سۋ يگىلىگى مينيسترلىگى قۋاڭشىلىقتان ساقتانۋدىڭ Ⅳ دارەجەلى شۇعىل جاعدايعا توتەپ بەرۋ شاراسىن ىسكە قوستى 

حالىق گازەتىنىڭ ءتىلشىسى ۋاڭ حاۋ 4 – ايدىڭ 21 – كۇنى بەيجيڭنەن حابارلايدى. ءتىلشىنىڭ سۋ يگىلىگى مينيسترلىگىنەن ۇعىسۋىنشا، 3 – ايدان بەرگى جاۋىن – شاشىننىڭ، سۋ اعىنىنىڭ ۇزدىكسىز ازايۋىنا، سونداي – اق، اۋا تەمپەراتۋراسىنىڭ جوعارىلاۋى، بوران سوعۋ قاتارلى فاكتورلاردىڭ ىقپالىنا ۇشىراعاندىقتان، حۋاڭحى – حۋايحى الابىنىڭ باتىس بولەگى، باتىس سولتۇستىكتەگى وڭىرلەردىڭ شىعىس بولەگى، باتىس وڭتۇستىكتەگى وڭىرلەر قاتارلى جەرلەردە قۋاڭشىلىق اپاتى ۇزدىكسىز جالعاسقان ءارى ۇلعايعان، بۇل وڭىرلەر گۋاڭشي، شانشي، حىنان، يۇننان، سىچۋان قاتارلى بەس ولكە، اۆتونوميالى رايونعا سايادى.

4 – ايدىڭ 21 – كۇنى سۋ يگىلىگى مينيسترلىگى ءماجىلىس اشىپ كەڭەسىپ، قۋاڭشىلىق اپاتىنىڭ جاعدايىنا ساراپتاۋ جۇرگىزىپ، تۇجىرىم جاساپ، گۋاڭشي جۋاڭزۋ اۆتونوميالى رايونى مەن شانشي ولكەسى وڭىرىندە، قۋاڭشىلىقتان ساقتانۋدىڭ Ⅳ دارەجەلى شۇعىل جاعدايعا توتەپ بەرۋ شاراسىن ىسكە قوسىپ، گۋاڭشي مەن شانشيگە قىزمەت گرۋپپاسىن جىبەرىپ، قۋاڭشىلىققا ۇشىراعان جەرلەردىڭ قۋاڭشىلىقتان ساقتانىپ، سۋارۋدى قامتاماسىزداندىرۋىنا جەتەكشىلىك ەتكەن. سۋ يگىلىگى مينيسترلىگى حۋاڭحى وزەنى سۋ يگىلىگى كوميتەتى ليۋجياشيا، شياۋلاڭدي سۋ قويمالارىنداعى سۋدى رەتتەپ، تومەنگى اعارعا قويا بەرىلگەن سۋ مولشەرىن ارتتىرىپ، وزەن بويىنداعى وڭىرلەردىڭ كوكتەمگى ەگىستى سۋارۋ مەزگىلىندەگى سۋدى كوپ پايدالاناتىن كەزدە سۋدان پايدالانۋىنا كەپىلدىك ەتكەن.

گۋاڭشي، شانشي، حىنان، يۇننان، سىچۋان قاتارلى جەرلەر جەرگىلىكتى جاعدايعا قاراي ءبىرتۇتاس رەتتەۋ – سايكەستىرۋ، شۇعىل جاعدايدا سۋ اكەلۋ قاتارلى شارالاردى قولدانىپ، قۋاڭشىلىق تۋىلعان جەردەگى جۇرتشىلىقتىڭ تۇرمىسى مەن اۋىل شارۋاشىلىعى وندىرىسىندە سۋدان پايدالانۋىنا كەپىلدىك ەتكەن.

كەلۋ قاينارى: حالىق تورابى