ەل ىشىندەگى وڭدەلگەن مۇناي باعاسىن رەتتەۋ مەحانيزمى بويىنشا 2026 – جىلى 1 – ايدىڭ 6 – كۇنى باعا قازىرگى قالپىن ساقتادى

جۇڭگو اقپارات تورابىنىڭ 1 – ايدىڭ 6 – كۇنى بەرگەن حابارى. مەملەكەتتىك دامۋ – رەفورما كوميتەتى تورابىنىڭ حابارلاۋىنشا، 2025 – جىلى 12 – ايدىڭ 22 – كۇنى ەل ىشىندەگى وڭدەلگەن مۇناي باعاسى رەتتەلگەننەن بەرى، حالىقارالىق بازارداعى مۇناي باعاسى از مولشەردە تولقىعان، ەل ىشىندەگى وڭدەلگەن مۇناي باعاسىن رەتتەۋدە قازىر اتقارىلىپ وتىرعان مەحانيزم بويىنشا ەسەپتەگەندە، 2026 – جىلى 1 – ايدىڭ 6 – كۇنىنەن بۇرىنعى 10 قىزمەت كۇنىندەگى ورتاشا باعانى 2025 – جىلى 12 – ايدىڭ 22 – كۇنىنەن بۇرىنعى 10 قىزمەت كۇنىندەگى ورتاشا باعامەن سالىستىرعاندا، رەتتەۋ سوماسى ءار تونناسىنا 50 يۋانعا جەتپەگەن. «مۇناي باعاسىن باسقارۋ ءادىسىنىڭ» 7 – تارماعىنداعى بەلگىلەمەگە ساي، وسى رەت بەنزين مەن ديزەل مايىنىڭ باعاسى رەتتەلمەگەن، رەتتەلمەگەن سوما كەلەسى جولى باعا رەتتەۋ بارىسىندا قوسىلادى نەمەسە دولايلاستىرىلادى.

جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋدى جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.

كەلۋ قاينارى: حالىق تورابى