شىنداپ كىرىسىپ، قيىندىقتارمەن ايقاسىپ، كورنەكتى ماسەلەلەردى شەشتى

ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسى ورىستەتىلگەننەن بەرى جەر جەر، تاراۋلار، ورىندار پارتيا ورتالىق كوميتەتىنىڭ ورنالاستىرۋى بويىنشا اتقارىپ، كەزەڭدىك ونىمدىلىككە قول جەتكىزدى. ۇيرەنۋ تاربيەسى شەشۋشى كەزەڭگە جەتكەندە، ماسەلەنى نىشان ەتۋدەن جانە قاتاڭ ولشەمنەن جازباي، سەرپىندى بوساڭسىتپاي، تەبىندى السىرەتپەي، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، ۇيرەنۋدىڭ ساپالى، تەكسەرۋدىڭ تەبىندى، تۇزەتۋدىڭ ءونىمدى بولۋىنا كەپىلدىك ەتۋ كەرەك.

گۇيجوۋ مەن يۇنناندا قىزمەت تەكسەرگەن كەزدە ءار دارەجەلى پارتيا ۇيىمدارىنان ”نازاردى نەگىزگى تاقىرىپقا شوعىرلاندىرىپ، ۇيرەنۋ تاربيەسىن ىقشام دا ناقتى ۇيىمداستىرۋدى، فورماشىلدىق ىستەمەۋدى“ تالاپ ەتتى؛ حىناندا قىزمەت تەكسەرگەن كەزدە ”نەشە ون مىڭ ارىپتىك ۇيرەنۋ اسەرىن ۇيرەنۋ ناتيجەسى رەتىندە قاراۋعا بولمايدى“ دەپ قاتاڭ اتاپ كورسەتتى... باس شۋجي شي جينپيڭ ۇيرەنۋ تاربيەسىنە تالاي رەت ايقىن تالاپ قويىپ، ۇيرەنۋ تاربيەسىن قاتاڭ، شىنايى ىلگەرىلەتۋدىڭ كۇشتى سيگنالىن تاراتتى. مىنانى دا كورە ءبىلۋىمىز كەرەك: ءالى دە كەيبىر جەرلەر تياناقتاندىرۋدى تەرەڭ دە ەگجەي - تەگجەيلى يگەرمەي، ۇيرەنۋ، تەكسەرۋ، تۇزەتۋگە ءۇستىرت قاراپ وتىر؛ كەيبىر پارتيالى كادرلاردا توتەپ بەرۋ يدەياسى، وتكەلدەن ءوتۋ پيعىلى ءومىر ءسۇرىپ، ستيل تالابىن شىن مانىندە كوكەيگە ۇيالاتىپ، ارەكەتتە ايگىلەي المادى. بۇل بىزگە ۇيرەنۋ تاربيەسىن ورىستەتۋدە فورماشىلدىققا استە سالىنباۋدى، ءسوز جوق، ىشكەرىلەي، شىنايى جۇرگىزىپ، ۇيرەنۋ، تەكسەرۋ، تۇزەتۋدى ۇزدىكسىز ءبىر تۇلعالاندىرىپ ىلگەرىلەتۋدى ەسكەرتتى.

ارەكەت جاعىنداعى اعاتتىقتىڭ قاينارى يدەيالىق تانىمنىڭ تياناقتانباۋىندا. ۇيرەنۋ دەگەنىمىز − يدەيالىق تامىرداعى ماسەلەنى شەشۋ. قالىڭ پارتيالى كادرلار ۇيرەنۋ تاربيەسىن ورىستەتۋدىڭ ماڭىزدىلىعى مەن كوكەي تەستىلىگىن جەتە تانىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋى كەرەك. مىنانى كورە ءبىلۋىمىز كەرەك: ۇيرەنۋدىڭ ماقساتى − قولدانۋ، ”ءىز قالدىرۋدى “”ناتيجەگە“ بالاماۋ، ۇيرەنۋدى ءۇستىرت جۇرگىزىپ، فورماشىلدىققا اينالدىرىپ قويماۋ كەرەك. ماسەلە تۇرعىسىنان ۇيرەنىپ، ءىس جۇزىندىكپەن ۇشتاستىرىپ ۇيرەنىپ، باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن ىشكەرىلەي ۇيرەنگەندە عانا، ۇيرەنۋ، زەرتتەۋ، تالقىلاۋ جەتىستىكتەرىن ستيل قۇرىلىسىنىڭ ناقتى ناتيجەسىنە، رەفورما، دامۋدىڭ ناقتى ونىمدىلىگىنە اناعۇرلىم ويداعىداي اينالدىرۋعا بولادى.

