”جالپى بارىستىق حالىق دەموكراتياسىن دامىتۋ − جۇڭگو ۇلگىسىندەگى وسىزامانداندىرۋدىڭ ماندىك تالابى“ (باس شۋجيدىڭ حالىققا سۇيىسپەنشىلىگى)

پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 10 - ايدىڭ 20 - كۇنىنەن 23 - كۇنىنە دەيىن بەيجيڭدە وتكىزىلدى، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ جونىندەگى ۇسىنىسىن» قاراپ ماقۇلدادى.

باس شۋجي شي جينپيڭ بىلاي دەپ اتاپ كورسەتتى: ”دەموكراتيانى ساۋلەلەندىرۋ، كوپتىڭ اقىل - پاراساتىن شوعىرلاندىرۋ، ءار جاقتىڭ پىكىرىن كەڭىنەن تىڭداۋ − جۇڭگو كوممۋنيستىك پارتياسى ورتالىق كوميتەتىنىڭ كەلەلى ماسەلەلەردى زەرتتەۋدەگى، ماڭىزدى قۇجاتتاردى بەلگىلەۋدەگى دايەكتى ءادىسى جانە تاڭداۋلى ءداستۇرى. ۇسىنىس نۇسقانى دايىنداۋ قىزمەتىن جاقسى ىستەۋ ءۇشىن، جۇڭگو كوممۋنيستىك پارتياسى ورتالىق كوميتەتى ىشكەرىلەي تەكسەرۋ - زەرتتەۋ جۇرگىزۋدى ۇيىمداستىردى ءارى تۇتاس قوعامعا توراپتا پىكىر الۋ قيمىلىن ورىستەتتى“.

بيىل 5 - ايدىڭ 20 - كۇنىنەن 6 - ايدىڭ 20 - كۇنىنە دەيىن، ”15 - بەسجىلدىق“ جوبانى جاساۋ قىزمەتىندە توراپتا پىكىر الۋ قيمىلى ورىستەتىلىپ، توراپكەرلەردىڭ 3 ميلليون 113 مىڭنان استام ۇسىنىس - پىكىرى تاپسىرىپ الىندى، بۇل جالپى بارىستىق حالىق دەموكراتياسىنىڭ جاندى امالياتى. باس شۋجي شي جينپيڭ توراپكەرلەردىڭ ”15 - بەسجىلدىق“ جوسپاردى جاساۋ قىزمەتى جونىندەگى ۇسىنىس - پىكىرلەرىن زەرتتەۋ، قابىلداۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى: ”حالىقتىڭ جاعدايىن جان - جاقتى، ىشكەرىلەي تەكسەرىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن توعىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى بىرىككەن كۇشىن ۇيىستىرىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋ كەرەك“.

حالىقتىڭ ”باعالى اقىل - پاراساتى“ دامۋدىڭ ”التىن جەمىسىنە“ ۇزدىكسىز اينالدى. ”حالىق دەموكراتياسى − جالپى بارىستىق دەموكراتيا“. 2019 - جىلى 11 - ايدىڭ 2 - كۇنى باس شۋجي شي جينپيڭ شاڭحاي قالاسى چاڭنيڭ رايونى حۇڭچياۋ ءمالى باسقارماسىندا قىزمەت تەكسەرگەندە، نەگىزگى ساتىداعى زاڭ شىعارۋ بايلانىس تۇيىندەرىندە زاڭ شىعارۋ پىكىرىن الۋعا قاتىناسقان الەۋمەتتىك اۋماق تۇرعىندارىنىڭ ۋاكىلدەرىمەن ىقىلاستى اڭگىمەلەسىپ، جالپى بارىستىق حالىق دەموكراتياسىنىڭ كەلەلى ۇستانىمىن تۇڭعىش رەت العا قويدى.

جۇڭگو ۇلگىسىندەگى وسىزامانداندىرۋ − ءجۇز ميلليونداعان حالىقتىڭ ءوز ءىسى. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا»: ”جالپى بارىستىق حالىق دەموكراتياسىن دامىتۋ جۇڭگو ۇلگىسىندەگى وسىزامانداندىرۋدىڭ ماندىك تالابى“ دەپ اتاپ كورسەتىلدى.

