جاڭالىق اشۋ ارقىلى دەم بەرۋ، ەسىك اشۋ سەلبەستىگى رەفورمانى تەرەڭدەتتى

تەڭىزدىڭ 3000 مەتر تەرەڭىنە سۇڭگىدى، جۇمىس دالدىگى سانتيمەتر دارەجەسىنە جەتتى... گۋاڭدۇڭ ولكەسىنىڭ گۋاڭجوۋ قالاسى نانشا رايونىنا ورنالاسقان تەرەڭ تەڭىز زەردەلى ادام (گۋاڭجوۋ) تەحنيكا شەكتى سەرىكتەستىگىندە ۇزىندىعى 6 مەتر، سالماعى 12 توننادان اساتىن قالقىما تەرەڭ تەڭىز كابەلىن كومۋگە بولاتىن قۇلتەمىر جەدەل جاسالۋدا. بۇل سەرىكتەستىكتىڭ تاياۋدا شەتەلدەن العان تاپسىرىسى، بۇنىمەن ەلىمىزدە وندىرىلگەن تەرەڭ تەڭىز قۇلتەمىرىن ساۋدالىق ەكسپورت ەتۋدى جۇزەگە اسىرادى.

2023 - جىلى 4 - ايدا باس شۋجي شي جينپيڭ گۋاڭدۇڭدا قىزمەت تەكسەرگەندە بىلاي دەپ اتاپ كورسەتتى: ”گۋاڭدۇڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، گۋاڭدۇڭ - شياڭگاڭ - اۋمىن شىعاناق رايونى قۇرىلىسىن گۋاڭدۇڭنىڭ رەفورما جاساۋدى، ەسىك اشۋدى تەرەڭدەتۋدەگى ۇلكەن ورايى، ۇلكەن ءىسى رەتىندە مىقتى يگەرىپ، ناقتى ىستەپ، ەڭ ماڭىزدى ورىنعا قويىپ، جۋجياڭ اتىراۋىن نەگىزگى شەپ ەتىپ، بۇكىل ولكەنىڭ كۇشىن جۇمىلدىرىپ، وسى ءىرى ءىستى ويداعىداي ىستەپ، گۋاڭدۇڭ، شياڭگاڭ، اۋمىن شىعاناق رايونىن جاڭا دامۋ جاعدايىنىڭ ستراتەگيالىق تىرەگىنە، جوعارى ساپالى دامۋدىڭ ۇلگى ورنىنا، جۇڭگوشا وسىزامانداندىرۋدىڭ جەتەكشى ورنىنا اينالدىرۋ كەرەك“. بيىل 11 - ايدا باس شۋجي شي جينپيڭ گۋاڭدۇڭدا تاعى دا قىزمەت تەكسەرگەندە بىلاي دەپ باسا دارىپتەدى: ”ومىرشەڭدىك كۇشكە جانە حالىقارالىق باسەكەلىك قۋاتقا باي بىرەگەي شىعاناق رايونىن جانە دۇنيە جۇزىلىك دەڭگەيدەگى قالالار شوعىرىن قۇرۋ نىساناسىن كوزدەپ، ءبىر جاعادان باس، ءبىر جەڭنەن قول شىعارىپ، تىڭعىلىقتى ىستەۋى، تۇيىندەردە قامال الۋدى، جاپپاي ىلگەرىلەتۋدى قۇلشىنا جۇزەگە اسىرۋى كەرەك“.

2022 - جىلى مەملەكەتتىك كەڭەس «گۋاڭجوۋ نانشادا دۇنيە جۇزىنە بەت العان گۋاڭدۇڭ - شياڭگاڭ - اۋمىن جالپى بەتتىك سەلبەستىگىن تەرەڭدەتۋدىڭ جالپى تۇلعالىق جوباسىن» باسىپ تاراتىپ، نانشا رايونىنا ”شىعاناق رايونىن تياناق ەتكەن، شياڭگاڭ مەن اۋمىنمەن سايكەسكەن، دۇنيە جۇزىنە بەت العان كەلەلى ستراتەگيالىق تۇعىر ەتىپ قۇرىپ شىعۋ“ بورىشىن جۇكتەدى.

