بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.11 16:30 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 10 - كۇنى، چىڭدۋ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 6 - ايدىڭ 10 - كۇنى تۇستەن كەيىن سىچۋاننىڭ چىڭدۋ قالاسىندا 2 - كەزەكتى ” ءبىر بەلدەۋ، ءبىر جول“ عىلىم - تەحنيكا اۋىس كۇيىس جينالىسىنا قاتىناسۋ ءۇشىن جۇڭگوعا كەلگەن سەربيا حالىقتىق پارلامەنتى باستىعىنىڭ ورىنباسارى لاگۋشپەن، وزبەكستان زۇڭليىنىڭ ءبىرىنشى ورىنباسارى راماتوۆپەن، يران زۇڭتۇڭىنىڭ ورىنباسارى افشينمەن جەكە - جەكە كەزدەستى.
لاگۋشپەن كەزدەسكەندە ديڭ شۋەشياڭ بىلاي دەپ اتاپ كورسەتتى: جۇڭگو مەن سەربيانىڭ ەتەنە دوستىعى تاۋ مەن تەڭىزدەن اسىپ، ۋاقىت وتكەن سايىن بەكەمدەلدى. ءتوراعا شي جينپيڭ زۇڭتۇڭ ۆۋچيچپەن كوپ رەت كەڭەس وتكىزىپ، ەكى ەل قارىم - قاتىناسىنىڭ دامۋىنا ايقىن باعدار كورسەتتى.
جۇڭگو جاق سەربيا جاقپەن بىرگە، ەكى ەل مەملەكەت باسشىلارىنىڭ ماڭىزدى ورتاق تانىمدارىن ويداعىداي تياناقتاندىرىپ، ءبىر - ءبىرىنىڭ باسا نازار اۋدارىپ وتىرعان ماسەلەلەرى مەن وزەكتى مۇددەسىن قولداپ، ” ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگىن تەرەڭدەتىپ، عىلىم - تەحنيكادا جاڭالىق اشۋ سەلبەستىگىن ەكى جاقتى قارىم - قاتىناستىڭ جاڭا ارتۋ ءتۇيىنى ەتىپ تۇلعالاپ، جاڭا داۋىردەگى جۇڭگو - سەربيا تاعدىرلاس ورتاق تۇلعاسى قۇرىلىسىنىڭ اناعۇرلىم كوپ ناتيجەگە قول جەتكىزۋىن ىلگەرىلەتۋدى قالايدى.
لاگۋش مىنانى ءبىلدىردى: سەربيا سەربيا مەن جۇڭگونىڭ ەتەنە دوستىعىن توتەنشە قاستەرلەيدى، ءبىر جۇڭگو پرينسيبىن باتىل اتقارادى، جۇڭگو جاقپەن ەكونوميكا - ساۋدا، قارجى قوسۋ، عىلىم - تەحنيكا سياقتى سالالارداعى ناقتى سەلبەستىكتى كۇشەيتىپ، سەربيا - جۇڭگو تاعدىرلاس ورتاق تۇلعاسىن بىرگە قۇرۋدى قالايدى.
راماتوۆپەن كەزدەسكەندە ديڭ شۋەشياڭ بىلاي دەدى: ءتوراعا شي جينپيڭ زۇڭتۇڭ ميرزيويەۆپەن جۇڭگو – وزبەكستان قارىم - قاتىناسىن جاڭا داۋىردەگى جالپى بەتتىك ستراتەگيالىق ارىپتەستىك قارىم - قاتىناس دەڭگەيىنە كوتەرۋدى ءبىر اۋىزدان ۇيعاردى، ەكى ەل قارىم - قاتىناسىنىڭ دامۋى جاڭا كەزەڭگە ءوتتى. جۇڭگو جاق وزبەكستان جاقپەن ساياسي ءوزارا سەنىمدىلىكتى جانە ءداستۇرلى دوستىقتى اناعۇرلىم بەكەمدەپ، دامۋ ستراتەگياسىن ۇشتاستىرۋدى تەرەڭدەتىپ، ” ءبىر بەلدەۋ، ءبىر جولدى“ جوعارى ساپامەن بىرگە قۇرۋ جۇلگەسىندە ۇلاستىرۋ - تۇتاستىرۋ، ەكونوميكا - ساۋدا، عىلىم - تەحنيكادا جاڭالىق اشۋ سياقتى سەلبەستىكتەردىڭ تەرەڭدەۋىن، ناقتىلانۋىن ىلگەرىلەتۋدى قالايدى.
راماتوۆ مىنانى ءبىلدىردى: ەكى ەل مەملەكەت باسشىلارىنىڭ ستراتەگيالىق ورتاق تانىمىن جەتەكشى ەتىپ، وزبەكستان مەن جۇڭگونىڭ ناقتى سەلبەستىگىن تەرەڭدەتىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتۋدى قالايمىز.
افشينمەن كەزدەسكەندە ديڭ شۋەشياڭ مىنالاردى ءبىلدىردى: يران − ماڭىزدى وڭىرلىك جانە حالىقارالىق ىقپالعا يە مەملەكەت، جۇڭگو مەن يران − جاقسى دوس، جاقسى سەرىكتەر. جۇڭگو جاق يران جاقپەن بىرگە قۇلشىنىپ، ەكى ەل مەملەكەت باسشىلارىنىڭ ماڭىزدى ورتاق تانىمىن جەتەكشى ەتىپ، جۇڭگو مەن يراننىڭ جان - جاقتى سەلبەستىك جوسپارىن ويداعىداي تياناقتاندىرىپ، ” ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قول ۇستاسا ىلگەرىلەتىپ، عىلىم - تەحنيكا سالاسىنداعى سەلبەستىكتىڭ كومەسكى كۇشىن اناعۇرلىم اشىپ، جۇڭگو مەن يراننىڭ جان - جاقتى ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، ەكى ەل حالقىنا اناعۇرلىم كوپ ناقتى پايدا جەتكىزۋدى قالايدى.
افشين مىنانى ءبىلدىردى: يران مەن جۇڭگونىڭ دوستىعى ۇزاق ۋاقىتتان بەرى بەكەم بولىپ كەلەدى، يران جاق يران - جۇڭگو قارىم - قاتىناسىن دامىتۋعا ايرىقشا ءمان بەرەدى، جۇڭگو جاقپەن حالىق تىلەگىنىڭ توعىسۋىن كۇشەيتىپ، جاپپاي سەلبەستىك جوسپارىن تياناقتاندىرۋدى ىلگەرىلەتىپ، عىلىم - تەحنيكا سياقتى سالالارداعى سەلبەستىكتە تىڭ ىلگەرىلەۋشىلىككە قول جەتكىزۋدى قالايدى.
كەلۋ قاينارى: حالىق تورابى
