حان جىڭ يندونەزيانىڭ سىرتقى ىستەر مينيسترى سۋگيونومەن كەزدەستى

 شينحۋا اگەنتتىگى، 4 - ايدىڭ 21 - كۇنى، بەيجيڭ. 4 - ايدىڭ 21 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە يندونەزيانىڭ سىرتقى ىستەر مينيسترى سۋگيونومەن كەزدەستى.

حان جىڭ مىنالاردى ءبىلدىردى: بىلتىر ءتوراعا شي جينپيڭ مەن پرابوۆو زۇڭتۇڭ وڭىرلىك جانە دۇنيە جۇزىلىك ىقپالعا يە جۇڭگو - يندونەزيا تاعدىرلاس ورتاق تۇلعاسىن قۇرۋ جونىندە ماڭىزدى ورتاق تانىمعا كەلىپ، ەكى ەل قارىم - قاتىناسىنىڭ دامۋ بەتالىسىن ايقىندادى. جۇڭگو جاق يندونەزيا جاقپەن بىرگە مەملەكەت باسشىلارىنىڭ جەتەكشىلىگىنە تاباندى بولىپ، ستراتەگيالىق ۇشتاسۋدى كۇشەيتىپ، كوپ جاقتى سەلبەستىكتى جيىلەتىپ، جۇڭگو مەن يندونەزيانىڭ تاعدىرلاس ورتاق تۇلعاسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدىڭ ءوز - ءوزىنىڭ وسىزاماندانۋ اياق الىسىنا، سونداي - اق ءوڭىردىڭ جانە دۇنيە ءجۇزىنىڭ گۇلدەنىپ - كوركەيۋىنە، دامۋىنا اناعۇرلىم زور ۇلەس قوسۋدى قالايدى.

سۋگيونو مىنالاردى ءبىلدىردى: يندونەزيا ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن وراي ەتىپ، ەكى جاقتىڭ ءوزارا ءتيىمدى سەلبەستىگىن تەرەڭدەتىپ، كوپ جاقتىلىقتى باتىل قورعاپ، حاۋىپ - قاتەر مەن سىن - سايىستارعا بىرگە توتەپ بەرىپ، جالپى بەتتىك ستراتەگيالىق سەرىكتەستىك قارىم - قاتىناستىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى.

كەلۋ قاينارى: حالىق تورابى