جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك

شينحۋا اگەنتتىگىنىڭ 11 ـ ايدىڭ 15 ـ كۇنى بەيجيڭنەن بەرگەن حابارى. 11 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 22 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2023 ـ جىلى 9 ـ ايدان 2025 ـ جىلى 4 ـ ايعا دەيىنگى ارالىقتاعى قاتىستى ماڭىزدى بايىمداۋلارىنىڭ ءۇزىندىسى.

ماقالادا مىنالار باسا دارىپتەلدى: جاڭاشا وندىرگىش كۇش — جاڭالىق اشۋدا جەتەكشىلىك رول اتقاراتىن، ءداستۇرلى ەكونوميكالىق ارتۋ تاسىلىنەن، وندىرگىش كۇشتەردىڭ دامۋ جولىنان ارىلعان، جوعارى عىلىم ـ تەحنولوگيا، جوعارى ءونىم، جوعارى ساپا ەرەكشەلىگىنە يە، جاڭا دامۋ ۇستانىمىنا ۇيلەسەتىن وزىق وندىرگىش كۇشتەردىڭ ساپالىق كۇيى. ول تەحنولوگياداعى توڭكەرىستىك سەرپىلىستەن، ءوندىرىس فاكتورلارىن جاسامپازدىقپەن ۇلەستىرۋدەن، كاسىپ سالالارىنىڭ تەرەڭدەي تيبىن جاڭالاپ دارەجەسىن جوعارىلاتۋدان تۋىنداعان، ەڭبەكشىلەردى، ەڭبەك ماتەريالدارىن، ەڭبەك وبيەكتىلەرىن جانە ولاردىڭ ساپالى بىرىگىپ، دەڭگەيىنىڭ جوعارىلاۋىن نەگىزگى ىشكى ءمان، جالپى فاكتورلىق ءوندىرىس ونىمدىلىگىنىڭ زور كولەمدە ارتۋىن وزەكتى بەلگى ەتكەن، ەرەكشەلىگى — جاڭالىق اشۋ، تەتىگى — ساپالى بولۋ، ءمانى — وزىق وندىرگىش كۇش.

ماقالادا مىنالار اتاپ كورسەتىلدى: عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋ — جاڭاشا وندىرگىش كۇشتى دامىتۋدىڭ نەگىزگى جولى. عىلىم ـ تەحنولوگيادا جاڭالىق اشۋ جاڭا كاسىپ سالاسىن، جاڭا ۇلگىنى، جاڭا قوزعالىس قۋاتىن تۋىنداتادى، ول جاڭاشا وندىرگىش كۇشتەردى دامىتۋدىڭ وزەكتى فاكتورى. عىلىم ـ تەحنولوگيادا جاڭالىق اشۋدى يگەرۋدە وسىزاماندانعان كاسىپ سالاسى جۇيەسىن قۇرۋدى كوزدە ۇستاپ، ءارى كوبىرەك عىلىم ـ تەحنولوگيالىق جەتىستىككە جەتۋ، ءارى عىلىم ـ تەحنولوگيا جەتىستىكتەرىن ناقتى وندىرگىش كۇشكە اينالدىرۋ كەرەك. كاسىپ سالاسىندا جاڭالىق اشۋدى يگەرۋدە ناقتى ەكونوميكا سىندى وسى نەگىزدى مىقتى ساقتاپ، ءداستۇرلى كاسىپ سالالارىنىڭ جاڭالانۋىن، دەڭگەيىن جوعارىلاتۋىن ىلگەرىلەتۋگە جانە ستراتەگيالىق جاڭادان گۇلدەنگەن كاسىپ سالاسىنىڭ، بولاشاق كاسىپ سالاسىنىڭ جاڭا جارىس جولىن اشۋعا تەڭ ءمان بەرۋگە تاباندى بولۋ كەرەك. عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن يگەرۋدە تۇعىر ورناتىپ، ءتۇزىلىس ـ مەحانيزمدى اقاۋسىزداندىرىپ، كاسىپورىننىڭ جاڭالىق اشۋداعى نەگىزگى تۇلعالىق ورنىن كۇشەيتىپ، جاڭالىق اشۋ تىزبەگى مەن كاسىپ سالاسى تىزبەگىن جىكسىز ءتۇيىلىستىرۋ كەرەك.