3 جىلدان بەرى، نانشا رايونى وڭىرلىك باسىمدىقتى، كاسىپ نەگىزىن تياناق ەتىپ، جاڭادان گۇلدەنگەن شارۋاشىلىقتار دامۋىنىڭ قۇنارلى توپىراعىن بەكەمدەپ، ستراتەگيالىق باسىمدىلىقتى دامۋدىڭ قوزعاۋشى كۇشىنە ۇزدىكسىز اينالدىردى.

جاڭالىق اشۋ ارقىلى دەم بەرىپ، تەڭىزگە قاراي قۇدىرەتتەنۋدىڭ جاڭا داستانىن جازدى −

”تەرەڭ تەڭىزگە قۇبىر كابەلىن كومۋدە جۇمىستىڭ دالدىگى مەن سەنىمدىلىگىنە قويىلاتىن تالاپ وتە جوعارى“ دەدى تەرەڭ تەڭىز زەردەلى ادام سەرىكتىگى باس مەڭگەرۋشىسىنىڭ ورىنباسارى، قوسىمشا جاساۋ كاسىبىنىڭ باس باقىلاۋشىسى چياۋ يۋەكۇن تانىستىرىپ، سەرىكتەستىك قۇلتەمىردى جالپى تۇلعالىق جوبالاۋ تەحنيكاسى، تەرەڭ تەڭىزدەگى قۇراما جول نۇسقاۋ، ورىن بەلگىلەۋ تەحنيكاسى سياقتىلاردى ارقاۋ ەتىپ، عىلمي زەرتتەۋدە قامال الدى، 3 جىلدان بەرى جيىنى 200 تۇردەن استام ءبىلىم مەنشىك ۇقىعىنا يە بولىپ، تەرەڭ تەڭىزدەگى كوپتەگەن قۇلتەمىر ونىمدەرىن شىعاردى، بيىل الدىڭعى 3 توقساندا تاپسىرىس سوماسى 250 ميلليون يۋاننان استى.

تەرەڭ سۋلى پورتتى قورعاپ، نانشا رايونى عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتىپ، كەمە جانە تەڭىز - مۇحيت ينجەنەريالىق جابدىق كاسىبىنىڭ جوعارى ساپالى دامۋىن ىلگەرىلەتىپ، وسى زامانعى تەڭىز - مۇحيت كاسىپ جۇيەسىن جەدەل قۇردى.

نەگىزدىك زەرتتەۋ عىلىم - تەحنيكادا جاڭالىق جاراتۋدىڭ قاينار كوزى. بيىل 2 - ايدا ەلىمىز دەربەس زەرتتەپ جاساعان العاشقى تەڭىز جانە قۇرلىق بىرىكتىرىلگەن مەملەكەتتىڭ ماڭىزدى عىلىم - تەحنيكا نەگىزدىك جابدىعى لىڭچۋان ەكولوگيالىق جۇيەسىن زەرتتەۋ ءتۇزىلىسى نانشا رايونىندا قۇرىلىس باستادى، سالىنىپ ىسكە قوسىلعاننان كەيىن، جانعىش مۇزدى كاسىپ سالالاندىرۋ، تەڭىز - مۇحيت ورگانيزمدەرى بايلىعىنان پايدالانۋ سياقتى كاسىپتەردىڭ دامۋىن ىلگەرىلەتەدى.

قازىر نانشا رايونىنا وڭتۇستىك تەڭىز - مۇحيت عىلىمى مەن ينجەنەرياسى گۋاڭدۇڭ ولكەلىك تاجىريبەحاناسى سياقتى جاڭاشا زەرتتەۋ - اشۋ قۇرىلىمدارىنان 22 ى جينالىپ، كەمە مەن تەڭىز - مۇحيت ينجەنەرياسى كاسىبىنىڭ جىلدىق ءونىم قۇنى 30 ميلليارد يۋاننان استى.

