10 - ايدا جوعارى تەحنيكالى كاسىپ سالاسىنىڭ ساتۋ كىرىسى سايكەس مەزگىلدەگىدەن %13.6 ارتتى

«حالىق گازەتى»، 11 - ايدىڭ 24 - كۇنى، بەيجيڭ (ءتىلشى ۋاڭ گۋان). مەملەكەتتىك باجى باس مەكەمەسىنىڭ ەڭ جاڭا جاريالاعان ساندى مالىمەتىندە كورسەتىلۋىنشە، 10 - ايدا ەلىمىزدىڭ جاڭاشا وندىرگىش كۇشتەرى ۇزدىكسىز جەتىلدىرىلىپ، زورايتىلىپ، جوعارى دەڭگەيلى جاساۋ، جاڭالىق جاراتۋ كاسىپ سالاسى، سيفرلى تەحنيكا مەن ناقتى ەكونوميكانى توعىستىرۋ سالاسى سىندى ءۇش ۇلكەن سالادا ورنىقتى ارتۋ جاعدايى جارىققا شىعىپ، ەكونوميكانىڭ دامۋىنا ۇزدىكسىز تىڭ ومىرشەڭدىك كۇش قوسقان.

جوعارى دەڭگەيلى جاساۋ ۇزدىكسىز كۇش سالدى. 10 - ايدا جابدىق جاساۋ كاسىبىنىڭ ساتۋ كىرىسى سايكەس مەزگىلدەگىدەن %7.3 ارتتى، بيىل جىل باسىنان بەرى جاساۋ كاسىبىنىڭ ورتاشا دەڭگەيىنەن ءۇرتىس جوعارى بولدى. مۇنىڭ ىشىندە كومپيۋتەر، حابارلاسۋ جابدىقتارىن جاساۋ كاسىبى، كەمە جانە قاتىستى قوندىرعىلاردى جاساۋ كاسىبى، باتەريا جاساۋ كاسىبىنىڭ ساتۋ كىرىسى سايكەس مەزگىلدەگىدەن جەكە - جەكە %10.1، %24.4 جانە %27.2 ارتىپ، ءبىرشاما كۇشتى دامۋ تەبىنىن ايگىلەدى.

جاڭالىق اشۋ كاسىپ سالاسى جەدەل دامىدى. 10 - ايدا جوعارى تەحنيكالى كاسىپ سالالارىنىڭ ساتۋ كىرىسى سايكەس مەزگىلدەگىدەن %13.6 ارتتى. مۇنىڭ ىشىندە جوعارى تەحنيكالى قىزمەت وتەۋ كاسىبىنىڭ ساتۋ كىرىسى سايكەس مەزگىلدەگىدەن %16.1 ارتتى؛ جوعارى تەحنيكالى جاساۋ كاسىبىنىڭ ساتۋ كىرىسى سايكەس مەزگىلدەگىدەن %10.1 ارتتى؛ ينتەگرالدى تىزبەك، ونەركاسىپ قۇلتەمىرى، ۇشقىشسىز ۇشاق جاساۋدىڭ ساتۋ كىرىسى سايكەس مەزگىلدەگىدەن جەكە - جەكە %32.5، %41.7 جانە %38.4 ارتتى.

سيفرلى تەحنيكا مەن ناقتى ەكونوميكانى توعىستىرۋدا ۇزدىكسىز قامال الىندى. 10 - ايدا سيفرلى ەكونوميكانىڭ وزەكتى كاسىپ سالاسىنىڭ ساتۋ كىرىسى سايكەس مەزگىلدەگىدەن %8.5 ارتتى. مۇنىڭ ىشىندە سيفرلى ونىمدەرگە قىزمەت وتەۋ كاسىبىنىڭ، سيفرلى تەحنيكاعا قىزمەت وتەۋ كاسىبىنىڭ ساتۋ كىرىسى سايكەس مەزگىلدەگىدەن جەكە - جەكە %10.2 جانە %13.1 ارتتى؛ سيفرلى تۇتىنۋدىڭ جەبەۋ رولى كورنەكتى بولىپ، سيفرلى مازمۇن مەن مەديا كاسىبىنىڭ ساتۋ كىرىسى سايكەس مەزگىلدەگىدەن %15.2 ارتتى.