باس شۋجي شي جينپيڭ بىلاي دەپ اتاپ كورسەتتى: ”جۇڭگونى جونگە سالۋدا دۇنيەنى جالت قاراتقان تابىستارعا قول جەتكىزۋدەگى ەڭ ماڭىزدى ءبىر تاجىريبە مىناۋ − جۇڭگو كوممۋنيستىك پارتياسىنىڭ باسشىلىعىندا جۇڭگوشا سوتسياليستىك ساياسي دامۋ جولىمەن ءجۇرىپ، جالپى بارىستىق حالىق دەموكراتياسىنا تاباندى بولقپ جانە ونى دامىتقاندىعىندا“.

”دەموكراتيا بولماسا، سوتسياليزم دە بولماق ەمەس، سوتسياليستىك وسىزامانداندىرۋ دا بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“. باس شۋجي شي جينپيڭ ءوزى ونەگە بولىپ، جەتەكشىلىك ەتىپ، ىلگەرىلەتتى. بۇگىن كەڭ كولەمدى، شىنايى، جارامدى دەموكراتيا جۇڭگونىڭ بايتاق دالاسىندا ومىرشەڭدىك كۇشكە يە بولدى.

جالپى بارىستىق حالىق دەموكراتياسىن دامىتىپ، اۋەلگى ماقساتتى، بورىشتى ايگىلەدى −

2021 - جىلى 11 - ايدىڭ 5 - كۇنى بەيجيڭ قالا رايونى مەن اۋىل - قالاشىق ەكى دارەجەلى حالىق قۇرىلتايى ۋاكىلدەرىنىڭ كەزەك اۋىستىرۋ سايلاۋىنا داۋىس بەرۋ كۇنى.

بەيجيڭ قالاسى شيچىڭ رايونى جۇڭنانحاي سايلاۋ رايونى حۋايرىنتاڭ داۋىس بەرۋ پۋنكتىندە باس شۋجي شي جينپيڭ قاتىستى سايلاۋ ىستەرى جونىندەگى تۇسىندىرمەنى مۇقيات تىڭدادى، سايلاۋشىلار كۋالىگىن قىزمەتكەرلەردىڭ تەكسەرۋىنە تاپسىرىپ، ءبىر سايلاۋ بەلەتىن الىپ، بەلەت جازۋ ورنىندا سايلاۋ بەلەتىن مۇقيات تولتىرعاننان كەيىن، بەلەت ساندىعىنىڭ الدىنا بارىپ، ءوزىنىڭ ءبىر بەلەتىن بايىپتىلىقپەن تاستادى.

جۇڭگودا ءاربىر رايوندا، ءاربىر كاسىپتە، ءاربىر سالادا، ءاربىر ۇلتتا حالىق قۇرىلتايى ۋاكىلدەرى بار، حالىق قۇرىلتايى ۋاكىلدەرى كەڭ كولەمدى ۋاكىلدىك سيپاتقا يە.

”حالىقتىڭ ءوز ىسىنە ءوزى قوجايىن بولۋى سوتسياليستىك دەموكراتيالىق ساياسيدىڭ ءمانى جانە وزەگى“. باس شۋجي شي جينپيڭ مۇنى ەسىنەن شىعارمادى.

2021 - جىلى 6 - ايدىڭ 25 - كۇنى، باس شۋجي شي جينپيڭ جۇڭگو كوممۋنيستىك پارتياسى 19 - كەزەكتى ورتالىق كوميتەتى ساياسي بيۋروسىنداعى جولداستاردى باستاپ، بەيجيڭ داشۋەسىنىڭ قىزىل عيماراتىنا كەلدى. كورمە زالىندا لي داجاۋدىڭ ”قاراشالاردىڭ جەڭىسى“ اتتى ايگىلى ماقالاسى باسىلعان ”جاڭا جاستار“ جۋرنالىنىڭ ءتۇپ نۇسقاسىن باس شۋجي زەر سالا كوردى.

”حالىق دەموكراتياسى − جۇڭگو كوممۋنيستىك پارتياسىنىڭ باستان - اياق بيىك ۇستايتىن تۋى“.

”مەملەكەتىمىزدىڭ اتى، ءار دارەجەلى مەملەكەت ورگاندارىنىڭ اتى ’حالىق‘ دەگەن اتپەن اتالدى، بۇل ءبىزدىڭ جۇڭگونىڭ سوتسياليستىك اكىمياتى جونىندەگى نەگىزگى ورنىمىز“.

حالىققا تەرەڭ تامىر تارتىپ، باستان - اياق حالىق ءۇشىن قىزمەت ىستەۋ اۋەلگى ماقساتى ەشقاشان وزگەرگەن ەمەس.

