شيزاڭداعى چياڭتاڭ ساحاراسىندا جاساندى تۇعىر جاساپ، اناعۇرلىم كوپ قىران قۇستىڭ كوك جۇزىندە سامعاۋىنا جاعداي جاراتتى 

شيزاڭ اۆتونوميالى رايونى ناچۇي قالاسى نيما اۋدانىنداعى چياڭتاڭ مەملەكەتتىك تابيعي قورىق رايونىنىڭ وزەكتى ٴوڭىرىنىڭ قويناۋىنا ورناتىلعان جاساندى تۇعىرلار لاشىن، جامانسارى قاتارلى جىرتقىش قۇستاردى قوناقتاۋعا، ۇيا سالۋعا باۋرادى.

نيما اۋدانى لوبۋيۇيجيە جابايى حايۋاناتتاردى باسقارۋ پۋنكتىنىڭ باستىعى گىساڭ لۇنجۋدىڭ تانىستىرۋىنشا، جىرتقىش قۇستار جايىلىمداعى تىشقان تەكتەستەردىڭ اتا جاۋى، ولاردىڭ ءومىر ءسۇرۋى مەن كوبەيۋى قۇستاردىڭ تۇقىمىن جالعاستىرۋعا ىقپال جاساپ قالماستان، اناعۇرلىم كەڭ كولەمدە ەكولوگيالىق جۇيەنىڭ تەپە – تەڭدىگىن ساقتاۋ رولىن دا اتقارادى. چياڭتاڭ ساحاراسىندا اعاش از بولعاندىقتان، جىرتقىش قۇستار جەرگە ۇيا سالۋىنا تۋرا كەلەتىن بولىپ، بالاپان قۇستاردىڭ زيانعا ۇشىراپ قىرشىنىنان قيىلۋىنىڭ سالىستىرماسى ءبىرشاما جوعارى. جۋىرداعى جىلداردان بەرى، جايىلىمدى باسقارۋشى تاراۋلار چياڭتاڭ ساحاراسىنا تۇعىر ورناتىپ، جىرتقىش قۇستاردىڭ بالاپاندارىنىڭ ءتىرى قالۋ مولشەرىن كورنەكتى جوعارىلاتقان، سونىمەن بىرگە، جايىلىمداعى ءىشىنارا اۋماقتاردا كەمىرگىش حايۋاناتتاردىڭ شەكتەن تىس كوبەيۋى سەبەبىنەن جايىلىمنىڭ ازعىنداۋى سىندى جاعدايدان دا ءونىمدى تۇردە ساقتانىپ، جايىلىم ەكولوگياسىنىڭ تەپە – تەڭدىگىن اناعۇرلىم ويداعىداي قورعاعان. شينحۋا اگەنتتىگىنىڭ ءتىلشىسى سۇن رۇيبو فوتوسى

كەلۋ قاينارى: حالىق تورابى