الەۋمەتتىك اۋماقتى جونگە سالۋدا ”جالىندى كۇش“ جارىققا شىقتى  (ءتورتىنشى جالپى ءماجىلىستىڭ رۋحىن دايەكتىلەندىرۋدىڭ ءبىرىنشى شەبىنەن كورگەن - بىلگەندەرىمىز)

كەشكى ساعات 10 نان اسقاندا شاڭحاي قالاسى باۋشان رايونى سۇڭنان 10 - قىستاعى شاعىن اۋماعىندا الەۋمەتتىك اۋماق پارتيا باس ياچەيكاسىنىڭ مۇشەسى، تۇرعىندار كوميتەتىنىڭ مەڭگەرۋشىسى جاڭ ايجىن ءبىر كۇندىك قىزمەتىن اياقتاتىپ ۇيىنە قايتىپ كەلدى.

”بۇگىن تاعى دا وسىنشاما كەش قايتتىڭ - اۋ“. كۇيەۋى جاۋ جيانجۇڭ كوزىن ۋقالاپ، بۇرىلىپ اس ۇيگە كىرىپ ىستىق تاماق دايىندادى.

سۇڭنان 10 - قىستاعى وتكەن عاسىردىڭ 90 - جىلدارىندا سالىنعان كونە شاعىن رايون، قارتتار كوپ، تۇرعىندار كوميتەتى مەن ەرىكتىلەر قوسىنىنىڭ ادامى شەكتى. جاڭ ايجىن سياقتى الەۋمەتتىك اۋماق كادرلارى ۇنەمى قاربالاس بولىپ، ءتۇن جارىمىنا دەيىن ىستەيدى.

باس شۋجي شي جينپيڭ بىلاي دەپ باسا دارىپتەدى: ”نەگىزگى ساتىنى جونگە سالۋدى وسىزامانداندىرۋ سىندى نەگىزدىك قىزمەتتى، ءسوز جوق، ويداعىداي يگەرۋ كەرەك“. نەگىزگى ساتىنى يگەرىپ، نەگىزدى كۇشەيتۋ − جاڭا داۋىردە قوعامدى جونگە سالۋ جۇيەسىن كەمەلدەندىرۋدىڭ وزەگى.

پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «ۇسىنىسىندا» ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىسانالارى ورتاعا قويىلىپ، ”قوعامدى جونگە سالۋ مەن الەۋمەتتىك حاۋىپسىزدىكتى جونگە سالۋ ورەسىن كورنەكتى جوعارىلاتۋ“ سوعان ەنگىزىلدى.

”تاماق جەتكىزۋشىلەرگە تاپسىرىس بەرىپ قويدىم، ىسىتپاي - اق قوي“. جاڭ ايجىن قولىن سەرمەدى. قولىنداعى جەتكىزىلگەن تاماقتى كورىپ، ول كەنەت ەسىنە بىردەڭە ءتۇسىپ ويلانا قالدى: ەگەر تاماق جەتكىزۋشىلەر سياقتى ”جىلجىمالى كۇشتى“ الەۋمەتتىك اۋماقتى جونگە سالۋدىڭ ”ورنىقتى“ تىرەگىنە اينالدىرا الساق، كوپتەگەن قيىن ماسەلەنى شەشۋدىڭ جاڭا ءادىسى تابىلۋى مۇمكىن.

كەلەسى كۇنى وسى ويدى توڭىرەكتەي وتىرىپ، جاڭ ايجىن تۇرعىندار كوميتەتىندەگى قىزمەتتەستەرىمەن بىرگە ”اقىلداسىپ وي قورىتا“ باستايدى.

تاماق جەتكىزۋشىلەردى ”وداقتاسۋعا“ قالاي باۋراساق بولادى؟ حاباردان كورگەن ”مەيىر ايالداماسى“ وي جەلىسىن اشتى: الەۋمەتتىك اۋماقتىڭ اماندىق ساقتاۋ قىزمەت ورنى سياقتى كەڭىستىكتەرىندە ايالداما قۇرىپ، مەيىر باعىشتاۋ ارقىلى سىرلاسۋدى جەبەپ، تاماق جەتكىزۋشىلەردىڭ تاۋەلدىلىك سەزىمىن كۇشەيتىپ، ۇيىسۋ قۋاتىن جوعارىلاتۋ كەرەك.

”مەيىر ايالداماسى“ ”چاڭشياۋ ايالداماسى“ دەپ تە اتالادى. سىرتقا قاراتا ءبىر تۇتاس بەلگى سالىپ ءارى ءبىر اۋماقتى اشىپ، تاماق جەتكىزۋشىلەردىڭ كولىكتەرىن ۋاقىتشا توقتاتۋىنا قولايلىلىق جاراتتى؛ ىشكە قاراتا، ءبىر رەت ىستەتىلەتىن سۋلىق، شۇعىل كومەك بەرۋ ءدارى ساندىعى، ەلەكتروماگنيتتى وشاق سياقتى جابدىقتار سەپتەلگەن. كەيبىرەۋلەر كولىكتەرىنە توك زاريادتاسا، كەيبىرەۋلەر ىستىق تاماق جەيتىن بولدى، تاعى بىرەۋلەر كەلىپ دەمالادى... ”چاڭشياۋ بەكەتى“ زات جەتكىزۋشىلەر مەن الەۋمەتتىك اۋماق اراسىنداعى دانەكەرگە اينالدى.

