ورتالىق اۋا رايى ستانسياسى 11 – ايدىڭ 17 - كۇنى ساعات 10 دا سۋىق اعىستان ساقتانۋدىڭ كوك ءتۇستى ساقتىق سيگنالىن جالعاستى جاريالادى 

كۇشتى سۋىق اعىستىڭ ىقپالىنان مەجەمەن 11 – ايدىڭ 17 – كۇنى ساعات 14 تەن 11 – ايدىڭ 19 - كۇنى ساعات 8 گە دەيىن حيلۇڭجياڭنىڭ شىعىس سولتۇستىك بولەگى، شانشيدىڭ وڭتۇستىك بولەگى، سىچۋاننىڭ سولتۇستىگى مەن شىعىس بولەگى، چۇڭچيڭ، چاڭجياڭ - حانشۇي، چاڭجياڭ - حۋايحى، چاڭجياڭنىڭ وڭتۇستىگى، وڭتۇستىك جۇڭگو جانە گۇيجوۋ، يۇنناننىڭ شىعىس بولەگى قاتارلى جەرلەردە ورتا ەسەپپەن ەڭ تومەنگى تەمپەراتۋرا 6 دا 10 سەلتسي گرادۋس تومەندەيدى، مۇندا چۇڭچيڭنىڭ سولتۇستىك بولەگى، حۋبەيدىڭ باتىس بولەگى، چاڭجياڭ - حۋايحى وزەنىنىڭ شىعىس بولەگى، چاڭجياڭنىڭ سولتۇستىك بولەگى، گۋاڭشيدىڭ شىعىس بولەگى قاتارلى جەرلەردىڭ ءىشىنارا رايوندارىندا تەمپەراتۋرا 10 دا 12 سەلتسي گرادۋس اينالاسىندا تومەندەيدى، انحۇيدىڭ وڭتۇستىك بولەگى، جىجياڭنىڭ باتىس سولتۇستىك بولەگىندەگى ءىشىنارا جەرلەردە تەمپەراتۋرا 14 سەلتسي گرادۋستان ارتىق تومەندەيدى. 11 – ايدىڭ 19 – كۇنى تاڭەرتەڭ 0 سەلتسي گرادۋستىق تەمپەراتۋرا وڭتۇستىككە قىسىم جاساپ، جياڭسۋ ـ انحۇي ولكەسىنىڭ وڭتۇستىك بولەگىنەن حۋبەيدىڭ ورتا بولەگىنە دەيىن بارادى.

قورعانۋ ەسكەرتپەسى:

1. ۇكىمەت جانە قاتىستى تاراۋلار مىندەت جاۋاپكەرشىلىگى بويىنشا سۋىق اعىستان ساقتانۋدىڭ دايىندىق قىزمەتىن ويداعىداي ىستەۋ كەرەك؛

2. كيىمدى قالىڭ كيىپ، سۋىقتان ساقتانۋعا كوڭىل ءبولۋ كەرەك؛

3. ىستىق بەلدەۋ داقىلدارى مەن سۋ ونىمدەرىنە قاراتا بەلگىلى قورعانۋ شارالارىن قولدانۋ كەرەك؛

4. جەلدەن ساقتانۋدىڭ دايىندىق قىزمەتىن جاقسى ىستەۋ كەرەك.