ءۇش تاراۋ: 3 جاستان 6 جاسقا دەيىنگى ارالىقتاعى بالالاردىڭ مىناداي بەينەجازبا قويۋعا پايدالانىلاتىن ەلەكتروندى بۇيىمداردى پايدالانۋدان بارىنشا اۋلاق بولعانى ءجون

ءتىلشىنىڭ 11 – ايدىڭ 7 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى مەملەكەتتىك دەنساۋلىق ساقتاۋ – سالاماتتىق كوميتەتى، مەملەكەتتىك اۋرۋدىڭ الدىن الۋ جانە تىزگىندەۋ مەڭگەرمەسىمەن بىرگە جۋىردا «بالالاردىڭ الىستى كورۋ قۋاتىنىڭ زاپاس مولشەرىن عىلىمي تۇردە قورعاۋ جونىندەگى ۇقتىرۋدى» باسىپ تاراتىپ، 3 جاستان 6 جاسقا دەيىنگى ارالىقتاعى وقۋعا ءتۇسۋ الدىنداعى بالالار دالادا كوبىرەك ويناۋى قاجەت، قول تەلەفون، كومپيۋتەر قاتارلى بەينەجازبا قويۋعا ارنالعان ەلەكتروندىق بۇيىمداردى پايدالانۋدان بارىنشا اۋلاق بولۋى، ۇزاق ۋاقىت بويى جاقىن ارالىقتاعى نارسەلەرگە قارايتىن ۋاقىتتى ازايتۋى قاجەت دەگەندى ورتاعا قويعان.

ۇقتىرۋداعى تالاپتارعا ساي، بالالار باقشالارىنىڭ بالالاردى مەكتەپكە تۇسەر الدىنداعى كلاس، بالالار باقشاسىنان باستاۋىش مەكتەپكە ءوتۋ ارالىعىنداعى كلاس دەگەن اتپەن ”باستاۋىش مەكتەپشە“ وقىتۋىنا بولمايدى، كورۋ تۇيسىگىن جەتىلدىرەتىن سپورتتار مەن ويىنداردى جوبالاپ، وقۋعا ءتۇسۋ الدىنداعى بالالاردىڭ ويىن ويناۋعا دەگەن قاجەتىن قاناعاتتاندىرۋعا شابىتتاندىرىلادى. باستاۋىش مەكتەپتەردە باستاۋىش مەكتەپ وقۋشىسىنىڭ فيزولوگيالىق جاقتاعى جەتىلۋىنە ۇيلەسەتىن سپورتتىق جاتتىعۋ جوسپارىن بەلگىلەپ، باستاۋىش مەكتەپ وقۋشىلارىنىڭ كۇنىنە 2 ساعات دالادا ارەكەتتەنۋىنە كەپىلدىك ەتىپ، باستاۋىش مەكتەپ وقۋشىلارىنىڭ كوزدى قورعاۋ ادەتىن جەتىلدىرۋ قاجەت.

ۇقتىرۋدا كوزدىڭ اقاۋسىزدىعىن تەكسەرۋدى كۇشەيتۋ ورتاعا قويىلعان. جەر – جەردەگى وقۋ – اعارتۋدى اكىمشىلىك جاقتان باسقارۋ تاراۋلارى مەن باستاۋىش مەكتەپتەردەن ءار ۇيرەنۋ ماۋسىمىندا 2 رەت كورۋ قۋاتىن تەكسەرتۋ ءتۇزىمىن تياناقتاندىرىپ، قاجەتتى تەكسەرۋ اسپاپتارىمەن قامتاماسىزداندىرۋدى، باستاۋىش مەكتەپ وقۋشىلارىنىڭ كورۋ قۋاتى مەن الىستى كورۋ قۋاتىنىڭ زاپاس مولشەرىن باقىلاۋ قىزمەتىن ورىستەتىپ، تەكسەرۋ ناتيجەسىن جۇيەلى تۇردە ەستەلىككە الىپ، وقۋشىلاردىڭ كورۋ قۋاتىنداعى وزگەرىستەردى ءجىتى قاداعالاۋدى تالاپ ەتكەن.

كەلۋ قاينارى: حالىق تورابى