2025 – جىلعى ورتالىقتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ قىزمەتى رەسمي باستالدى

شينحۋا اگەنتتىگىنىڭ ءتىلشىسى حۋاڭ تاۋميڭنىڭ 11 – ايدىڭ 11 – كۇنى بەرگەن حابارى. ءتىلشىنىڭ 11 – ايدىڭ 11 – كۇنى شۇعىل جاعدايلارعا توتەپ بەرۋدى باسقارۋ مينيسترلىگىنەن ۇعىسۋىنشا، جۋىردا 2025 – جىلعى ورتالىقتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ قىزمەتى رەسمي باستالعان، مەملەكەتتىك كەڭەستىڭ ءوندىرىس حاۋىپسىزدىگى كوميتەتىندەگى قاتىستى مۇشە ورىندارداعى جاۋاپتى جولداستار باسشىلىق ەتكەن ورتالىقتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ گرۋپپاسىنان 22 گرۋپپا 31 ولكەگە، اۆتونوميالى رايونعا، توتە قاراستى قالاعا جانە شينجياڭ ءوندىرىس – قۇرىلىس بيڭتۋانىنا ىلگەرىندى - كەيىندى ورنالاسىپ، 2025 – جىلعى ءوندىرىس حاۋىپسىزدىگى قىزمەتىنە باعالاۋ جانە شارلاپ تەكسەرۋ جۇرگىزەدى، بۇل قىزمەتتى 11 – ايدىڭ سوڭىنان بۇرىن ورىنداپ بولادى. 11 – ايدىڭ 10 – كۇنىنە دەيىن، ورتالىقتىڭ ءوندىرىس حاۋىپسىزدىگىن باعالاۋ جانە شارلاپ تەكسەرۋ گرۋپپالارىنان 10 گرۋپپا سانشي، حەيلۇڭجياڭ، لياۋنيڭ، جياڭسۋ، جياڭشي، حاينان، چۇڭچيڭ، يۇننان، گانسۋ، شينجياڭ قاتارلى جەرلەرگە ورنالاسىپ، قىزمەتتى ورىستەتكەن.

كەلۋ قاينارى: حالىق تورابى