جالپى بارىستىق حالىق دەموكراتياسىن دامىتىپ، تاماشا تۇرمىستى بىرگە جاراتتى −

ازاماتتىق ىستەر زاڭناماسىنىڭ جاريالانىپ اتقارىلۋى نەشە ۇرپاق ادامداردىڭ ارمانىن جۇزەگە اسىردى. ىلگەرىندى - كەيىندى 10 رەت اشىق پىكىر الىنىپ، جان - جاقتان ءبىر ميلليوننان استام پىكىر جينالىپ، كوپتەگەن پىكىرلەر قابىلداندى... حالىقتىڭ ۇقىق - مۇددەسىن تولىق قامتاماسىز ەتەتىن وسى جاڭا ءداۋىر زاڭناماسىن ويداعىداي قۇراستىرۋ ءۇشىن، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن 3 رەت باسقارىپ، قۇراستىرۋ قىزمەتى جونىندە ماڭىزدى نۇسقاۋ بەردى.

”دەموكراتيا اشەكەي بۇيىم ەمەس، ءتىزىپ قوياتىن دا نارسە ەمەس، قايتا حالىق شەشۋگە ءتيىستى دەگەن ماسەلەلەردى شەشۋگە قولدانىلادى“.

جالپى بارىستىق حالىق دەموكراتياسىن دامىتۋعا جويقىن كۇش توپتالدى −

”قاي كەزدەن باستاپ وزگەرتەمىز؟“

”جولىققان باستى قيىنشىلىق نە؟“

2019 - جىلى كوكتەم مەرەكەسى قارساڭىندا، باس شۋجي شي جينپيڭ بەيجيڭ قالاسى دۇڭچىڭ رايونى ساۋچاڭ سىتياۋ حۋتۇڭىنا بارىپ، ءمالى باسقارماسى، الەۋمەتتىك اۋماق، تۇرعىندار سياقتى جاقتاردىڭ ۋاكىلدەرى قاتىناسقان ”شاعىن اۋلا كەڭەسى كەڭسەسىندە“ حۋتۇڭ اۋلاسىنىڭ دەڭگەيىن ءوسىرۋ، جاڭالاۋ جونىندە كەڭەس وتكىزدى.

باس شۋجي شي جينپيڭ بىلاي دەپ اتاپ كورسەتتى: ”شاعىن اۋلا كەڭەس كەڭسەسىن“ قۇرىپ، ”تۇرعىنداردىڭ ءىسىن تۇرعىندار كەڭەسۋ، تۇرعىنداردىڭ ءىسىن تۇرعىندار بەلگىلەۋ“ الەۋمەتتىك اۋماق تۇرعىندارىنىڭ تاۋەلدىلىك سەزىمى مەن قوجايىندىق تانىمىن كۇشەيتۋگە ءتيىمدى.

ازىق - تۇلىك حاۋىپسىزدىگى، اۋىل - قىستاقتى جاپپاي گۇلدەندىرۋ، جاڭا ساپالى وندىرگىش كۇشتەردى دامىتۋ... پارتيانىڭ 18 - قۇرىلتايىنان بەرى، ءار جىلعى مەملەكەتتىك ەكى ءماجىلىس كەزىندە، باس شۋجي شي جينپيڭ ۇيىرمە - گرۋپپالاردىڭ تالقىسىنا قاتىناسىپ، ۋاكىلدەر مەن مۇشەلەردىڭ ءسوزىن تىڭداپ، كوپشىلىكپەن مەملەكەت ءىسىن بىرگە اقىلداستى. حالىقتىڭ ارمان - تىلەگى كوسەمنىڭ جۇرەگىندە ساقتالىپ، مەملەكەتتىڭ دامۋىمەن توعىستى.

”سامۇرىقتىڭ سامعاۋى ءبىر قاۋىرسىننىڭ جەلپىنگەنىندەي جەڭىل - جەلپى ءىس ەمەس؛ تۇلپاردىڭ جۇيرىكتىگى ءبىر اياعىنىڭ كۇشىمەن عانا شەكتەلمەيدى“، باس شۋجي وسى بايىرعى ءسوزدى سيتاتقا كەلتىردى، مۇنىڭ ءمانى تەرەڭ. ءبىر ميلليارد 400 ميلليوننان استام حالىقتىڭ كۇش - قۋاتى تاسقىنداپ، شوعىرلانىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ىسىندە، ءسوز جوق، ۇزدىكسىز جاڭا جاعداي اشۋ كەرەك.

كەلۋ قاينارى: حالىق تورابى