ماقالادا مىنالار اتاپ كورسەتىلدى: جوعارى ساپالى دامۋعا ىقپال جاسايتىن جانە تۇساۋ بولاتىن تۇزىلىستىك، مەحانيزمدىك ولقىلىقتاردى باتىل تالقانداپ، جاڭاشا وندىرگىش كۇشتەرگە اناعۇرلىم ۇيلەسەتىن وندىرىستىك قاتىناستى كەمەلدەندىرۋ كەرەك. جاڭا سالا، جاڭا جارىس جولى تۇزىمدىك قامداۋىن كۇشەيتىپ، ءتۇرلى وزىق ءوندىرىس فاكتورلارىنىڭ جاڭاشا وندىرگىش كۇشتەردى دامىتۋعا شوعىرلانۋىن جەبەۋ كەرەك. مەملەكەتتىڭ جاڭالىق اشۋ جۇيەسىن كەمەلدەندىرىپ، ءتۇرلى جاڭالىق اشۋ نەگىزگى تۇلعالارىنىڭ ومىرشەڭ كۇشىن قاۋلاتىپ، نەگىزدىك زەرتتەۋدى كۇشەيتۋگە، ءتول جاسامپازدىق قابىلەتتى جوعارىلاتۋعا ۇزدىكسىز كۇش سالىپ، شەشۋشى، وزەكتى تەحنولوگيادا، الدىڭعى لەك تەحنولوگياسىندا ناتيجە جاراتۋ جاعىندا قامال الۋدى مىقتى يگەرۋ كەرەك. جاپپاي جاڭالىق اشۋعا ىقپال جاسايتىن جانە تۇساۋ بولاتىن توسقاۋىل تۇيىندەردى، بوگەت تۇيىندەرىن اشىپ، وقۋ ـ اعارتۋدىڭ، عىلىم ـ تەحنولوگيانىڭ، دارىندىلاردىڭ ءبىر تۇلعالى دامۋىن ءبىر تۇتاس جوسپارلاپ ىلگەرىلەتىپ، جاڭاشا وندىرگىش كۇشتەردى دامىتۋدىڭ نەگىزدىك سيپاتتى، ستراتەگيالىق سيپاتتى تىرەگىن بەكەمدەۋ كەرەك.

ماقالادا مىنالار باسا دارىپتەلدى: ”15 ـ بەسجىلدىق“ مەزگىلىندە جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدى، ءسوز جوق، ءتىپتى دە كورنەكتى ستراتەگيالىق ورىنعا قويىپ، عىلىم ـ تەحنولوگيادا جاڭالىق اشۋدى جەتەكشى، ناقتى ەكونوميكانى نەگىز ەتىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك. جەر ـ جەر ءىس جۇزىندىكتى نەگىزگە الۋعا تاباندى بولىپ، ءوز جەرىنىڭ بايلىق ارتىقشىلىعى، كاسىپ سالاسى نەگىزى، عىلمي زەرتتەۋ شارت ـ جاعدايى سياقتىلارعا نەگىزدەلىپ، جاڭا كاسىپ سالاسىنىڭ، جاڭا ۇلگىنىڭ، جاڭا قوزعالىس قۋاتىنىڭ دامۋىن تالعامپازدىقپەن ىلگەرىلەتىپ، ەكونوميكانىڭ ارتۋى مەن جۇمىستانىپ كىرىس كىرگىزۋدىڭ نەگىزگى سۇيەنىشى بولعان ءداستۇرلى كاسىپ سالالارىن جاڭالاۋدى، دارەجەسىن جوعارىلاتۋدى جەدەل ىلگەرىلەتىپ، جاڭا، كونە دامۋ قوزعالىس قۋاتتارىنىڭ ورنىقتى، ءۇرتىس اۋىسۋىن ىلگەرىلەتۋ كەرەك.

كەلۋ قاينارى: حالىق تورابى