ەلىمىز مەملەكەت بويىنشا اۋىل شارۋاشىلىعىن 4 - رەت جاپپاي تەكسەرەدى

6 – ايدىڭ 16 – كۇنى، مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە مەملەكەتتىك ساناق مەكەمەسىنىڭ قاتىستى جاۋاپتىسى بىلاي دەپ تانىستىردى: ەلىمىز 2026 – جىلى 4 – رەتكى مەملەكەت بويىنشا اۋىل شارۋاشىلىعىن جاپپاي تەكسەرەدى، مۇندا باستىسى بەس جاقتاعى مازمۇندى تەكسەرەدى.

مەملەكەتتىك ساناق مەكەمەسىنىڭ اقپارات مالىمدەمەشىسى فۋ ليڭحۇي بىلاي دەپ تانىستىردى: وسى رەتكى اۋىل شارۋاشىلىعىن جاپپاي تەكسەرۋدە الدىمەن اۋىل شارۋاشىلىق ءوندىرىس شارت ـ جاعدايىن تەكسەرۋ كەرەك، باستىسى، اۋىل شارۋاشىلىعىمەن شۇعىلدانۋشىلار، جەردەن پايدالانۋ جانە اينالىمعا سالۋ، سونداي ـ اق اۋىل شارۋاشىلىعىنا قوعامدانعان قىزمەت وتەۋ قاتارلىلاردى قامتيدى؛ ونان قالسا، استىق جانە ءىرى ازىق ـ تۇلىك ءوندىرىس جاعدايى، باستىسى، استىق جانە ەكونوميكالىق داقىلدار، ەت، جۇمىرتقا، ءسۇت قاتارلى مال شارۋاشىلىق ونىمدەرى، ورمان ونىمدەرى، سۋ ونىمدەرى قاتارلىلاردى قامتيدى؛ بۇدان سىرت، اۋىل شارۋاشىلىعىنىڭ جاڭا ساپالى وندىرگىش كۇش جاعدايى، اۋىل - قىستاق دامۋىنىڭ نەگىزگى جاعدايى جانە اۋىل - قىستاق تۇرعىندارىنىڭ تۇرمىس جاعدايى دا بار.

الدىڭعى 3 – رەتكى مەملەكەت بويىنشا اۋىل شارۋاشىلىعىن جاپپاي تەكسەرۋمەن سالىستىرعاندا، 4 - رەتكى مەملەكەت بويىنشا اۋىل شارۋاشىلىعىن جاپپاي تەكسەرۋدە جاپپاي تەكسەرۋ مازمۇنى، ءادىسى قاتارلى جاقتاردا دا كەيبىر تىڭ وزگەرىستەر بولادى.

كەلۋ قاينارى: حالىق تورابى