”ۇيرەنۋ“ − ”تەكسەرۋدىڭ“ نەگىزى، ”تەكسەرۋ“ − ”تۇزەتۋدىڭ“ العى شارتى. تەكسەرۋ، تۇزەتۋ ناقتى جۇرىلمەسە، رەتتەۋ، تۇزەتۋ ىشكەرىلەي جۇرىلمەيدى. رەال ومىردە ماسەلەنى تەكسەرىپ انىقتاۋدىڭ تياناقتانباۋ قۇبىلىسى ءالى دە ءومىر ءسۇرىپ وتىر، كەيبىرەۋلەرى نازاردى شوعىرلاندىرمايدى، تىزىمدىكتى قايىرىپ تاستايدى، شەت - شەگى بولمايدى؛ كەيبىرەۋلەرىنىكى ناقتى ەمەس، دابىرالى سياقتانعانىمەن، تىڭعىلىقتى ەمەس، دۇرىس سياقتى بولعانىمەن، دۇرىس ەمەس؛ كەيبىرەۋلەرىنىكى ىشكەرىلەي جۇرگىزىلمەيدى، اۋىردىڭ استىمەن، جەڭىلدىڭ ۇستىمەن جۇرەدى. پارتيالى كادرلار ماسەلە ءتىزىمىن پارىقتاردى تابۋدىڭ، ءوزىن تۇزەۋدىڭ ايناسى ەتىپ، بەلسەنە سالىستىرىپ تەكسەرىپ، اۋرۋ وشاعىن قازىپ، نىسانا ورناتىپ، ادامعا، ىسكە، يدەياعا كوز جەتكىزۋى كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋ جاعىندا ورىن تەۋىپ وتىرعان باسقا دا ماسەلەلەردى بىرگە تەكسەرىپ انىقتاپ، قالتارىس، قاعىس جەر بولماۋىنا كەپىلدىك ەتۋ كەرەك.

ساناعا، كوكەيگە ۇيالاتىپ ۇيرەنۋ، ىشكەرىلەي، ناقتى تەكسەرۋ جۇرگىزۋدىڭ تەتىگى ءىس - ارەكەتتەن ناتيجە شىعارۋدا. قانداي ماسەلە بولسا، سول ماسەلەنى شەشۋگە، قانداي ماسەلە كورنەكتى بولسا، سول ماسەلەنى ءتۇيىندى تۇردە جونگە سالۋعا تاباندى بولىپ، پىشاقتىڭ ءدۇزىن ىشكە قاراتۋ باتىلدىعىن ايگىلەۋ كەرەك. كورنەكتى ماسەلەلەردى شەشۋدە تۇرلەر بويىنشا شارا قولدانۋعا شەبەر بولۋ، قازىر تۇزەتۋگە بولاتىندارىن تاباندا تەكسەرىپ، تاباندا تۇزەتۋ، بايقالا سالىسىمەن تۇزەتۋ، ءسوزبۇيدالىققا سالىنىپ، قاراپ وتىرماۋ؛ ءبىر مەزەت شەشۋگە بولمايتىن ماسەلەلەر جونىندە رەتتەۋ - تۇزەتۋ شارالارىن ءبىر - بىرلەپ بەلگىلەپ، شوعىرلى رەتتەۋ - وڭاۋ ەسەپ داپتەرىنە ەنگىزىپ، شىنايى اتقارۋعا بولاتىن رەتتەۋ - وڭاۋ شارالارىن بەلگىلەپ، تياناقتاندىرۋدى ءبىر - بىردەن ىلگەرىلەتىپ، شەشىلگەندەرىن ءبىر - بىردەن ەسەپتەن ءوشىرۋ كەرەك. ءتۇزىم − ستيل قۇرىلىسىنىڭ ماڭىزدى كەپىلى، ستيلدىڭ قاتاڭ تالابىن قاتاڭ شاراعا، تەمىردەي قاعيدانىڭ تەگەۋرىن كورسەتۋىنە مۇمكىندىك جاساۋ كەرەك. ءبىر جاعىنان، ەرەجە - ءتۇزىم ورناتۋدى، ەندى ءبىر جاعىنان، دايەكتى اتقارۋدى يگەرگەندە عانا، تەرىس ستيلدەردىڭ قايتا ورشۋىنەن ساقتانۋعا بولادى.

