شي جينپيڭ استاناعا جەتتى

جەرگىلىكتى ۋاقىت 6 - ايدىڭ 16 - كۇنى تۇستە مەملەكەت ءتوراعاسى شي جينپيڭ قازاقستان رەسپۋبليكاسىنىڭ زۇڭتۇڭى توقايەۆتىڭ ۇسىنىسىمەن 2 - كەزەكتى جۇڭگو - ورتا ازيا باسشىلار ماجىلىسىنە قاتىناسۋ ءۇشىن ارناۋلى ۇشاقپەن استاناعا جەتتى. سۋرەتتە: شي جينپيڭ قارسى الا شىققان جۇرتشىلىققا قول بۇلعاپ قۇرمەت بىلدىرۋدە.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگىنىڭ 6 ـ ايدىڭ 16 ـ كۇنى استانادان بەرگەن حابارى (تىلشىلەر ياڭ يجۇن، جاڭ جييە). جەرگىلىكتى ۋاقىت 6 ـ ايدىڭ 16 ـ كۇنى تۇستە مەملەكەت ءتوراعاسى شي جينپيڭ قازاقستان رەسپۋبليكاسىنىڭ زۇڭتۇڭى توقايەۆتىڭ ۇسىنىسىمەن 2 ـ كەزەكتى جۇڭگو - ورتا ازيا باسشىلار ماجىلىسىنە قاتىناسۋ ءۇشىن ارناۋلى ۇشاقپەن استاناعا جەتتى.

شي جينپيڭ وتىرعان ارناۋلى ۇشاق قازاقستان اۋە كەڭىستىگىنە كىرگەننەن كەيىن، قازاقستان اۋە ارمياسىنىڭ سوعىس ۇشاقتارى اۋە كەڭىستىگىنە كوتەرىلىپ قورعادى.

شي جينپيڭ استانا نازاربايەۆ حالىقارالىق اۋەجايىنا جەتكەندە توقايەۆ زۇڭتۇڭ زۇڭتۇڭ كەڭسەسىنىڭ مەڭگەرۋشىسى دادەبايەۆ، ورىنباسار زۇڭلي، قوسىمشا سىرتقى ىستەر مينيسترى نۇرتىلەۋ، زۇڭتۇڭنىڭ سىرتقى ىستەر اقىلشىسى قازىحان، استانا قالاسىنىڭ باستىعى قاسىمبەك قاتارلى جوعارى دارەجەلى ءمانساپتىلاردى باستاپ، ىستىق ىقىلاسپەن قارسى الدى. ءساندى كيىنگەن قازاقستاندىق بويجەتكەن شي جينپيڭگە گۇل ۇسىندى. قۇرمەت قاراۋىلى كوك كىلەمنىڭ ەكى جاعىندا قاتار تۇزەپ قۇرمەت ءبىلدىردى، قازاقستاندىق ءوسپىرىم بالالار قولدارىنا جۇڭگو - قازاقستان ەكى ەلدىڭ مەملەكەت تۋىن ۇستاپ، شي جينپيڭنىڭ ساپارلاي كەلگەندىگىن قىزۋ قارسى الدى. شي جينپيڭ توقايەۆتىڭ سەرىك بولۋىندا قۇرمەت قاراۋىلىنىڭ سالتانات قاتارىن تاماشالادى، جۇڭگو مەن قازاقستاننىڭ مەملەكەت تۋلارى ىلىنگەن تىك ۇشاقتار اۋەجاي كەڭىستىگىنەن ۇشىپ ءوتتى. اۋەجايدىڭ سيلى قوناقتار عيماراتىندا ەكى ەلدىڭ مەملەكەت باسشىلارى تاعى قازاقستاندىق ءوسپىرىم بالالاردىڭ ادەبيەت ـ كوركەمونەر قويىلىمىن بىرگە تاماشالادى.

ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.

جۇڭگونىڭ قازاقستاندا تۇراتىن باس ەلشىسى حان چۇنلين دە اۋەجايعا بارىپ قارسى الدى.

شي جينپيڭ اۆتوكولىكپەن اۋەجايدان ءوزى تۇسەتىن قوناقجايعا بارا جاتقان جولىندا جۇڭگو قارجىلاندىرعان كاسىپورىندار مەن سول جەردە وقىپ جاتقان وقۋشىلار ۋاكىلدەرى جولدىڭ ەكى جاعىنا جينالىپ، ”ءتوراعا شي جينپيڭدى قىزۋ قارسى الامىز“! ” جۇڭگو - قازاقستان دوستىعى جاساسىن“! سياقتى جازۋلار جازىلعان قىزىل كەرمە تۋلاردى كوتەرىپ، شي جينپيڭنىڭ ساپارلاي كەلگەندىگىن قىزۋ قارسى الدى.

شينحۋا اگەنتتىگىنىڭ 6 ـ ايدىڭ 16 ـ كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ قازاقستان رەسپۋبليكاسىنىڭ زۇڭتۇڭى توقايەۆتىڭ ۇسىنىسىمەن 2 ـ كەزەكتى جۇڭگو - ورتا ازيا باسشىلار ماجىلىسىنە قاتىناسۋ ءۇشىن 6 ـ ايدىڭ 16 ـ كۇنى تۇستەن بۇرىن ارناۋلى ۇشاقپەن بەيجيڭنەن استاناعا اتتاندى.

شي جينپيڭگە سەرىك بولىپ ساپارعا اتتانعانداردان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلىلار بار.