بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.16 16:36 كەلۋ قاينارى : حالىق تورابى
ورتالىق تەلەۆيزيا حابارى (مەملەكەتتىك، حالىقارالىق حابارلار) 6 – ايدىڭ 15 – كۇنى ونەركاسىپ جانە ينفورماتسيالاندىرۋ مينيسترلىگى، مەملەكەتتىك دامۋ – رەفورما كوميتەتى قاتارلى بەس تاراۋ ۇيىمداستىرعان 2025 – جىلعى جاڭا ەنەرگيالى اۆتوموبيلدەردى اۋىل – قىستاققا جەتكىزۋ قيمىلىنىڭ العاشقى بەكەتتىك قيمىلى جياڭسۋ ولكەسىنىڭ رۋگاۋ قالاسىندا باستالدى.
بيىل جاڭا ەنەرگيالى اۆتوموبيلدەردى اۋىل – قىستاققا جەتكىزۋ كولەمىنە جيىنى 124 تۇرپاتتى اۆتوموبيل ەنگىزىلگەن، 2024 – جىلعى 99 تۇرپاتتى اۆتوموبيلمەن سالىستىرعاندا، تۇڭعىش رەت ءجۇز تۇرپاتتان اسقان.
اۆتوموبيل تۇرپاتىنىڭ سانى ارتۋىمەن بىرگە، ۇكىمەت، كاسىپورىن، كاسىپ سالاسىنداعى ۇيىمدار ءتۇرلى شارالاردى قولدانىپ، بيىلعى جاڭا ەنەرگيالى اۆتوموبيلدى اۋىل – قىستاققا جەتكىزۋ قيمىلىنا دەم بەرەدى. ۇعىسۋعا قاراعاندا، بيىل جاڭا ەنەرگيالى اۆتوموبيلدى اۋىل – قىستاققا جەتكىزۋ قيمىلى مەن كونەسىن جاڭاسىنا اۋىستىرۋ، اۋدان اۋماعىندىق باتەريانى زاريادتاۋ جانە الماستىرۋ قۇرىلعىلارىنداعى ولقىلىقتاردى تولىقتاۋ قاتارلى ساياساتتارمەن سايكەستىرۋ كۇشەيتىلەدى. مۇنان سىرت، كومەسكى قۋاتى ءبىرشاما زور ءبىر توپ اۋدان اۋماعىندىق قالالاردى تاڭداپ، ءبىرقىدىرۋ ارناۋلى تاقىرىپتىق قيمىلدار ۇيىمداستىرىلادى ءارى ”ينتەرنەت ارقىلى + ينتەرنەتتەن تىس“ وتىمدىلەندىرۋ فورماسى قولدانىلادى. سونىمەن بىرگە، ءتۇرلى جاڭا ەنەرگيالى اۆتوموبيل ءوندىرۋشى، ساتۋشى ورىندار مەن فينانس قۇرىلىمدارى قاتارلى تۇلعالاردى بىرگە اتسالىسىپ، تۇتىنۋشىلارعا ”اۆتوموبيل ساتىپ العاندارعا تيىمدىلىك جاساۋ + ەنەرگيا پايدالانۋ جاعىندا قولداۋ كورسەتۋ + قىزمەت وتەۋ جانە قامتاماسىزداندىرۋ“ ءبىر تۇلعالاندىرىلعان وتىمدىلەندىرۋ جوباسىن دايىنداۋعا شابىتتاندىرادى.
كەلۋ قاينارى: حالىق تورابى
