شي جينپيڭ تەلەگرامما جولداپ بييانىڭ كامەرۋن زۇڭتۇڭى بولىپ تاعى دا سايلانعاندىعىن قۇتتىقتادى

شينحۋا اگەنتتىگىنىڭ 11 ـ ايدىڭ 7 ـ كۇنى بەيجيڭنەن بەرگەن حابارى. 11 ـ ايدىڭ 7 ـ كۇنى مەملەكەت ءتوراعاسى شي جينپيڭ پاۋل بيياعا تەلەگرامما جولداپ، ونىڭ كامەرۋن رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن كامەرۋن ءداستۇرلى دوس. سوڭعى جىلدارى ەكى ەلدىڭ ساياسي ءوزارا سەنىمدىلىگى ۇزدىكسىز تەرەڭدەپ، ءار سالاداعى سەلبەستىگىندە سۇبەلى جەتىستىكتەرگە قول جەتىپ، ءبىر ـ ءبىرىنىڭ وزەكتى مۇددەسىنە جانە ءجىتى قاداعالاپ وتىرعان ىستەرىنە ساياتىن كەلەلى ماسەلەلەردە ءبىرىن ـ ءبىرى باتىل قولدادى. كەلەر جىلى جۇڭگو مەن كامەرۋننىڭ ديپلوماتيالىق قارىم ـ قاتىناس ورناتقاندىعىنىڭ 55 جىلدىعى، ەكى ەل قارىم ـ قاتىناسىنىڭ دامۋى جاڭا ورايعا ءدوپ كەلەدى. مەن جۇڭگو _ كامەرۋن قارىم ـ قاتىناسىنىڭ دامۋىنا ايرىقشا نازار اۋدارامىن، بييا زۇڭتۇڭمەن بىرگە قۇلشىنىپ، جۇڭگو _ افريكا سەلبەستىك تالقى مىنبەرى بەيجيڭ باسشىلار ءماجىلىسى جەتىستىكتەرىن تياناقتاندىرۋدى وراي ەتىپ، ەكى ەلدىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ىشكەرىلەي دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.