شي جينپيڭ بۇقارالىق سپورتتاعى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىمەن جانە دەنە تاربيە جۇيەسىندەگى مەملەكەتتىك وزات كوللەكتيۆتەردىڭ، وزات جەكەلەردىڭ ۋاكىلدەرىمەن كەزدەستى

11 - ايدىڭ 9 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭجوۋدا بۇقارالىق سپورتتاعى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىن جانە مەملەكەتتىك دەنە تاربيە جۇيەسىندەگى وزات كوللەكتيۆتەردىڭ، وزات جەكەلەردىڭ ۋاكىلدەرىن ىقىلاسپەن قابىلدادى ءارى كوپشىلىكپەن بىرگە توپتىق سۋرەتكە ءتۇسىپ ەستەلىك قالدىردى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

«حالىق گازەتى»، 11 - ايدىڭ 9 - كۇنى، گۋاڭجوۋ. مەملەكەتتىك 15 - كەزەكتى سپورت جارىسى اشىلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 9 - كۇنى تۇستەن كەيىن گۋاڭجوۋدا بۇقارالىق سپورتتاعى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىن جانە مەملەكەتتىك دەنە تاربيە جۇيەسىندەگى وزات كوللەكتيۆتەردىڭ، وزات جەكەلەردىڭ ۋاكىلدەرىن ىقىلاسپەن قابىلداپ، ولاردى قىزۋ قۇتتىقتادى، ولاردى قۇلشىنا كۇرەس جاساپ، تاعى دا تاماشا ناتيجە جاراتىپ، دەنە تاربيەدە قۋاتتى ەل قۇرۋعا تىڭ ۇلەس قوسۋعا شابىتتاندىردى.

تۇستەن كەيىن ساعات 4 تەن 15 مينۋت وتكەندە شي جينپيڭ قاتارلىلار گۋاڭجوۋ باييۇن حالىقارالىق ءماجىلىس ورتالىعىنا كەلگەندە بۇكىل الاڭنان ۇزاققا سوزىلعان قىزۋ شاپالاق ءۇنى كوتەرىلدى. شي جينپيڭ كوپشىلىككە قول بۇلعاپ قۇرمەت ءبىلدىردى، ءالسىن - ءالى ۋاكىلدەرمەن ىقىلاسپەن اڭگىمەلەستى ءارى كوپشىلىكپەن بىرگە توپتىق سۋرەتكە ءتۇسىپ ەستەلىك قالدىردى.

لي حۇڭجۇڭ، جاڭ يوۋشيا، حۋاڭ كۇنميڭ، چىن ي - چين، ۋاڭ دۇڭفىڭ قاتارلىلار قابىلداۋدا بىرگە بولدى.