اشىق سەلبەستىك كاسىپ سالاسىن كادەگە جاراتۋدىڭ ۇدەۋى −

”بۇل كوبەيتۋ مەن ازايتۋ ءبىر تۇلعالاندىرىلعان 3D باسپا جابدىعى ءبىر جاعىنان ماتەريال جيناقتاپ، ءبىر جاعىنان جىنتىكتەي جوندەپ، ۋاقىتتى، ماتەريالدى ۇنەمدەيدى“، - دەدى شياڭگاڭ عىلىم - تەحنيكا داشۋەسى (گۋاڭجوۋ) عىلىم - تەحنيكادا جاڭالىق اشۋ جەتىستىكتەرىن كادەگە جاراتۋ بازاسىندا گۋاڭجوۋ زەردەلى تەحنيكا اۆتوماتتاندىرۋ تەحنيكاسى شەكتى سەرىكتەستىگىنىڭ بىرلەسىپ قۇرۋشىسى جاڭ ۋىنزى.

وسى شىت جاڭا تەحنيكانىڭ نەگىزدىك زەرتتەۋى شياڭگاڭدا، جەتىستىكتەرىنىڭ وندىرگىش كۇشكە اينالۋى نانشادا. ”شياڭگاڭ مەن نانشا باسىمدىقتار ارقىلى ءبىرىن - ءبىرى تولىقتاپ، ونىمدەردىڭ تاجىريبەحانادان ءوندىرىس جەلىسىنە قاراي جەدەل قادام تاستاۋىنا دەم بەردى. بيىل سەرىكتەستىك 10 ميلليون يۋاندىق قارجى قۇراۋدى ورىنداپ، ءوندىرىس كولەمىن كەڭەيتۋدە“ دەدى جاڭ ۋىنزى.

”شياڭگاڭنىڭ زەرتتەۋ - اشۋى، نانشانىڭ كادەگە جاراۋى“ گۋاڭجوۋدىڭ زەردەلى عىلىم - تەحنيكاسى بۇعان مىسال ەمەس. 2024 - جىلى 9 - ايدا نانشا رايونى، گۋاڭجوۋ قالالىق عىلىم - تەحنيكا مەكەمەسى مەن شياڭگاڭ عىلىم - تەحنيكا داشۋەسى (گۋاڭجوۋ) قول ۇستاسىپ، شياڭگاڭ عىلىم - تەحنيكا داشۋەسى ( گۋاڭجوۋ) عىلىم - تەحنيكادا جاڭالىق اشۋ جەتىستىكتەرىن كادەگە جاراتۋ بازاسىن بىرگە قۇرىپ، شياڭگاڭ مەن اۋمىننىڭ ساپالى عىلىم - تەحنيكا جەتىستىكتەرىن كادەگە جاراتۋعا باۋرادى. قازىرگە دەيىن شياڭگاڭ عىلىم - تەحنيكا داشۋەسى مەن شياڭگاڭ عىلىم - تەحنيكا داشۋەسى (گۋاڭجوۋ) نانشادا 110 نان استام كاسىپورىن جەتىلدىرىلدى.

”شياڭگاڭ، اۋمىن زەرتتەۋ - اشۋ + نانشادا كادەگە جاراتۋ“ سياقتى كاسىپ سالاسى سەلبەستىك ۇلگىسىن ۇزدىكسىز كەڭەيتىپ، نانشا رايونى 15 شياڭگاڭ، اۋمىن جاستارىنىڭ جاڭالىق اشۋ بازاسىن قۇرىپ، شياڭگاڭ، اۋمىن جاستارىنىڭ دامۋى مەن شارۋاشىلىق قۇرۋىنا، جۇمىستانۋىنا قولداۋ كورسەتتى. قازىر نانشا رايونىنداعى شياڭگاڭ، اۋمىن جاستارىنىڭ جاڭالىق اشۋ بازاسى 2336 كاسىپورىن (نىسان) جەتىلدىردى، بۇكىل رايوندا شياڭگاڭ، اۋمىن كاسىپورىندارى 3100 دەن استى.