جەتەكشىلىك ەتۋ گرۋپپاسى مەن قۋزاۋ - جەتەكشىلىك ەتۋ گرۋپپاسىن جىبەرۋ − پارتيا ورتالىق كوميتەتىنىڭ كورنەكتى ماسەلەلەردى شەشۋدى كوزدەگەن ماڭىزدى ورنالاستىرۋى. جەتەكشىلىك ەتىپ، قۋزاۋشىلىق ەتۋدە نازاردى ۇيرەنۋدى تەرەڭدەتۋگە، ماسەلەلەردى ءداپ باسىپ تابۋعا، شوعىرلى جونگە سالۋعا، ەرەجە - ءتۇزىم ورناتۋعا، جاۋاپكەرشىلىكتى ناقتىلاندىرۋعا شوعىرلاندىرىپ، ءتۇيىندى كورنەكتىلەندىرىپ، دالمە - ءدال كۇش سالۋ كەرەك. كىرىسۋ ءتۇيىنى مەن كۇش سالۋ ءتۇيىنىن ءداپ باسىپ تاۋىپ، تەكسەرىپ ورتاعا قويىلعان ماسەلەلەرگە قاراتا ”قايتا قاداعالاۋ“ جۇرگىزىپ، شوعىرلى رەتتەۋ - وڭاۋ ەسەپ داپتەرىن كەمەلدەندىرۋگە قۋزاپ، بەلگىلەمەگە قايشى ءىشىپ - جەۋ، بەلگىلەمەگە قايشى تارتۋ - تارالعى الۋ، ۇسىنۋ، بۇقارانىڭ مۇددەسىنە زيان جەتكىزۋ، جاۋاپكەرشىلىك ارقالاماۋ، ءىس تىندىرماۋ سياقتى كورنەكتى ماسەلەلەردى كۇش سالا رەتتەپ - وڭاۋعا قۋزاپ، ماسەلەنىڭ توركىنىن تاۋىپ، جەتەكشىلىك ەتىپ، تەتىگىن يگەرىپ، قاعاز جۇزىندە رەتتەۋ - تۇزەتۋ، جالعان رەتتەۋ - تۇزەتۋدى ادا - كۇدە تازارتۋ كەرەك.

ۇيرەنۋ تاربيەسىنىڭ جەتىستىكتەرىن تەكسەرۋدە، سايىپ كەلگەندە، ستيل قۇرىلىسىنىڭ جاڭا وزگەرىسىنە، جوعارى ساپالى دامۋدىڭ ناقتى ونىمدىلىگىنە، حالىق بۇقاراسىنىڭ رازىلىعىنا قاراۋ كەرەك. ءار دارەجەلى پارتيا ۇيىمدارى جاۋاپكەرشىلىكتى شىنايى ارقالاپ، باسشى كادرلار وزىنە قاتاڭ تالاپ قويىپ، ءوزى ونەگە كورسەتىپ، جوعارى ارقىلى تومەنگە جەتەكشىلىك ەتەتىن تاماشا اۋقىم قالىپتاستىرىپ، ماسەلە شەشىلمەيىنشە تىنباۋ، رەتتەۋ - تۇزەتۋ تياناقتانباي تىنباۋ، ۇيرەنۋ تاربيەسىنىڭ ناقتى ونىمدىلىككە قول جەتكىزۋىن، ءسوز جوق، ىلگەرىلەتىپ، زەيىن - زەردەنى، كۇش قۋاتتى شوعىرلاندىرىپ، ءىس تىندىرىپ، يگىلىك جاراتىپ، ءجۇز ميلليونداعان حالىقتىڭ شىنايى ءۇمىتىن اقتاۋ كەرەك.

كەلۋ قاينارى: حالىق تورابى