7 تاراۋ جىبەك شارۋاشىلىعىندا ”شىعىستىڭ جىبەك شارۋاشىلىعىن باتىستا بەكەمدەۋ“ قىزمەتىن ورىستەتەدى 

ساۋدا مينيسترلىگى قاتارلى 7 تاراۋ جۋىردا جىبەك شارۋاشىلىعى سالاسىندا ”شىعىستىڭ جىبەك شارۋاشىلىعىن باتىستا بەكەمدەۋ“ قىزمەتىن ورىستەتۋ جونىندەگى ۇقتىرۋدى باسىپ تاراتىپ، 11 – ايدىڭ 17 – كۇنى جاريالاعان.

ۇقتىرۋدا مىناداي تالاپتار ورتاعا قويىلعان: شىعىس بولىك، ورتا بولىك، باتىس بولىك اراسىنداعى جىبەك شارۋاشىلىعى بايلىق قاينارى قۋاتى مەن كاسىپ سالاسى نەگىزىن ءبىرتۇتاس جوسپارلاپ، جىبەك شارۋاشىلىعىن ساتىلى جوتكەۋ قاجەتىنە ۇيلەسىپ، جەرگىلىكتى ورىننىڭ جاعدايىنا قاراي جاڭا ساپالى وندىرگىش كۇشتى دامىتىپ، جىبەك شارۋاشىلىعىنداعى وسىزامانداندىرىلعان كاسىپ سالاسى جۇيەسىنىڭ قۇرىلىسىن تىڭعىلىقتى ىلگەرىلەتىپ، حالىقارالىق باسەكەلىك قۋاتقا يە جاڭا باسىمدىلىقتى قالىپتاستىرىپ، جىبەك شارۋاشىلىعىنداعى ”شىعس بولىك جاڭالىق اشىپ باستاماشىلدىق ەتۋ، ورتا - باتىس بولىك ءوندىرىس قۋاتى بويىنشا تىرەك ازىرلەۋ، شىعىس بولىك پەن باتىس بولىك سايكەسىپ ءوزارا تولىقتاۋ“ سىندى دامۋدىڭ جاڭا اۋقىمىن جاراتۋ كەرەك.

ۇقتىرۋدا مىنالار اتاپ كورسەتىلگەن: 2028 – جىلعا بارعاندا، شىعىس بولىكتە تيجارات كىرىسى 10 ميلليارد يۋاننان اساتىن كاسىپ سالاسىنداعى كوشباسشى كاسىپورىنداردان 10 داي كاسىپورىن قۇرىپ، دەربەس ءبىلىم مەنشىگى ۇقىعىنا، حالىقارالىق تيجارات تورىنا يە ەل ءىشى – سىرتىنا تانىمال ماركالاردان 20 دان استامىن جەتىلدىرىپ، جوعارى دەڭگەيدەگى جىبەك شارۋاشىلىعى ونىمدەرىن ەكسپورت ەتۋدىڭ سول وڭىردەگى سالىستىرماسىن %50 تەن اسىرۋ قاجەت. ورتا – باتىس بولىكتەگى وڭىرلەردە جىبەك شارۋاشىلىعى سالاسىنداعى ءبىر توپ جوعارى ساپالى دامىعان كاسىپورىندار شوعىرلانعان ءوڭىر قۇرىپ، تيجارات كىرىسى 500 ميلليون يۋاننان اساتىن جەتەكشى كاسىپورىنداردان 10 نان استامىن جەتىلدىرىپ، ساپالى ءپىللا، جىبەك، قامقا ءوندىرىس مولشەرىنىڭ سول وڭىردەن ۇستايتىن سالىستىرماسىن %75 تەن استام دەڭگەيگە جەتكىزۋ قاجەت. زەردەلى جولمەن جىبەك تالشىقتاۋ، ءپىللانى ماشينامەن تاڭداۋ، جاسىل تيپتى بوياۋ قاتارلى 10 نەشە ءتۇرلى ءتۇيىندى تەحنيكادا ناتيجە جاراتىپ، ەلىمىز بويىنشا جىبەك شارۋاشىلىعىنىڭ جالپى ءوندىرىس قۇنىن 300 ميلليارد يۋاننان اسىرۋ قاجەت.

كەلۋ قاينارى: حالىق تورابى