جاۋ لىجي 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 45 - رەتكى كوميتەت باستىقتارى ءماجىلىسىن باسقارىپ اشتى

«حالىق گازەتى»، 6 - ايدىڭ 16 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 45 - رەتكى كوميتەت باستىقتارى ءماجىلىسى 6 - ايدىڭ 16 - كۇنى تۇستەن بۇرىن بەيجيڭدەگى حالىق سارايىندا وتكىزىلدى. كوميتەت باستىعى جاۋ لىجي ءماجىلىستى باسقاردى. ءماجىلىس 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 16 - ءماجىلىسىن 6 - ايدىڭ 24 - كۇنىنەن 27 - كۇنىنە دەيىن بەيجيڭدە وتكىزۋدى ۇيعاردى.

كوميتەت باستىقتارى ماجىلىسىندە مىنالار ۇسىنىس ەتىلدى: 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 16 - ماجىلىسىندە اماندىق باسقارۋعا قايشىلىق جاساعانداردى جازالاۋ زاڭىنا وزگەرىس ەنگىزۋ جوباسى، جوسىقسىز باسەكەگە قارسى تۇرۋ زاڭىنا وزگەرىس ەنگىزۋ جوباسى، توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ زاڭى جوباسى، تەڭىز ساۋداسى زاڭىنا وزگەرىس ەنگىزۋ جوباسى، زاڭمەن باسقارۋ ۇگىت - تاربيە زاڭى جوباسى، بالىق شارۋاشىلىعى زاڭىنا وزگەرىس ەنگىزۋ جوباسى، حالىقتىق اۆياتسيا زاڭىنا وزگەرىس ەنگىزۋ جوباسى قارالسا؛ مەملەكەتتىك حالىق قۇرىلتايى قوعامدىق قۇرىلىس كوميتەتىنىڭ قىستاق تۇرعىندار كوميتەتىنىڭ ۇيىمدىق زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسى، قالا تۇرعىندار كوميتەتىنىڭ ۇيىمدىق زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن، مەملەكەتتىك كەڭەستىڭ قاراۋعا ۇسىنعان قوعامدىق قۇتقارۋ زاڭى جوباسى جونىندەگى كەڭەس جوباسىن، ەمدەۋدى قامتاماسىزداندىرۋ زاڭى جوباسىن قاراۋعا ۇسىنعان كەڭەس جوباسىن، قاراۋعا ۇسىنىلعان ازىق - تۇلىك حاۋىپسىزدىگى زاڭىنا وزگەرىس ەنگىزۋ جوباسى جونىندەگى كەڭەس جوباسىن قارايدى؛ مەملەكەتتىك كەڭەستىڭ «حالىقارالىق جاراستىرۋ مەكەمەسىن قۇرۋ جونىندەگى شارتتى» قاراپ بەكىتۋگە ۇسىنۋ جونىندەگى كەڭەس جوباسىن قاراۋ.

كوميتەت باستىقتارى ءماجىلىسى ۇسىنىس ەتكەن تۇراقتى كوميتەت 16 - ءماجىلىسىنىڭ كەڭەستىك تارتىپتەرىنەن تاعى مىنالار بار: مەملەكەتتىك كەڭەستىڭ 2024 - جىلعى ورتالىقتىڭ سوڭعى ەسەبى جونىندەگى بايانداماسىن قاراۋ، 2024 - جىلعى ورتالىقتىڭ سوڭعى ەسەبىن تەكسەرۋ جانە بەكىتۋ؛ مەملەكەتتىك كەڭەستىڭ 2024 - جىلعى ورتالىقتىڭ مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىسىن قازىنالىق باقىلاۋ قىزمەتى جونىندەگى بايانداماسىن قاراۋ؛ مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن قاراۋ؛ مىندەتكە تاعايىنداۋ، مىندەتىنەن قالدىرۋعا قاتىستى جوبانى قاراۋ، ت. ب.

كوميتەت باستىقتارى ماجىلىسىندە مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي تۇراقتى كوميتەتتىڭ 16 - ءماجىلىسىنىڭ كەڭەستىك ءتارتىپ جوباسى مەن كۇن ءتارتىبىن ورنالاستىرۋ سياقتىلار جونىندە مالىمەت بەردى. مەملەكەتتىك حالىق قۇرىلتايى تۇراقتى كوميتەتىنىڭ قاتىستى ورىنباسار باس حاتشىلارى، مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ، تۇراقتى كوميتەتتىڭ قاتىستى قىزمەت كوميتەتتەرىنىڭ جاۋاپتىلارى قاتىستى كەڭەستىك تاقىرىپتار جونىندە مالىمەت بەردى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر ماجىلىسكە قاتىناستى.