كەيىن كەلە تاماق جەتكىزۋشىلەر الەۋمەتتىك اۋماق كادرلارىنا بىلاي دەپ ۇسىنىس بەردى: جەدەل جەتكىزۋ رايونىندا لاپاس جوق، جەل سوعىپ، جاڭبىر جاۋسا، پوسەلكا وڭاي دىمقىلدانادى، كۇن نۇرى تۇسسە، نارسە وڭاي بۇزىلادى ەكەن. الەۋمەتتىك اۋماق سايكەسىپ، جۇمىسشىلار ىسكە كىرىسىپ، ءبىر اپتاعا جەتپەيتىن ۋاقىتتا لاپاس سالىندى.

كوڭىل كوڭىلدەن ءنار الدى، تاماق جەتكىزۋشىلەر وزدىكتەرىنەن ”الەۋمەتتىك اۋماقتىڭ جۇمىسىن“ ”ءوز جۇمىسى“ دەپ ءبىلىپ، الەۋمەتتىك اۋماقتى جونگە سالۋداعى ”جالىندى قوسىنعا“ اينالدى: قاي جەردە ەلەكترلى ۆەلەسيپەد بەتالدى توقتاپ، بەتالدى قويا بەرىلسە، قاي جەردەگى كولىك توقتاتۋ ورنى يەلەپ الىنسا، تاماق جەتكىزۋشىلەر سۋرەتكە تارتىپ، جوعارىعا جولداپ، الەۋمەتتىك اۋماق كادرلارى دەر كەزىندە اقىلداسىپ ءبىر جاقتى ەتەتىن بولدى.

”بۇرىن اركىم ءوز جۇمىسىمەن قاربالاس جۇرەتىن، قازىر بارلىعىنىڭ كومەكتەسكىسى كەلەتىن بولدى“ دەدى جاڭ ايجىن.

ءبىر كۇنى ”چاڭشياۋ بەكەتىنىڭ“ ۇستەلىنىڭ ۇستىنە ءبىر قالتا جەمىسپەن باستىرىلعان العىس حاتى قويىلىپتى.

ءاسىلى، سودان ءبىر كۇن بۇرىن تۇندە تاماق جەتكىزۋشى لي لۇنلۇن ءبىر قارتتىڭ شاعىن رايوندا ۇزاق ۋاقىت اينالسوقتاپ، جولدان اداسىپ قالعانىن بايقاپ، دەرەۋ سۋرەتكە تارتىپ جوعارىعا مالىمدەپتى. سونىمەن بىرنەشە مينۋتتان كەيىن الەۋمەتتىك اۋماقتاعى كەزەكشى قىزمەتكەرلەر الگى قارتتىڭ وتباسىنداعىلارمەن بايلانىس جاساعان ەكەن. بۇل العىس حاتتى قاريانىڭ وتباسى مۇشەلەرى جازىپتى.

”الەۋمەتتىك اۋماق بارعان سايىن ءوز ۇيىمە ۇقساپ بارادى، قىزمەتتە تابىسقا جەتۋ سەزىمىم دە ارتا ءتۇستى“ دەدى لي لۇنلۇن.

”چاڭشياۋ بەكەتى“ قۇرىلعاننان بەرى سۇڭنان 10 - قىستاعىنداعى تۇرعىنداردىڭ ارىز - شاعىم بەرۋى تەڭ جارىمىنا جۋىق ازايىپ، اۆتوموبيل توقتاتۋ ورنىنىڭ الباتى يەلەنۋىنە قاتىستى ارىز - شاعىم نەگىزىنەن قالمادى.

بۇل كۇندە ”چاڭشياۋ بەكەتى“ مەن وسى تەكتەس كەڭىستىكتەن باۋشان رايونىندا 50 دەن استامى قۇرىلىپ، 11 مىڭنان استام جاڭا جۇمىستانۋ فورماتسياسىنداعى ەڭبەكشىنى يگىلىككە كەنەلتتى.

”نەگىزگى ساتىنىڭ ’سوڭعى شەبى‘ دە جونگە سالۋدىڭ ’الدىڭعى قاراۋىلى‘. پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرگەن باۋشان رايونى بىرگە قۇرۋدى، بىرگە جونگە سالۋدى، بىرگە يگىلىكتەنۋدى اناعۇرلىم ىلگەرىلەتىپ، نەگىزگى ساتىنى جونگە سالۋ ونىمدىلىگىن ۇزدىكسىز جوعارىلاتادى“ دەدى باۋشان رايوندىق پارتكوم قوعامدىق قىزمەت ءبولىمى باستىعىنىڭ ورىنباسارى لي تيڭ.