ورتالىقتىڭ ءۇشىنشى اينالىمداعى بەسىنشى توپتاعى ەكولوگيالىق ورتانى قورعاۋدى باقىلاۋ قىزمەتى جالپى بەتتىك باستالدى 

شينحۋا اگەنتتىگىنىڭ ءتىلشىسى گاۋ جيڭ 11 – ايدىڭ 15 – كۇنى بەيجيڭنەن حابارلايدى. ەكولوگيالىق ورتا مينيسترلىگىنىڭ 11 – ايدىڭ 15 – كۇنى حابارلاۋىنشا، پارتيا ورتالىق كوميتەتى مەن مەملەكەتتىك كەڭەستىڭ بەكىتۋىمەن، ورتالىقتىڭ ءۇشىنشى اينالىمداعى بەسىنشى توپتاعى ەكولوگيالىق ورتانى قورعاۋدى باقىلاۋ قىزمەتى جالپى بەتتىك باستالعان.

ورتالىقتىڭ وسى توپتاعى باقىلاۋ قىزمەتى بويىنشا ەكولوگيالىق ورتانى قورعاۋدى كەزەكتى باقىلاۋ گرۋپپاسىنان 8 گرۋپپا قۇرىلعان، جەكە – جەكە بەيجيڭ، تيانجين، حىبەي 3 ولكەدە (قالا)، جۇڭگو حۋاديان توبى شەكتى سەرىكتەستىگى، مەملەكەتتىك ەنەرگيا سالاسىن قارجىلاندىرۋ شەكتى جاۋاپكەرشىلىك سەرىكتەستىگى، انگاڭ توبى شەكتى سەرىكتەستىگى، جۇڭگو باۋ – ۋ بولات – تەمىر توبى شەكتى سەرىكتەستىگى، جۇڭگو جۇڭمەي ەنەرگيا توبى شەكتى سەرىكتەستىگى سىندى ورتالىققا قاراستى 5 كاسىپورىنعا كەزەكتى باقىلاۋ قىزمەتىن ورىستەتەدى، باقىلاۋ جۇرگىزۋ ۋاقىتى ءبىر اي.

سونىمەن بىرگە، وسى رەتكى باقىلاۋ بارىسىندا بەيجيڭ، تيانجين، حىبەي، شاندۇڭ، حىنان، انحۇي، جياڭسۋ، جىجياڭ قاتارلى 8 ولكەدە (قالا) ۇلى كانال ەكولوگيالىق ورتاسىن قورعاۋ جونىندە ارناۋلى باقىلاۋ ورىستەتەدى. مۇنىڭ ىشىندە، بەيجيڭ، تيانجين، حىبەي 3 ولكەدە (قالا) كەزەكتى باقىلاۋ قىزمەتىن ورىستەتۋ بارىسىندا، ۇلى كانال مادەنيەتىن قورعاۋ، مۇاگەرلىك ەتۋ، پايدالانۋ جانە ەكولوگيالىق ورتاسىن قورعاۋ قىزمەتىن باقىلاۋدىڭ نەگىزگى ءتۇيىنى ەتەدى؛ ارناۋلى باقىلاۋ گرۋپپاسىنان 2 گرۋپپا قۇرىلادى، ولار جەكە – جەكە جياڭسۋ، جىجياڭ، انحۇي قاتارلى 3 ولكە مەن شاندۇڭ، حىنان قاتالى 2 ولكەگە جاۋاپتى بولادى، ورنالاساتىن ۋاقىتى ەكى اپتا اينالاسىندا بولادى.

كەلۋ قاينارى: حالىق تورابى