ەكى جاعالاۋدىڭ توعىسپالى دامۋدان ۇلگى كورسەتۋ رايونىن جوعارى ساپامەن قۇرۋ كەرەك

شينحۋا اگەنتتىگى، 6 - ايدىڭ 16 - كۇنى، شيامىن. ەكى جاعالاۋدىڭ توعىسپالى دامۋدان ۇلگى كورسەتۋ رايونى قۇرىلىسىن ارناۋلى ىلگەرىلەتۋ ءماجىلىسى 6 - ايدىڭ 15 - كۇنى فۋجيان شيامىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن دايەكتىلەندىرىپ، تياناقتاندىرىپ، ەكى جاعالاۋدىڭ توعىسپالى دامۋدان ۇلگى كورسەتۋ رايونىن جوعارى ساپامەن قۇرۋ كەرەك.

ۋاڭ حۋنيڭ مىنالاردى ءبىلدىردى: ەكى جاعالاۋدىڭ توعىسپالى دامۋىن تەرەڭدەتۋدىڭ ماڭىزى زور، جاۋاپكەرشىلىگى اۋىر. ەكى جاعالاۋدىڭ توعىسپالى دامۋدان ۇلگى كورسەتۋ رايونىن قۇرۋ نىساناسى مەن مىندەتىن ارقاۋ ەتىپ، جاۋاپكەرشىلىكتى كۇشەيتىپ، جوبالاۋدى، ىلگەرىلەتۋدى كۇشەيتىپ، اناعۇرلىم كوپ جاڭالىق اشۋ سيپاتتى شارالار مەن توعىسپالى دامۋ جەتىستىكتەرىن العا قويۋ كەرەك. فۋجيان ولكەسىنىڭ تايۋان دەربەستىگىنە قارسى تۇرۋداعى ابزالدىعى مەن الدىمەن ۇلگى كورسەتۋ رولىن ساۋلەلەندىرىپ، ساياسات پەن تۇزىمدە جاڭالىق اشۋدى كۇشەيتىپ، ەكى جاعالاۋدىڭ ەكونوميكا، مادەنيەت اۋىس - كۇيىسىن، سەلبەستىگىن جەبەۋگە كۇش سالۋ كەرەك.

ۋاڭ حۋنيڭ مىنالاردى ءبىلدىردى: ەكى جاعالاۋدىڭ توعىسپالى دامۋداعى كۇش سالۋ ءتۇيىنىن مىقتى يگەرىپ، ەكى جاعالاۋدىڭ توعىسپالى دامۋ ساياسات - شارالارىنىڭ سايكەسىمدىلىگىن كۇشەيتۋ كەرەك. ەكى جاعالاۋدىڭ توعىسپالى دامۋىنا كۇشتى شوعىرلاندىرىپ، جاڭالىق اشۋدى، قامال الۋدى كۇشەيتىپ، تايۋانعا ساياتىن شارۋاشىلىق - ساۋدا ورتاسىن ساپالىلاندىرىپ، تايۋاندىق باۋىرلاستارعا، تايۋان كاسىپورىندارىنا كوڭىل ءبولۋدى، كومەكتەسۋدى كۇشەيتىپ، اناعۇرلىم كوپ تايۋاندىق باۋىرلاستاردى، تايۋان كاسىپورىندارىن ۇلى قۇرلىققا كەلىپ دامۋعا، جۇڭگو ۇلگىسىندەگى وسىزامانداندىرۋ اياق الىسىنا قاتىناسۋعا باۋراۋ كەرەك. تايۋاندىق باۋىرلاستارعا قۇرمەت ەتىپ، قامقورلىق جاساپ، ولاردى باقىتقا كەنەلتىپ، ەكى جاعالاۋداعى ادامداردىڭ بارىس - كەلىسىن قالىپقا ءتۇسىرۋدى، اۋىس - كۇيىس پەن سەلبەستىكتى ۇدايىلاندىرۋدى ىلگەرىلەتىپ، تايۋاندىق باۋىرلاستاردىڭ توعىسۋ سەزىمى مەن تاۋەلدىلىك سەزىمىن كۇشەيتىپ، ەكى جاعالاۋداعى باۋىرلاستاردىڭ جان دۇنيەسىنىڭ توعىسۋىن جەبەۋ كەرەك. تايۋان جاستارىنىڭ ۇلى قۇرلىققا كەلىپ دامۋ ارناسىن ىركىلىسسىزدەندىرىپ، ەكى جاعالاۋداعى جاستاردىڭ ورتاق دوستار شەڭبەرى مەن ىستەر شەڭبەرىن كەڭەيتۋ كەرەك.

ورتالىق كوميتەت تايۋان ىستەرى كەڭسەسىنىڭ، مەملەكەتتىك دامۋ جانە رەفورما كوميتەتىنىڭ، فۋجيان ولكەسىنىڭ جاۋاپتى جولداستارى ەكى جاعالاۋدىڭ توعىسپالى دامۋدان ۇلگى كورسەتۋ رايونى قۇرىلىسىنىڭ اياق الىسىن تانىستىردى. وقۋ - اعارتۋ مينيسترلىگىندەگى، قازىنا مينيسترلىگىندەگى، قاتىناس - تاسىمال مينيسترلىگىندەگى، ساۋدا مينيسترلىگىندەگى، مادەنيەت جانە ساياحات مينيسترلىگىندەگى، مەملەكەتتىك كوشپەندىلەر مەكەمەسىندەگى جاۋاپتى جولداستار ءسوز سويلەدى.