پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ورتالىق ۇگىت - لەكسيا ۇيىرمەسى جياڭسۋدا، شاندۇڭدا ۇگىت - لەكسيا جاسادى (پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرەيىك)

«حالىق گازەتى»، 11 - ايدىڭ 9 - كۇنى، نانجيڭ (ءتىلشى ۋاڭ حانچاۋ). پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ورتالىق ۇگىت - لەكسيا ۇيىرمەسىنىڭ بايانداما ءماجىلىسى 11 - ايدىڭ 9 - كۇنى جياڭسۋ نانجيڭدە وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، مەملەكەتتىك دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى جىڭ شانجيە ۇگىت - لەكسيا بايانداماسىن جاسادى.

بايانداما جينالىسىندا جىڭ شانجيە باس شۋجي شي جينپيڭنىڭ پارتيا 20 - كەزەكتەتى ورتالىق كوميتەتىنىڭ ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن جانە جالپى ءماجىلىستىڭ «ۇسىنىسىن» ۇيرەنۋ، دايەكتىلەندىرۋدى توڭىرەكتەپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ماڭىزىن تەرەڭ تانۋ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتى مەن باستى نىساناسىن تەرەڭ ءتۇسىنۋ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ستراتەگيالىق مىندەتتەرىن دۇرىس يگەرۋ، جالپى ءماجىلىس رۋحىن دايەكتىلەندىرۋدى، تياناقتاندىرۋدى بار كۇشپەن مىقتى يگەرۋ سياقتى جاقتاردان ەلىمىزدىڭ ەكونوميكالىق، قوعامدىق دامۋىنىڭ ءىس جۇزىندىك جاعدايىمەن ۇشتاستىرىپ، ىشكەرىلەي ۇگىت - لەكسيا جاسادى جانە جان - جاقتى تۇسىنىك جاسادى.

جىڭ شانجيە ۇگىت - لەكسياسىندا مىنالاردى ءبىلدىردى: پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى − پارتيا ورتالىق كوميتەتىنىڭ سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالاۋ، جاپپاي كۇش سالۋ شەشۋشى كەزەڭىنە قادام تاستاۋ الدىندا تۇرعان كەزدە اشقان ءبىر رەتكى توتەنشە ماڭىزدى ءماجىلىسى، جالپى ءماجىلىستىڭ «ۇسىنىسى» − اۋقىمعا قاراي العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدەگى تاعى ءبىر رەتكى جالپى اتتانىسقا كەلتىرۋ، جالپى ورنالاستىرۋى بولىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋعا جەتەكشىلىك ەتەتىن پروگراممالىق قۇجات، جالپى ءماجىلىس رۋحىن دايەكتىلەندىرۋدى، تياناقتاندىرۋدى بار كۇشپەن مىقتى يگەرۋ كەرەك.

بايانداما جاساۋ ماجىلىسىنەن ءبىر كۇن بۇرىن جىڭ شانجيە نانجيڭ جۇمساق بولشەك اڭعارىنداعى ءبىر جۇمساق بولشەك كاسىپورنىنا بارىپ، نەگىزگى ساتى قىزمەتكەرلەرىنە بەتپە - بەت، ىقپالداسۋ ۇلگىسىندە ۇگىت - لەكسيا جاسادى.

«حالىق گازەتى»، 11 - ايدىڭ 9 - كۇنى، جينان (ءتىلشى حوۋ لينلياڭ). پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ورتالىق ۇگىت - لەكسيا ۇيىرمەسىنىڭ بايانداما ءماجىلىسى 11 - ايدىڭ 9 - كۇنى شاندۇڭ ولكەسىنىڭ جينان قالاسىندا وتكىزىلدى. ورتالىق ۇگىت - لەكسيا ۇيىرمەسىنىڭ مۇشەسى، ساۋدا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ ۋىنتاۋ ۇگىت - لەكسيا بايانداماسىن جاسادى.

بايانداما ماجىلىسىندە، ۋاڭ ۋىنتاۋ باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن جانە جالپى ءماجىلىستىڭ «ۇسىنىسىن» ۇيرەنۋدى، دايەكتىلەندىرۋدى تىعىز توڭىرەكتەپ، اشىلعان جالپى ءماجىلىستىڭ كەلەلى ءمانىن تەرەڭ تانىپ، ”15 - بەسجىلدىق“ مەزگىلىندەگى سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىنداعى ماڭىزدى ورنىن دۇرىس يگەرىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتى مەن باستى نىساناسىن تەرەڭ ءتۇسىنىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ستراتەگيالىق مىندەتتەرى مەن كەلەلى شارالارىن جاپپاي ءتۇسىنىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جويقىن كۇشىن ۇيىستىرۋ سياقتى جاقتاردا جالپى ءماجىلىستىڭ رۋحى جونىندە جان - جاقتى ۇگىت - لەكسيا جاسادى جانە جۇيەلى تۇسىنىك جاسادى.

ۋاڭ ۋىنتاۋ مىنالاردى ءبىلدىردى: جالپى ءماجىلىستىڭ رۋحىن ۇيرەنۋدى، دايەكتىلەندىرۋدى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، تۇسىنۋمەن ساباقتاستىرىپ، نازاريانى امالياتپەن ۇشتاستىرۋ سىندى ۇيرەنۋ ستيلىنە تاباندى بولىپ، ماسەلەنى باعدار ەتۋدى، امالياتتى باعدار ەتۋدى، سۇرانىستى باعدار ەتۋدى كورنەكتىلەندىرىپ، اناعۇرلىم سانالى تۇردە عىلمي نازاريا ارقىلى امالياتقا جەتەكشىلىك ەتىپ، قىزمەتتى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشۋ كەرەك.

11 - ايدىڭ 9 - كۇنى تۇستەن كەيىن ۋاڭ ۋىنتاۋ جينان ورتالىق ساۋدا رايونىنا كەلىپ، ءبىر ءبولىم شەتەل قارجىسىمە قۇرىلعان سىرتقى ساۋدا كاسىپورىندارىنىڭ جاۋاپتىلارىمەن جانە جۇمىسشى - قىزمەتكەرلەردىڭ ۋاكىلدەرىمەن پىكىر اۋىستىرىپ، بەتپە - بەت ۇگىت - لەكسيا جاسادى.