 - كۇنى بەيجيڭدە بەينە ەكران ءتاسىلى ارقىلى اراب بىرىككەن امىرلىگى زۇڭتۇڭىنىڭ ورىنباسارى مانسۇرمەن بىرگە جۇڭگو - اراب بىرىككەن امىرلىگى قارجى قوسۋ سەلبەستىگى جوعارى دارەجەلى كوميتەتىنىڭ 1 - رەتكى ءماجىلىسىن باسقاردى.

ديڭ شۋەشياڭ مىنالاردى ءبىلدىردى: ءتوراعا شي جينپيڭ مەن مۇحاممەد زۇڭتۇڭنىڭ ستراتەگيالىق جەتەكشىلىگىندە، جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق سەرىكتەستىك قارىم - قاتىناسى قارىشتاپ دامىپ، جاڭا داۋىردەگى جۇڭگو مەن اراب ەلدەرى قارىم - قاتىناسىنىڭ ۇلگىسىن ورناتتى. جۇڭگو مەن اراب بىرىككەن امىرلىگىنىڭ قارجى قوسۋ سەلبەستىگى جوعارى دارەجەلى كوميتەتىن قۇرۋ ەكى ەل سەلبەستىگىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋگە ءتيىمدى، ەكى جاقتىڭ ورتاق تىلەگى مەن رەال قاجەتىنە ۇيلەسەدى.

جۇڭگو جاق اراب بىرىككەن امىرلىگى جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ىشكەرىلەي تياناقتاندىرىپ، قارجى قوسۋ سەلبەستىگىنىڭ كولەمى مەن ونىمدىلىگىن اناعۇرلىم جوعارىلاتىپ، جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.

ديڭ شۋەشياڭ جۇڭگو - اراب بىرىككەن امىرلىگى جوعارى دارەجەلى كوميتەتى قۇرىلعاننان بەرى قول جەتكىزگەن ناتيجەلەرىن تولىق تۇراقتاندىرىپ، ەكى ەلدىڭ قارجى قوسۋ سەلبەستىگىن تەرەڭدەتۋ جونىندە 3 ءتۇرلى ۇسىنىس قويدى. ءبىرىنشى، جوعارى دارەجەلى كوميتەتتىڭ ءبىر تۇتاس جوسپارلاۋ، سايكەستىرۋ رولىن ويداعىداي ساۋلەلەندىرىپ، قارجى قوسۋ سالاسىنداعى ستراتەگيا، جوبا، ساياساتتاردى ۇشتاستىرۋدى كۇشەيتىپ، سەلبەستىكتى تەرەڭدەتۋدىڭ جاڭا وي جەلىسىن، جاڭا شارالارىن بىرگە زەرتتەپ، العا قويۋ كەرەك. ەكىنشى، كەلەلى نىسانداردىڭ جەتەكشىلىك، باستاماشىلدىق رولىن ويداعىداي ساۋلەلەندىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋداعى ءتۇيىندى سالالاردى ارقاۋ ەتىپ، ءبىر توپ كەلەلى نىساندى ويداعىداي جوبالاۋ، اتقارۋ كەرەك. ءۇشىنشى، ەكى ەل كاسىپورىندارىنىڭ سەلبەستىكتەگى تۇلعالىق رولىن ويداعىداي ساۋلەلەندىرىپ، كاسىپورىنداردى سەلبەستىك سالاسىن بەلسەنە كەڭەيتۋگە، سەلبەستىك تاسىلىندە جاڭالىق اشۋعا شابىتتاندىرىپ جانە جەتەكتەپ، قارجى قوسۋ سەلبەستىگىنىڭ ۇزدىكسىز تەرەڭدەۋىن، ناقتىلانۋىن جەبەۋ كەرەك.

ءمانسۇر مىنانى ءبىلدىردى: اراب بىرىككەن امىرلىگى جاق تىعىز دامىپ وتىرعان اراب بىرىككەن امىرلىگى - جۇڭگو قارىم - قاتىناسىن ايرىقشا القايدى، جۇڭگو ەكونوميكاسىنا نىق سەنىم ارتادى، جۇڭگو جاقپەن قارجى قوسۋ سەلبەستىگىن كۇشەيتىپ، ەكى ەلدىڭ ابزالدىقتار ارقىلى ءبىرىن - ءبىرى تولىقتاۋىن، بىرگە گۇلدەنىپ - كوركەيۋىن اناعۇرلىم ويداعىداي ىلگەرىلەتۋدى قالايدى.

ءماجىلىس حاتشىلار باسقارماسىنىڭ قىزمەت بايانداماسىن، جوعارى دارەجەلى كوميتەت مۇشەلەرىنىڭ جانە قاتىستى كاسىپورىنداردىڭ سەلبەستىك جاعدايى جونىندەگى مالىمەتىن تىڭدادى. ەكى جاق كەلەسى كەزەڭدەگى قىزمەتتەر جونىندە ىشكەرىلەي پىكىر اۋىستىرىپ، كەڭ كولەمدى ورتاق تانىمعا جانە ناتيجەگە قول جەتكىزدى.

كەلۋ قاينارى: حالىق تورابى