”شينجياڭنىڭ كومىرىن حىنانعا جەتكىزەتىن“ العاشقى ارناۋلى پويەز جولعا شىقتى 

شينجياڭ گازەتىنىڭ 6 – ايدىڭ 15 – كۇنى بەرگەن حابارى. انار بۇلت \ شينجياڭ گازەتىنىڭ ءتىلشىسى شى شين حابارلايدى: 6 – ايدىڭ 14 – كۇنى تۇستەن بۇرىن، شينجياڭ ساۋدالىق زات اينالىمى (توبى) شەكتى سەرىكتەستىگىنىڭ ”شينجياڭنىڭ كومىرىن حىنانعا جەتكىزەتىن“ تۇڭعىش ارناۋلى پويەزى شينجياڭداعى جياڭجۇنمياۋ پويەز بەكەتىنەن جولعا شىعىپ، 3200 توننا ساپالى كومىردى تولتىرا تيەپ، حىنان ولكەسىنىڭ رۋجوۋ قالاسى لينرۋ قالاشىعىنا قاراي جولعا شىقتى، بۇل شينجياڭ مەن حىنان ەكى جەردىڭ ەنەرگيامەن قامداۋ جاعىنداعى ستراتەگيالىق سەلبەستىگىنىڭ رەسمي ىسكە اسىرىلعانىن كورسەتەدى.

شينجياڭ — ستراتەگيالىق تۇرعىدان بۇكىل ەلىمىز بويىنشا ەنەرگيا بايلىعىمەن قامتاماسىزداندىرۋ بازاسى، كومىر بايلىعى مول، ال، حىنان جان سانى كوپ ولكە جانە ونەركاسىپ سالاسىنداعى ماڭىزدى ولكە، كومىر بايلىعىنا بولعان قاجەتسىنۋى زور. ”شينجياڭنىڭ كومىرىن حىنانعا جەتكىزۋ“ نىسانى شينجياڭ مەن حىنان ەكى ولكە ۇكىمەتى بىرگە ءبىر تۇتاس ىلگەرىلەتكەن ماڭىزدى نىسان، بۇل نىساندى اتقارۋداعى ماقسات — وسى ءبىر ونىمدىلىگى جوعارى ەنەرگيا تاسىمالداۋ ارناسىن قۇرۋ ارقىلى بايلىق قاينارىن ساپالى ورنالاستىرۋ.

كەلۋ قاينارى: حالىق تورابى