رەفورمانى تەرەڭدەتىپ، باتىلدىقپەن ىزدەنىس جاساپ، دامۋدى جەبەدى −

نانشا رايونى لۇڭشۋە كوشەسىندە ميجياۋ جەلىم ونىمدەرى حالىقارالىق قامداۋ تىزبەگى بازاسى نىسانى قۇرىلىسى قاۋىرت جۇرگىزىلۋدە. ”3 - ايدىڭ 17 - كۇنى نىسان تەكسەرۋدەن ءوتىپ، 3 - ايدىڭ 21 - كۇنى ماڭدايشالىق استى، 4 - ايدىڭ 28 - كۇنى رەسمي جۇمىس باستاپ، ۋاقىتتىڭ وزىندىك قۇنى مەن ەكونوميكانىڭ وزىندىك قۇنىن بارىنشا تومەندەتتى“ دەدى گۋاڭدۇڭ ميجياۋ جەلىم ونىمدەرى شەكتى سەرىكتەستىگىنىڭ ءتوراعاسى تاۋ زىلي.

نە ءۇشىن وسىنشاما تەز بولادى؟ قۇرىلىسقا پايدالانىلاتىن جەردى جوبالاۋ رۇقسات كۋالىگى، قۇرىلىس ينجەنەرياسىن جوبالاۋ رۇقسات كۋالىگى، قۇرىلىس جۇمىسىن جۇرگىزۋ رۇقسات كۋالىگى سياقتىلار بىرلەسىپ ءبىتىرىلىپ، تەكسەرىپ بەكىتۋ ۋاقىت شەگى بارىنشا قىسقاردى.

كاسىپ سالاسى نىساندارى جوباسىن تەكسەرىپ بەكىتۋ ءتارتىبىن ساپالىلاندىرىپ، نانشا رايونى ”كوپ تەكسەرۋدى بىرىكتىرۋ، كوپ كۋالىكتى بىرىكتىرۋ“ رەفورماسىن ورىستەتىپ، جوبالاۋ جوباسىن تەكسەرۋ جانە قۇرىلىس ينجەنەرياسى جوباسى رۇقسات كۋالىگىن بىرىكتىرىپ ءبىر جاقتى ەتىپ، ءىس ءبىتىرۋ بۋىندارىن ىقشامداپ، ءبىر جاقتى ەتۋ ۋاقىتىن 4 قىزمەت كۇنىنە قىسقارتىپ، نىسانداردىڭ ەرتەرەك تياناقتانۋىن، ەرتەرەك ءونىم بەرۋىن ىلگەرىلەتتى.

3 جىلدان بەرى، نانشا رايونىنداعى جوعارى، جاڭا تەحنيكا كاسىپورىندارىنىڭ سانى جىلىنا ورتا ەسەپپەن %21.5 ارتىپ، ناقتى كاسىپورىندار 30 مىڭنان استى. بيىل الدىڭعى 3 توقساندا نانشا رايونىندا جاڭادان جۇمىس باستاعان ونەركاسىپكە قارجى قوسۋ نىساندارىنىڭ سانى وتكەن جىلدىڭ ۇقساس مەزگىلىندەگىدەن %23.3 ارتىپ، جالپى قوسىلعان قارجى وتكەن جىلدىڭ ۇقساس مەزگىلىندەگىدەن %30.7 ارتقان.

”ءبىز باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، «گۋاڭجوۋدىڭ نانشا رايونىندا دۇنيە جۇزىنە بەت العان گۋاڭدۇڭ - شياڭگاڭ - اۋمىننىڭ جالپى بەتتىك سەلبەستىگىن تەرەڭدەتۋدىڭ جالپى جوباسىن» جاپپاي تياناقتاندىرامىز، رەفورما، ەسىك اشۋ، جاڭالىق اشۋ سىندى 3 ۇلكەن قوزعاۋشى كۇشتى ۇزدىكسىز قاۋلاتىپ، ناقتى ەكونوميكانى نەگىز ەتۋگە تاباندى بولىپ، باسەكەلىك قۋاتقا يە وسىزاماندانعان كاسىپ سالاسى جۇيەسىن جەدەل ورناتامىز“ دەدى گۋاڭجوۋ قالالىق پارتكومنىڭ تۇراقتى مۇشەسى، نانشا رايوندىق پارتكومنىڭ شۋجيى ليۋ ۋەي.

كەلۋ قاينارى: حالىق تورابى