1300 كەزەكتەن استام جۇردەك پويەزگە سايادى، ەڭ ءتيىمدى بولعاندا اسىلگى باعانىڭ 60 پايىزىنا دەيىن تۇسىرىلەدى

حالىق گازەتىنىڭ ءتىلشىسى لي شينپيڭ 11 – ايدىڭ 9 – كۇنى بەيجيڭنەن حابارلايدى. ءتىلشىنىڭ مەملەكەتتىك تەمىر جول توبى جولاۋشى تاسىمالى ورتالىعى مەن قاتىستى تەمىر جول توبى سەرىكتەستىكتەرىنەن ۇعىسۋىنشا، جۋىردا تەمىر جول تاراۋلارى 130 نەشە جول جەلىسىندەگى 1300 دەن استام جۇردەك پويەزدىڭ بەلەت باعاسىن تومەندەتىپ تيىمدىلىك جاساۋ تەبىنىن ارتتىرعان. مۇنىڭ ىشىندە، وقۋشىلار، بالالار، مۇگەدەك اسكەريلەر، جارالانعان نەمەسە مۇگەدەك بولعان حالىق ساقشىلارى، مۇگەدەك بولعان ءورت ءوشىرۋشى قىزمەتكەرلەر قاتارلى ەرەكشە توپتاعى جولاۋشىلار ”تيىمدىلىك ۇستىنە تيىمدىلىك جاساۋدان“ جالعاستى يگىلىكتەنەدى، ەڭ ارزان بولعاندا اسىلگى بەلەت باعاسىنىڭ 60 پايىزىنداي ارزانداتىلادى.

رەتتەۋ جۇرگىزىلگەن سوڭ، قاتىستى جۇردەك پويەزدەردىڭ بەلەت باعاسىنىڭ ەڭ جوعارى شەگى 12306 تورابىندا جاريالانعان بەلەت باعاسى بويىنشا بولادى، ءوڭىر پارقى، جولاۋشى مولشەرىنىڭ كوپ – ازدىعى، ۇقساماعان ۋاقىت قاتارلى فاكتورلارعا ساي ءتۇرلى مولشەردە ارزانداتۋ شاراسى اتقارىلادى. ساپار ۋاقىتى ءبىرشاما ۇزاق، جولاۋشى مولشەرى ءبىرشاما از پويەزدەردىڭ بەلەتى ءبىرشاما زور مولشەردە ارزانداتىلادى، قارقىنى ءبىرشاما تەز، ۇزاق ۋاقىت بويى قامداۋ قاجەتسىنۋدى قاناعاتتاندىرا الماي كەلگەن پويەزدەردىڭ بەلەتى از مولشەردە ارزانداتىلادى نەمەسە ارزانداتىلمايدى، وسى ارقىلى ۇقساماعان قارقىن، ۇقساماعان بەلەت باعاسى، ۇقساماعان تاسىمال ارالىعى سىندى پارىقتاندىرىلعان جولاۋشى تاسىمال جۇيەسىن قالىپتاستىرۋ ىلگەرىلەتىلەدى.

كەلۋ قاينارى: حالىق تورابى